/rtv/media/agency_attachments/K5tL8SzMSJHtxzCWWrSl.png)
/rtv/media/member_avatars/2024-09-20t131001299z-whatsapp-image-2024-09-20-at-63807-pm.jpeg )
/rtv/media/post_attachments/wp-content/uploads/2024/02/Jantar-manta-jpg.webp)
Kerala Govt to Protest at Jantar Mantar: దేశ రాజధాని ఢిల్లీలోని పార్లమెంటులో బడ్జెట్ సమావేశాలు కొనసాగుతున్న సంగతి తెలిసిందే. అయితే ఈ నేపథ్యంలో జంతర్మంతర్ (Jantar Mantar) వద్ద దక్షిణాది రాష్ట్రాలకు చెందిన ముఖ్యమంత్రులు ఆందోళన చేసేందుకు ఒక్కొక్కరుగా ముందుకొస్తున్నారు. కేంద్రం నుంచి రావాల్సిన నిధుల్లో తమకు అన్యాయం జరుగుతోందంటూ.. బుధవారం రోజున కర్ణాటక సీఎం సిద్ధరామయ్య (CM Siddaramaiah), డిప్యూటీ సీఎం డేకే శివకుమార్‌ నేతృత్వంలో అక్కడ ఆందోళన చేస్తున్న విషయం సంగతి తెలిసిందే. ఇప్పుడు తాజాగా కేరళ ముఖ్యమంత్రి పినరయ్ విజయన్ (Pinarayi Vijayan) కూడా జంతర్మంతర్ వద్ద ఆందోళనకు దిగారు.
ఢిల్లీ, పంజాబ్ సీఎంల సంఘీభావం
పినరయ్ విజయన్ కూడా కేంద్రం నుంచి నిధులు (Centre's Funds) అదే విషయంలో తమకు అన్యాయం జరుగుతోందని ఆరోపణలు చేశారు. ఆయనతో పాటుగా సీపీఎం(CPM) నేతలు ఈ ఆందోళనలో పాల్గొన్నారు. వాళ్లందరూ కేరళ హైస్‌ నుంచి జంతర్మంతర్ వరకు ర్యాలీగా వచ్చారు. అంతేకాదు వీళ్ల నిరసనకు ఢిల్లీ ముఖ్యమంత్రి అరవింద్ కేజ్రీవాల్ (Arvind Kejriwal), పంజాబ్ ముఖ్యమంత్రి భగవంత్ మాన్‌లు కూడా వచ్చి సంఘీభావం ప్రకటించారు.అయితే కేరళలోని కాంగ్రెస్ నేతృత్వంలోని యూడీఎఫ్‌ ఇందులో పాల్గొనేందుకు నిరాకరించింది. మరోవైపు కన్నడ నేతలు, తమిళనాడు ముఖ్యమంత్రి కూడా ఈ ఆందోళనకు మద్దతు తెలిపారు.
Also Read: ఢిల్లీకి సీఎం జగన్.. రేపు ప్రధాని మోడీతో భేటీ
మాకు అన్యాయం జరుగుతోంది
ఇక బుధవారం జంతర్మంతర్ వద్ద నిరసన చేసిన సిద్దరామయ్య కేంద్ర ప్రభుత్వంపై తీవ్ర విమర్శలు చేశారు. దేశంలో కేంద్రానికి అత్యధికంగా పన్నులు చెల్లించే రాష్ట్రాల్లో రెండో రాష్ట్రం కర్ణాటక అని.. కేంద్రం వైఖరి వల్ల తమ రాష్ట్రం రూ.1.88 లక్షల కోట్లు నష్టపోయే ప్రమాదం ఉందంటూ మండిపడ్డారు. 15వ ఆర్థిక సంఘం సిఫార్సులను అమలు చేయకపోవడమే ఇందుకు కారణమన్నారు. 1972లో అప్పటి కేంద్ర ప్రభుత్వం జనాభా నియంత్రణకు పిలుపినిచ్చిందని తెలిపారు.
దేశ విభజనకు బీజాలు వేస్తున్నారు
ఆ పిలుపు మేరకే దక్షిణాది రాష్ట్రాలు జననాల సంఖ్యను నియంత్రించాయని పేర్కొన్నారు. ఇప్పుడు అదే తమకు శాపంగా మారిందంటూ వాపోయారు. మరోవైపు సిద్దరామయ్య చేసిన ఈ విమర్శలను ప్రధాని మోదీ.. ఆర్థిక మంత్రి నిర్మలా సీతారామన్‌ ఖండించారు. వాళ్లు చేసే ఆరోపణలు దేశ విభజనకు బీజాలు నాటేలా ఉన్నాయంటూ విమర్శించారు.