Kangana Ranaut: వరల్డ్ ప్యారా అథ్లెటిక్స్ బ్రాండ్ అంబాసిడర్ గా కంగనా!

భారత ప్యారా అథ్లెటిక్స్ ప్రపంచ ఛాంపియన్‌షిప్‌ (World Para Athletics Championship) నూతన అధ్యాయం మొదలైంది. 2025 ఛాంపియన్ షిప్ పోటీలు సెప్టెంబర్ 27 నుంచి అక్టోబర్ 5 వరకు న్యూఢిల్లీ జవహర్‌లాల్ నెహ్రూ స్టేడియం వేదికగా జరగనున్నాయి.  ఈ ప్రతిష్టాత్మక ఈవెంట్‌కు 100కు పైగా దేశాల నుండి 1,000 మందికి పైగా అథ్లెట్లు హాజరవుతారు. ఇది భారతదేశంలో జరగనున్న అతిపెద్ద ప్యారా క్రీడా ఈవెంట్ కానుంది. ఈ నేపథ్యంలో ప్యారా అథ్లెటిక్స్ 2025 బ్రాండ్ అంబాసిడర్ ని ప్రకటించారు. బాలీవుడ్ నటి, లోక్ సభ ఎంపీ కంగనా రనౌత్ ఈ కార్యక్రమానికి ప్రచారకర్తగా నియమితులయ్యారు. ఈ విషయాన్ని పారాలింపిక్ కమిటీ ఆఫ్ ఇండియా (PCI) అధికారికంగా ప్రకటించింది. 

బ్రాండ్ అంబాసిడర్ గా

వరల్డ్ ప్యారా అథ్లెటిక్స్ బ్రాండ్ అంబాసిడర్ గా తనను నియమించడంపై కంగనా సంతోషం వ్యక్తం చేశారు. ఈ మేరకు కంగనా మాట్లాడుతూ.. ''భారత ప్యారా అథ్లెట్లు ప్రతిరోజూ అసాధ్యాలను సుసాధ్యం చేస్తున్నారు. వారి అద్భుతమైన విజయాల గురించి అవగాహన పెంచడానికి,  వారికి మద్దతు ఇవ్వడానికి నేను ఎంతగానో గౌరవిస్తున్నాను. ప్యారా క్రీడ అనేది కేవలం పోటీ కాదు, అది ధైర్యం" ! అని అన్నారు. 

View this post on Instagram

A post shared by Kangana Ranaut (@kanganaranaut)

PCI అధ్యక్షుడు, పారాలింపిక్ గోల్డ్ మెడలిస్ట్  దేవేంద్ర ఝఝారియా కూడా కంగనా నియామకం పట్ల సంతోషం వ్యక్తం చేశారు.  భారత అథ్లెట్ల పట్ల ఆమెకున్న నిబద్ధత ఈ ప్రపంచ స్థాయి ఈవెంట్‌కు ఆమెను ఆదర్శ అంబాసిడర్‌గా చేస్తుంది" అని కొనియాడారు.