This Week Movie: మూవీ లవర్స్ కి పండగే.. ఈ వారం థియేటర్, ఓటీటీలో అదిరిపోయే సినిమాలు!

ఈ వారం కొత్త సినిమాలతో పాటు రీ రిలీజ్ సినిమాలు కూడా థియేటర్స్ లో సందడి చేసేందుకు సిద్ధమయ్యాయి. సింగిల్, శుభం, కలియుగం, బ్లైండ్ స్పాట్ సినిమాలు ఈ వారం విడుదల కానున్నాయి. వీటితో పాటు మెగాస్టార్ ఆల్ టైమ్ క్లాసిక్ జగదేకవీరుడు అతిలోక సుందరి రీ రిలీజ్ కానుంది.

By Archana 05 May 2025 in సినిమా Latest News In Telugu

New Update

This Week Movie: గత వారం విడుదలైన నాని హిట్ 3, సూర్య రెట్రో సినిమాల సందడి ఇంకా కొనసాగుతుండగానే.. ఈ వారం మరికొన్ని కొత్త సినిమాలు ప్రేక్షకులను అలరించేందుకు సిద్ధమయ్యాయి. కొత్త సినిమాలతో పాటు రీ రిలీజ్ సినిమాలు కూడా మరోసారి వెండితెరపై మెరవనున్నాయి. ఈ వారం థియేటర్, ఓటీటీలో విడుదల కానున్న సినిమాలేంటో ఇక్కడ తెలుసుకుందాం..

థియేటర్ సినిమాలు

శుభం

స్టార్ నటి సమంత నిర్మాతగా రూపొందిన తొలి చిత్రం శుభం ఈ వారం 9న విడుదల కానుంది. ఇటీవలే మూవీ ట్రైలర్ విడుదల చేయగా సస్పెన్స్, కామెడీ ఎలిమెంట్స్ తో సూపర్ హిట్ రెస్పాన్స్ సొంతం చేసుకుంది. ఇందులో సామ్ కూడా స్పెషల్ రోల్లో కనిపించడం ఆసక్తికరంగా మారింది.

సింగిల్

హీరో శ్రీవిష్ణు నటించిన లేటెస్ట్ మూవీ సింగిల్. ఈ చిత్రం కూడా మే 9న విడుదల కానుంది. అల్లు అరవింద్ నిర్మాణంలో కార్తీక్ రాజు ఈ చిత్రాన్ని తెరకెక్కించారు. పక్కా యూత్ ఫుల్ ఎంటర్ టైనర్ గా ఈ సినిమా ఉండబోతున్నట్లు తెలుస్తోంది.

కలియుగం 2064

శ్రద్ధ శ్రీనాథ్ ప్రధాన పాత్రలో నటించిన లేటెస్ట్ మూవీ 'కలియుగం 2064'. సైంటిఫిక్ అడ్వెంచర్ డ్రామాగా రూపొందిన ఈ చిత్రం మే 9న విడుదల కానుంది. ఆర్. కే ఇంటర్నేషనల్, ప్రైమ్ సినిమాస్ బ్యానర్ పై ప్రమోద్ సుందర్ ఈ మూవీని తెరకెక్కించారు.

బ్లైండ్ స్పాట్

నవీన్ చంద్ర, రాశి సింగ్, అలీ రెజా, రవి వర్మ ప్రధాన పాత్రలో నటించిన లేటెస్ట్ ఇన్వెస్టిగేటివ్ క్రైమ్ థ్రిల్లర్ 'బ్లైండ్ స్పాట్'. ఈ చిత్రం కూడా మే 9న థియేటర్స్ లో విడుదల కానుంది. రాకేష్ వర్మ ఈ సినిమాకు దర్శకత్వం వహించారు.

జగదేకవీరుడు అతిలోక సుందరి

మెగాస్టార్ చిరంజీవి- శ్రీదేవి జంటగా నటించిన ఆల్ టైమ్ క్లాసిక్ 'జగదేకవీరుడు అతిలోక సుందరి'. దాదాపు 35 ఏళ్ల తర్వాత ఈ చిత్రం మరో వెండితెరపై సందడి చేయనుంది. మే 9న గ్రాండ్ రీ రిలీజ్ ప్లాన్ చేశారు. మెగా ఫ్యాన్స్ తో సహా సినీ ప్రియులు సైతం ఈ మూవీని చూసేందుకు ఆసక్తిగా ఎదురుచూస్తున్నారు.