Pawan Kalyan : అల్లు అర్జున్ Vs పవన్ కళ్యాణ్.. 'పుష్ప 2' కు పోటీగా వీరమల్లు?

Allu Arjun Vs Pawan Kalyan : ఐకాన్ స్టార్ అల్లు అర్జున్ - సుకుమార్ కాంబోలో తెరకెక్కుతున్న మోస్ట్ అవైటెడ్ మూవీ 'పుష్ప 2' (Pushpa 2) డిసెంబర్ లో ప్రేక్షకుల ముందుకు రానున్న విషయం తెలిసిందే. డిసెంబర్ 6 న సినిమాను రిలీజ్ చేస్తున్నట్టు మేకర్స్ ఇప్పటికే అధికారికంగా ప్రకటించారు. సరిగ్గా ఇదే సమయానికి టాలీవుడ్ నుంచి మరో బడా మూవీ రిలీజ్ కు రెడీ అవుతున్నట్టు తాజా సమాచారం బయటికొచ్చింది. ఆ బడా మూవీ మరేదో కాదు పవర్ స్టార్ నటిస్తున్న 'హరిహర వీరమల్లు' (Hari Hara Veera Mallu). ఈ ఇయర్ ఎండింగ్ లో అల్లు అర్జున్, పవన్ కళ్యాణ్ మధ్య బిగ్ ఫైట్ జరగనున్నట్లు తెలుస్తోంది.

డిసెంబర్ లో వీరమల్లు...

నిర్మాత ఏఎం రత్నం ఇటీవల ఓ ఇంటర్వ్యూలో పవన్ కళ్యాణ్ హరిహర వీరమల్లు సినిమా డిసెంబర్ లో రిలీజ్ చేస్తామని నిర్మాత స్పష్టం చేశారు. పవన్ కళ్యాణ్ 20-25 రోజుల కాల్ షీట్స్ ఇస్తే షూటింగ్ కంప్లీట్ అయిపోతుందని తెలిపారు. ప్రస్తుతం పోస్ట్ ప్రొడక్షన్ వర్క్ జరుగుతుందని అన్నారు. అమెజాన్ ప్రైమ్ తో డిజిటల్ రైట్స్ కోసం జరిగిన ఒప్పందంలో అక్టోబర్ రిలీజ్ అని చెప్పామని, అయితే డిసెంబర్ వరకు గడువు అడుగుతామని అన్నారు.

Also Read : రాజమౌళి,మహేష్ బాబు మూవీ విలన్ గా మలయాళ నటుడు!

దీన్ని బట్టి 'హరిహర వీరమల్లు' ఆల్ మోస్ట్ డిసెంబర్ లో రావడం ఖాయంగా కనిపిస్తోంది. 'పుష్ప2' కి పోటీగా డిసెంబర్ 6న ఈ సినిమా రిలీజ్ అవుతుందనే ప్రచారం నడుస్తోంది. ఒకవేళ అదే జరిగితే టాలీవుడ్ బాక్సాఫీస్ వద్ద రెండు పెద్ద సినిమాల మధ్య బిగ్ ఫైట్ ఉంటుందని చెప్పొచ్చు. త్వరలోనే దీనిపై పూర్తి స్పష్టత రానుంది.