Coffee with a Killer: హీరో హీరోయిన్లు లేని ఆర్ఫీ పట్నాయక్ మూవీ.. నేరుగా ఓటీటీలో!

Coffee with a Killer:  ప్రముఖ మ్యూజిక్ డైరెక్టర్, సింగర్, యాక్టర్ ఆర్ఫీ పట్నాయక్ తెరకెక్కించిన లేటెస్ట్ కామెడీ థ్రిల్లర్ కాఫీ విత్ కిల్లర్. హీరో హీరోయిన్లు లేకుండా కథే హీరోగా రూపొందిన ఈ చిత్రంలో కమెడియన్ శ్రీనివాస రెడ్డి, సత్యం రాజేష్, డైరెక్టర్ రవిబాబు, అంబటి శ్రీను, నేక్‌డ్ ఫేమ్ శ్రీరాప, జెమిని సురేష్, టెంపర్ శీను తదితరులు కీలక పాత్రలు పోషించారు. సెవెన్ హిల్స్ ప్రొడక్షన్స్ బ్యానర్‌పై సతీష్ ఈ చిత్రాన్ని నిర్మించారు. నేరుగా ఓటీటీలో విడుదలైన 'కాఫీ విత్ కిల్లర్'  ప్రస్తుతం ప్రముఖ తెలుగు ఓటీటీ ప్లాట్ ఫార్మ్ ఆహా లో స్ట్రీమింగ్ అవుతోంది. కామెడీ థ్రిల్లర్ నేపథ్యంలో సాగిన ఈ సినిమాకు మంచి ప్రేక్షకాదరణ లభిస్తోంది. 

Also Read:Suryapet Murder: చంపింది నాన్నమ్మనే.. ప్రైవేట్‌ పార్ట్స్‌ను కసితీరా తొక్కి.. భార్గవి సంచలన నిజాలు!

One coffee shop, endless twists. From horoscopes to crime scenes—get ready for a thrilling ride with Coffee with a Killer.#CoffeewithaKiller Premiering January 31st, only on Aha pic.twitter.com/evLwnmupcg

— ahavideoin (@ahavideoIN) January 27, 2025

సినిమా స్టోరీ ఏంటి..? 

ఒక కాఫీ షాపులో వివిధ వ్యక్తుల చుట్టూ తిరిగే కథ ఇది. అందరూ కమెడియన్ అనుకునే ఒక కిల్లర్, ఓ పోలీస్ ఆఫీసర్, సినిమా తీయాలని కలలు కనే ఓ బ్యాచ్, డేట్ ఎంజాయ్ చేయడానికి వచ్చిన ఓ కపుల్ ఇలా కాఫీ షాపుకు వచ్చిన రకరకాల వ్యక్తులతో ఈ సినిమా కథ ముడిపడి ఉంటుంది. గతంలోనూ ఆర్ఫీ పట్నాయక్ పలు సినిమాలు చేశారు. అందమైన మనసులో, బ్రోకర్, ఫ్రెండ్స్ బుక్, తులసీ దళం, మనలో ఒకడు లాంటి మూవీస్ ఆయన దర్శకత్వంలో వచ్చాయి.  1999లో  'నీకోసం' సినిమాతో మ్యూజిక్ డైరెక్టర్ గా కెరీర్ ప్రారంభించిన ఆర్ఫీ పట్నాయక్.. ఆ తర్వాత నటుడు, డైరెక్టర్ గా పలు సినిమాలు చేశారు.