ఏపీలో విషాదం.. జలపాతంలో ముగ్గురు వైద్య విద్యార్థులు గల్లంతు

ఏపీలోని అల్లూరి జిల్లా మారేడుమిల్లి సమీపంలో జలతరంగిణి జలపాతంలో విషాదం చోటుచేసుకుంది. జలపాతం చూసేందుకు వచ్చిన ముగ్గురు వైద్య విద్యార్థులు గల్లంతవ్వడం కలకలం రేపుతోంది. ఇక వివరాల్లోకి వెళ్తే.. ఏలూరు జిల్లాలోని ఓ మెడికల్ కాలేజీ నుంచి 14 మందికి పైగా వైద్య విద్యార్థులు జలపాతం వీక్షించేందుకు వచ్చారు. అయితే అయిదుగురు విద్యార్థులు ప్రమాదవశాత్తు ఆ జలపాతంలో కొట్టుకుపోయారు. స్థానికులు ఇద్దరిని కాపాడగా మరో ముగ్గురి ఆచూకి కనిపించలేదు. ప్రస్తుతం వారికోసం గాలింపు చర్యలు కొనసాగుతున్నాయి. గల్లంతైన వారిలో ఇద్దరు యువతులు, ఒక యువకుడు ఉన్నారు. 

Also Read: లడ్డూ వివాదంపై టీటీడీ కీలక నిర్ణయం.. నెయ్యి ట్యాంకర్లకు జీపీఎస్!