MDNIY: IDY 2025 ఉత్సవానికి సన్నాహలు.. 10 ప్రత్యేకమైన కార్యక్రమాలు ప్రకటించిన ఆయుష్ మంత్రి

MDNIY: ఈ సంవత్సరం ప్రపంచ యోగా దినోత్సవం (IDY 2025) ఉత్సవానికి మోరార్జీ దేశాయ్ నేషనల్ ఇన్స్టిట్యూట్ ఆఫ్ యోగా (MDNIY) ప్రణాళికలు సిద్ధం చేసింది. ఈ సందర్భంగా 13 మార్చి 2025న, న్యూఢిల్లీని వేదికగా ఉత్సవాన్ని నిర్వహించారు.  IDY 2025 కి సంబంధించిన ముఖ్యమైన కార్యక్రమాల అమలు నేపథ్యంలో ఈ కార్యక్రమం జరిగింది. ఇందులో యోగా యొక్క వైవిధ్యాలు,  దాని ప్రయోజనాలను ప్రోత్సహించడానికి 10 ప్రత్యేక కార్యక్రమాలు ప్రకటించారు.

ఈ కార్యక్రమం ప్రారంభం కావడం ద్వారా 100 రోజుల కౌంట్డౌన్ ప్రారంభమైంది. ఇది IDY 2025 కోసం ప్రిపరేషన్లను వేగవంతం చేస్తుంది. జూన్ 21న ఇంటర్నేషనల్ యోగా డే జరుపుకోనున్నారు.  ఆయుష్ మంత్రి శ్రీ ప్రతాప్ రావు జాధవ్ ఈ కార్యక్రమాన్ని ప్రారంభించారు. ఈ సందర్భంగా, ఆయన యోగా ప్రాముఖ్యతను వివరించారు, "గత 10 సంవత్సరాలలో, ప్రధాని శ్రీ నరేంద్ర మోడీ జీ నేతృత్వంలో యోగా ను ప్రపంచవ్యాప్తంగా ఒక మహోత్సవంగా జరుపుకొంటున్నాం. ఇది శారీరక,  మానసిక ఆరోగ్యాన్ని పరిరక్షించడానికి శక్తివంతమైన మార్గం." అలాగే ఈ సంవత్సరం 10 ప్రత్యేకమైన కార్యక్రమాలు IDY 2025 లో భాగంగా నిర్వహించబడతాయని తెలిపారు. 

 IDY 2025 10 ప్రత్యేకమైన కార్యక్రమాలు.. 

• యోగా సంగమ - 10,000 ప్రదేశాలలో సమన్వయంతో యోగా ప్రదర్శన
• యోగా బంధన్ - 10 దేశాలతో భాగస్వామ్యాలు
• యోగా పార్కులు - 1,000 యోగా పార్కుల నిర్మాణం
• యోగా సమావేశ్ - వృద్ధులు, పిల్లలు, మైనారిటీ గ్రూపుల కోసం ప్రత్యేక కార్యక్రమాలు
• యోగా ప్రభవ -  ప్రజా ఆరోగ్యంపై యోగా  ప్రభావం
• యోగా కనెక్ట్ - ఆన్‌లైన్ యోగా సదస్సులు
• హరిత యోగా - పర్యావరణ సంరక్షణతో కూడిన యోగా కార్యక్రమం
• యోగా అన్‌ప్లగ్డ్ - యువతను ఆకర్షించే కార్యక్రమం
• యోగా మహా కుంభ - దేశవ్యాప్తంగా ఒక వారపు ఉత్సవం
• సంయోగం - యోగా,  ఆధునిక విజ్ఞానంతో అనుసంధానం  

ఈ ప్రాజెక్టులు 2025 అంతర్జాతీయ యోగా దినోత్సవాన్ని  మరింత విస్తృతంగా, సమగ్రంగా చేస్తాయి, ప్రపంచవ్యాప్తంగా యోగా ప్రాముఖ్యతను ప్రస్తావించి, ఆరోగ్యకరమైన జీవన శైలిని ప్రోత్సహిస్తాయి.

Also Read: రామరాజ్యం ఆర్మీ పేరుతో అరాచకాలు.. వీరరాఘవరెడ్డి బాగోతం బయటపెట్టిన RTV!