Prabhas Birthday: బాహుబలి ది ఎపిక్ సంచలనం.. అమెరికాలో ప్రీ బుకింగ్స్ రికార్డులు!

Prabhas Birthday: దర్శక ధీరుడు ఎస్.ఎస్. రాజమౌళి(Rajamouli) తెరకెక్కించిన అద్భుత ప్రపంచం ‘బాహుబలి’ మరోసారి తెరపైకి రాబోతుంది. ప్రభాస్(Prabhas), రానా, అనుష్క ప్రధాన పాత్రల్లో నటించిన ఈ ఎపిక్ సిరీస్‌ను రాజమౌళి స్వయంగా రీ-ఎడిట్ చేసి, రెండు భాగాలను కలిపి 3 గంటల 45 నిమిషాల కొత్త వెర్షన్‌గా తయారు చేశారు. ఈ కొత్త ఎడిషన్‌కు “బాహుబలి: ది ఎపిక్” అనే టైటిల్ పెట్టారు.

అక్టోబర్ 31న థియేటర్లలోకి

ఈ సినిమా అక్టోబర్ 31, 2025న ప్రపంచవ్యాప్తంగా థియేటర్లలో గ్రాండ్‌గా విడుదల కానుంది. మరోవైపు, అక్టోబర్ 29న అమెరికాలో ప్రీమియర్ షోలు జరగనున్నాయి. ఇప్పటికే అమెరికాలో అడ్వాన్స్ బుకింగ్స్(Baahubali Pre Bookings) ప్రారంభమవగా, కేవలం రెండు రోజుల్లోనే ఈ సినిమా $100,000 డాలర్లకు పైగా ప్రీమియర్ షో కలెక్షన్లు సాధించింది. మొదట ఇది $60,000గా ఉండగా, ఇప్పుడు రెట్టింపు అయ్యింది.

IMAX, 4DX, Dolby ఫార్మాట్స్‌లో

ఈసారి బాహుబలి మరింత గొప్ప అనుభూతిని అందించేందుకు, IMAX, 4DX, Dolby Cinema, DBox, ICE, PCX లాంటి టెక్నాలజీ ఫార్మాట్లలో సినిమాను విడుదల చేస్తున్నారు. ఈ రేంజ్‌లో పాన్ ఇండియా రిలీజ్ చాలా అరుదు.

మళ్లీ తెరపై మహిష్మతి సామ్రాజ్యం

బాహుబలి, భల్లాలదేవ, కట్టప్ప, దేవసేన పాత్రలు మళ్లీ పెద్ద తెరపై కనిపించబోతున్నాయి. గ్రాఫిక్స్, విజువల్స్, భావోద్వేగాలు, యాక్షన్-ప్రతి అంశం ప్రేక్షకులను మళ్లీ ఆ మాయలోకి తీసుకెళ్లనుంది.

గతంలో ఈ సినిమా సృష్టించిన సంచలనం ఇప్పటికీ మర్చిపోలేనిది. ఇప్పుడు రీ-కట్ వెర్షన్ కూడా అదే స్థాయిలో హైప్ తెచ్చుకోవడంతో, ఈసారి కూడా బాక్సాఫీస్ దగ్గర భారీ వసూళ్లు సాధించటం ఖాయం అంటున్నారు ట్రేడ్ వర్గాలు.