Idly Kottu: సోషల్ మీడియా ట్రోల్ల్స్ పై ధనుష్ కామెంట్స్ వైరల్..

Idly Kottu: తమిళ స్టార్ హీరో ధనుష్(Dhanush) ప్రస్తుతం తన తాజా చిత్రం "ఇడ్లీ కొట్టు" విడుదలకు సన్నాహాలు చేస్తున్నారు. ఈ చిత్రం 2025 అక్టోబర్ 1న థియేటర్లలో విడుదల కాబోతోంది. ఇటీవల జరిగిన ఆడియో లాంచ్ వేడుకలో ధనుష్ తన భావోద్వేగాలను అభిమానులతో పంచుకున్నారు.

బాల్యాన్ని గుర్తు చేసుకున్న ధనుష్

వేదికపై మాట్లాడుతూ ధనుష్ తన చిన్ననాటి రోజులను గుర్తు చేసుకున్నారు. "ఒకప్పుడు నాకేమీ డబ్బు ఉండేది కాదు. కానీ అప్పట్లో ఉన్న ఆనందం, ఇడ్లీ రుచి ఇప్పుడు లేవు. ఇప్పుడు డబ్బు ఉంది కానీ ఆ రుచీ లేదు, ఆ ఆనందం లేదు. చిన్నప్పుడు తిన్న ఇడ్లీ రుచి రెస్టారెంట్లలో కూడా దొరకదు," అని చెప్పారు. ఈ వ్యాఖ్యలు ప్రేక్షకులను భావోద్వేగానికి గురిచేశాయి.

ఈ సినిమా గురించి చెప్పుతూ, "ఇది నిజ జీవితంలో జరిగిన ఒక సంఘటన ఆధారంగా తెరకెక్కించిన కథ," అని తెలిపారు. సినిమాకి రియలిస్టిక్ టచ్ ఉండేలా కథను చూపించామన్నారు.

సోషల్ మీడియా నెగటివిటీపై 

ఈ ఈవెంట్‌లో ధనుష్ సోషల్ మీడియా ట్రోల్ల్స్ గురించి కూడా మాట్లాడారు. ఆయన వ్యాఖ్యలు ఫుల్ వైరల్ అవుతున్నాయి. "ఇప్పుడు ప్రతి సినిమా రీలీజ్ కాకముందే సోషల్ మీడియాలో నెగటివ్ ట్రెండ్స్ వస్తుంటాయి. కొంత మంది మానసిక వ్యాధి ఉన్న వ్యక్తులు 300 ఫేక్ అకౌంట్లు సృష్టించి ఒక హీరోను పొగడ్తలతో నింపుతూ, ఇంకొకరిని తిట్టేందుకు వాడుతున్నారు. ఈ ద్వేషం ఎందుకు?" అని ప్రశ్నించారు.

ధనుష్ చెప్పిన ఈ మాటలు సినీ ఇండస్ట్రీలోని సోషల్ మీడియా ట్రోలింగ్ పై స్టేట్‌మెంట్‌గా మారాయి. ప్రతి సినిమాలో ఎంతో మంది కష్టపడతారని, అందరికీ గౌరవం ఇవ్వాలని సూచించారు.

"ఇడ్లీ కొట్టు" మూవీ డీటెయిల్స్

"ఇడ్లీ కొట్టు" సినిమాను ధనుష్, ఆకాశ్ బాస్కరన్ కలిసి నిర్మిస్తున్నారు. నిర్మాణ సంస్థలు వండర్బార్ ఫిల్మ్స్, డాన్ పిక్చర్స్. ఈ సినిమాలో నిత్యా మీనన్ హీరోయిన్‌గా నటిస్తున్నారు. అరుణ్ విజయ్, షాలినీ పాండే, సత్యరాజ్, రాజ్‌కిరణ్ వంటి నటులు కీలక పాత్రలు పోషిస్తున్నారు.

సినిమా కథా పరంగా భావోద్వేగాలతో పాటు, సామాజిక సందేశం కూడా ఉండేలా కనిపిస్తోంది. ధనుష్ ఎప్పుడూ ఎన్నో ప్రయోగాలు చేసే నటుడిగా పేరుంది. "ఇడ్లీ కొట్టు" కూడా అలాంటి ప్రయత్నమే కానుందని అభిమానులు భావిస్తున్నారు.

"ఇడ్లీ కొట్టు" సినిమా ద్వారా ధనుష్ మరోసారి తన నటనతో ప్రేక్షకులను అలరించేందుకు సిద్ధంగా ఉన్నారు. చిన్ననాటి జ్ఞాపకాలు, జీవిత సత్యాలు, సోషల్ మీడియా ట్రోల్ల్స్ పై ఆయన చేసిన వ్యాఖ్యలు ఇప్పుడు వైరల్ అవుతున్నాయి. అక్టోబర్ 1న థియేటర్లలో ఈ సినిమా విడుదల కానుండగా, ఈ మూవీ కోసం ప్రేక్షకులు ఎంతో ఆసక్తిగా ఎదురుచూస్తున్నారు.