థియేటర్స్ లో 'దేవర' న్యూ వెర్షన్.. 'దావూదీ' సాంగ్ తో కొత్త సీన్స్ కూడా

జూనియర్ ఎన్టీఆర్ టైటిల్ రోల్ లో నటించిన 'దేవర' ఇటీవల థియేటర్స్ లో రిలీజై మంచి రెస్పాన్స్ అందుకున్న విషయం తెలిసిందే. కొరటాల శివ దర్శకత్వం వహించిన ఈ సినిమాని పాన్ ఇండియా స్థాయిలో విడుదల చేయగా.. అన్ని చోట్ల సినిమాకి భారీ ఆదరణ దక్కింది. ఇప్పటికే బాక్సాఫీస్ దగ్గర ఈ సినిమా రూ.396 కోట్ల వసూళ్లు రాబట్టినట్లు మేకర్స్ అధికారికంగా ప్రకటించారు. 

సుమారు ఆరేళ్ళ తర్వాత ఎన్టీఆర్ నుంచి వచ్చిన సోలో మూవీ కావడంతో అభిమానులతో పాటూ సినీ లవర్స్ సైతం థియేటర్స్ కి క్యూ కడుతున్నారు. ఇదిలా ఉంటే ఈ సినిమా నుంచి 'దావూదీ' అనే సాంగ్‌ను చిత్ర‌యూనిట్ తొల‌గించిన విష‌యం తెలిసిందే. ప్రమోషన్స్ లో భాగంగా ఈ పాటకు సంబంధించిన సుమారు 2 నిమిషాల వీడియో వెర్షన్ ను వదిలితే.. అందులో తారక్, జాన్వీ డ్యాన్స్ కు అందరూ ఫిదా అయ్యారు. 

To all the fans who have been waiting to get into the KILI KILIYE mood 🕺🏻

Enjoy #Daavudi at your nearest cinemas now! 🔥#Devara #BlockbusterDevara pic.twitter.com/xO2sgckmMc

— NTR Arts (@NTRArtsOfficial) October 4, 2024

'దావుదీ' ఇక నుంచి థియేటర్స్ లో..

దాంతో థియేటర్లు లో ఈ సాంగ్ దద్దరిల్లడం ఖాయమని ఫ్యాన్స్ అనుకున్నారు. కానీ ఈ సాంగ్ కు సరైన ప్లేస్ మెంట్ దొరకకపోవడంతో మూవీ టీమ్ థియేట్రికల్ వెర్షన్ లో యాడ్ చేయలేదు. దీంతో ఈ పాట‌ను థియేట‌ర్లో చూద్దాం అనుకున్న ప్రేక్ష‌కుల‌కు నిరాశే ఎదురైంది. అయితే తాజాగా అభిమానుల‌కు గుడ్ న్యూస్ చెబుతూ.. ఈ పాట‌ను థియేట్రిక‌ల్ వెర్ష‌న్‌లో ఈ రోజు నుంచి జ‌త చేయ‌బోతున్న‌ట్లు ప్ర‌క‌టించారు. 

The moment we’ve all been waiting for is here! 🕺🏻#Daavudi is being added across all screens by tomorrow EOD 🔥

Some will start playing from tomorrow morning.

The Dancing duo’s ka Mass Dhamaka awaits! ❤️‍🔥❤️‍🔥#Devara #BlockbusterDevara pic.twitter.com/vTeSGayAu4

— NTR Arts (@NTRArtsOfficial) October 3, 2024

సెకండాఫ్ లో ఈ పాట వస్తుందని, పాటకు ముందు ఎన్టీఆర్, జాన్వీ మధ్య ఓ సీన్ కూడా యాడ్ చేసినట్లు సమాచారం. ఆ సీన్ తర్వాతే.. 'దావూదీ' సాంగ్ వస్తుందట. ఇక ఈ అప్డేట్ తో ఫ్యాన్స్ ఫుల్ ఖుషీ అవుతున్నారు. సాంగ్ కోసమైనా సినిమాను మరోసారి థియేటర్స్ లో చూడాలని నెట్టింట పోస్టులు పెడుతున్నారు.

Also Read : మతిపోగొట్టే ఆఫర్.. కేవలం రూ.2,099కే 5జీ ఫోన్!