Sankranthi Fest: సంక్రాంతికి ఊరెళ్లేవారికి గుడ్‌న్యూస్

సంక్రాంతికి సొంతూళ్లకు వెళ్లేవారికి దక్షిణ మధ్య రైల్వే గుడ్‌న్యూస్ చెప్పింది. ప్రయాణికుల రద్దీ దృష్ట్యా మరికొన్ని స్పెషల్ రైళ్లను ప్రకటించింది. అదనంగా మరో 11 రైళ్లను నడపనున్నట్లు చెప్పింది. జనవరి 8 నుంచి 12వ తేదీ మధ్య కాకినాడ-వికారాబాద్, పార్వతీపురం-వికారాబాద్‌, వికారాబాద్‌-పార్వతీపురం, సికింద్రాబాద్‌-పార్వతీపురం, పార్వతీపురం-కాకినాడ టౌన్‌, కాకినాడ టౌన్‌-వికారాబాద్ మధ్య రైళ్ళు రాకపోకలు సాగించనున్నాయి. ఆయా రైళ్లలో 1ఏసీ, 2ఏసీ, 3ఏసీ, స్లీపర్‌ కోచ్‌లతో సహా సెకండ్‌ క్లాస్‌ కోచ్‌లను కూడా అందుబాటులో ఉంచనున్నారు. ఇప్పటికే రైళ్లకు టికెట్ బుకింగ్స్‌ ప్రారంభమయ్యాయని రైల్వేశాఖ తెలిపింది.