VIDEO: శ్రీశైలంలో చిరుత పులి కలకలం

శ్రీశైలం డ్యామ్ స‌మీపంలో చిరుత పులి క‌ల‌క‌లం సృష్టించింది. జలాశయం సమీపంలో ఉన్న కేవీ స్విచ్ యార్డ్ వద్ద గత రెండు రోజులుగా చిరుత పులి సంచ‌రిస్తోంది. స్థానికంగా ఉన్న‌ కుక్కల మీద చిరుత దాడుల‌కు పాల్ప‌డుతూ భ‌యాన‌క వాతావ‌ర‌ణాన్ని సృష్టిస్తోంది. చిరుత పులి సంచారంతో స్విచ్ యార్డ్ సిబ్బంది కూడా తీవ్ర భ‌యాందోళ‌న‌కు గుర‌వుతున్నారు. చిరుత సంచారంపై అట‌వీశాఖ అధికారుల‌కు స‌మాచారం అందించారు. చిరుత సంచారం నేప‌థ్యంలో స్థానికులు అప్ర‌మ‌త్తంగా ఉండాల‌ని అట‌వీశాఖ అధికారులు పేర్కొన్నారు. చిరుత సంచరిస్తున్న వీడియోలు సోషల్ మీడియాలో వైరల్ అవుతున్నాయి.

శ్రీశైలం డ్యామ్ సమీపంలో చిరుత పులి కలకలం

శ్రీశైలం జలాశయం సమీపంలో ఉన్న కేవీ స్విచ్ యార్డ్ వద్ద గత రెండు రోజులుగా కుక్కల మీద దాడి చేస్తూ సంచరిస్తున్న చిరుత పులి

భయాందోళనలో స్విచ్ యార్డ్ సిబ్బంది pic.twitter.com/uw2dCyyIX5

— Telugu Scribe (@TeluguScribe) October 24, 2025

నల్లమల అడవికి ఆనుకుని ఉన్న ప్రాంతం కావడంతో, తరచుగా చిరుతలు జనావాసాలు, డ్యామ్ ప్రాంతాల వద్దకు వస్తున్నాయి. ఈ చిరుత స్థానికంగా ఉన్న కుక్కలపై దాడులకు పాల్పడుతున్న దృశ్యాలు సీసీ కెమెరాల్లో నమోదయ్యాయి. డ్యామ్‌లో విధులు నిర్వర్తించే ఉద్యోగులు, స్థానికులు, భక్తులు భయాందోళన చెందుతున్నారు.

చర్యలు: స్థానికుల సమాచారం మేరకు అటవీ శాఖ అధికారులు అప్రమత్తమయ్యారు. వారు చిరుత సంచారంపై నిఘా ఉంచి, ప్రజలు జాగ్రత్తగా ఉండాలని హెచ్చరికలు జారీ చేశారు.

చిరుత సంచరిస్తున్న వీడియోలు సోషల్ మీడియాలో వైరల్ అవుతున్నాయి. శ్రీశైలం క్షేత్రం నల్లమల అడవి మధ్యలో ఉండటం వల్ల అడవి జంతువుల సంచారం సాధారణమే అయినప్పటికీ, డ్యామ్, ఆలయ ప్రాంతాల్లో చిరుతలు కనిపించడం ఆందోళన కలిగిస్తోంది.