Ayodhya Flight Discounts: అయోధ్య వెళ్ళాలా.. ట్రైన్ ఏసీ టికెట్ ధరకే.. విమానం టికెట్.. లేటెందుకు?

Ayodhya Flight Discounts: అయోధ్యలో రామ మందిర ప్రతిష్ఠాపన సందర్భంగా పలు విమానయాన సంస్థలు కొత్త ఆఫర్లను అందిస్తున్నాయి. స్పైస్‌జెట్ విమానయాన సంస్థ (SpiceJet) కూడా ఈ సందర్భంగా రూ.1,622కి విమానంలో ప్రయాణించే అవకాశాన్ని కల్పిస్తోంది. ఈ ఆఫర్ కింద, వినియోగదారులు జనవరి 28 వరకు టిక్కెట్లను కొనుక్కోవచ్చు. దీనిలో ప్రయాణికులు జనవరి 22 నుంచి సెప్టెంబర్ 30 వరకు టిక్కెట్లను బుక్ చేసుకుంటే ఈ ఆఫర్ వస్తుంది.  ఈ ఆఫర్ నాన్-స్టాప్ దేశీయ - అంతర్జాతీయ విమానాలకు చెల్లుబాటు అవుతుంది.

స్పైస్‌మాక్స్‌పై (SpiceMAX) కంపెనీ 30 శాతం వరకు తగ్గింపును కూడా ఇస్తోంది. ఈ ఆఫర్ కింద, ప్రయాణికులు ముంబై-గోవా, ఢిల్లీ-జైపూర్, గౌహతి-బాగ్డోగ్రా వంటి మార్గాలలో టిక్కెట్లను బుక్ చేసుకోవచ్చు. ఫిబ్రవరి 1 నుండి దేశంలోని అనేక నగరాల నుండి అయోధ్యకు (Ayodhya) విమానాలను ప్రారంభించాలని స్పైస్‌జెట్ నిర్ణయించింది. విమానయాన సంస్థ చెన్నై, అహ్మదాబాద్, జైపూర్, పాట్నా, దర్భంగా, ఢిల్లీ, ముంబై,  బెంగళూరు నుండి అయోధ్యకు నేరుగా విమానాలను ప్రారంభించబోతోంది.

Also Read: బాల రాముడు కొలువయ్యే వేళ.. బంగారం ధరలు ఎలా వున్నాయంటే..

ఇతర కంపెనీల విమానాలు: ఎయిర్‌లైన్ ఇండిగో, ఎయిర్ ఇండియా (Air India),  ఆకాశ ఎయిర్ వంటి అనేక విమానయాన సంస్థలు అయోధ్యకు విమానాలను ప్రారంభించనున్నట్లు ప్రకటించాయి. దేశంలోని అతిపెద్ద విమానయాన సంస్థలు ఇండిగో (Indigo), ఎయిర్ ఇండియా ఎక్స్‌ప్రెస్ కూడా వివిధ నగరాల నుండి అయోధ్యకు విమాన సర్వీసులను ప్రారంభించనున్నట్లు ప్రకటించాయి. ఇండిగో ఢిల్లీ, అహ్మదాబాద్ మరియు ముంబై నుండి అయోధ్యకు విమానాలను నడుపుతోంది. ఎయిర్ ఇండియా ఎక్స్‌ప్రెస్ కూడా ఢిల్లీ, ముంబై మరియు అహ్మదాబాద్‌ల మధ్య అయోధ్యకు విమానాలను ప్రారంభించనున్నట్లు ప్రకటించింది. అకాస పూణే-అయోధ్య మధ్య విమాన సర్వీసులను ప్రారంభించబోతోంది. ఈ విమానం ఢిల్లీ మీదుగా వెళ్తుంది. ఇది 15 ఫిబ్రవరి 2024 నుండి ప్రారంభమవుతుంది.  

Also Read: బడ్జెట్ వచ్చేస్తోంది.. రైతన్నల ఆశలు తీరుతాయా?

Watch this interesting Video: