ఇష్టంలేదని చెప్పినా వినని ప్రేమోన్మాది.. తట్టుకోలేక ఆ అమ్మాయి ఏం చేసిందంటే

ఓ ప్రేమోన్మాది కారణంగా మరో మైనర్ బాలిక బలైంది. పట్టుమని పదిహేడేళ్లు నిండకముందే ఆ దుర్మార్గుడి వేధింపులు తట్టుకోలేక తనువు చాలించింది. ఎంతో అల్లారుముద్దగా పెంచుకున్న తన బిడ్డను ఉరితాడుకు విగతజీవిగా చూసిన తల్లితండ్రులు గుండెలు పగిలేలా రోదిస్తున్నారు. విశాఖపట్నం జిల్లాలో జరిగిన ఈ దారుణమైన ఘటన ఆడపిల్లల పేరెంట్స్ కు తీవ్ర ఆందోళన కలిగిస్తోంది.

Also read :ఒక్క రోజు నైట్ అవుట్ చేస్తే ఇన్ని ప్రయోజనాలా! సూపర్ సీక్రెట్ బయటపెట్టిన నిపుణులు

ఈ మేరకు పీఎం పాలెం పోలీసులు, తల్లిదండ్రులు చెప్పిన వివరాల ప్రకారం.. కృష్ణవేణి కృష్ణారావు సొంత ఊరు నర్సీపట్నం కోటవురట్ల. అయితే బతుకుదెరువు కోసం 30 ఏళ్ల కిందటే విశాఖపట్నం వచ్చారు. ప్రస్తుతం కుటుంబంతో డ్రైవర్స్ కాలనీలో నివాసం ఉంటున్నారు. అయితే వీరి కూతురు శ్రావణ తులసి (17) కార్ షెడ్ కూడలిలో ఉన్న చైతన్య జూనియర్ కాలేజీలో ఇంటర్ మొదటి సంవత్సరం చదువుతుంది. ఈ క్రమంలోనే నర్సీపట్నంకు చెందిన నక్క భరత్(25) అనే యువకుడు గత కొంతకాలంగా శ్రావణతులసి వెంటపడుతున్నాడు. తనను ప్రేమించాలని వేధిస్తున్నాడు. దీంతో తనకు ఇష్టం లేదని శ్రావణ తులసి చెప్పినా భరత్ వినకపోవడంతో అమ్మాయి తన తల్లిదండ్రులకు చెప్పింది. దీంతో తమ కూతురు వెంట పడొద్దని నక్క భరత్ ను పలుమార్లు హెచ్చరించినట్లు శ్రావణ తులసి పేరెంట్స్ తెలిపారు. అయినా సరే భరత్ ప్రవర్తనలో కనిపించకపోగా వేధింపులు మరింత ఎక్కువయ్యాయి. దీంతో మనస్తాపానికి గురైన శ్రావణ తులసి బుధవారం తెల్లవారు జామున 4 గంటల ప్రాంతంలో ఇంట్లోనే ఉరివేసుకుని చనిపోయింది. వెంటనే బాలిక తండ్రి పీఎం పాలెం పోలీసులకు ఫిర్యాదు చేశారు. పోస్టుమార్టం నిమిత్తం డెడ్ బాడీని కేజీహెచ్ కు తరలించాం. ప్రస్తుతం పరారిలో ఉన్న భరత్ కోసం గాలిస్తున్నాం. వీలైనంత త్వరగా నిందుతుడిని పట్టుకుని, కేసుకు సంబంధించిన మరిన్ని వివరాలు వెల్లడిస్తామని పోలీసులు తెలిపారు.