Women Health Tips: ప్రతి 4 గంటలకు శానిటరీ ప్యాడ్ మార్చుకోవాలా?

Sanitary Napkins : ప్రతి నాలుగు గంటలకు శానిటరీ ప్యాడ్‌(Sanitary Napkins) ని మార్చడం చాలా మంచిదని లేకుంటే కొన్ని దుష్ప్రభావాలు ఉంటాయని వైద్యులు అంటున్నారు. ఋతుస్రావం(Periods) అనేది ఆరోగ్యకరమైన స్త్రీ శరీరం సహజ ప్రక్రియ. స్త్రీ శరీరం అనేక ఆరోగ్య సూచికలను ఋతు చక్రం ద్వారా గుర్తించవచ్చు. కానీ కొన్నిసార్లు రుతుక్రమం సమయంలో స్త్రీలు అనుసరించే కొన్ని పద్ధతులు రుతుక్రమాన్ని, శరీరాన్ని అనారోగ్యకరంగా మారుస్తాయి. వీటిలో ఒకటి బహిష్టు కోసం ప్యాడ్లను ఉపయోగించడం.

శానిటరీ ప్యాడ్లు:

• ఈ రోజుల్లో చాలా మంది మహిళలు శానిటరీ న్యాప్‌కిన్‌లను ఎక్కువగా ఉపయోగిస్తున్నారు. మెన్‌స్ట్రువల్ కప్పులు, టాంపాన్‌లు ఉన్నప్పటికీ శానిటరీ ప్యాడ్‌లు చాలా కాలంగా ప్రాచుర్యం పొందాయి. ఇవి వివిధ రకాలుగా లభిస్తాయి. కానీ వాటిని ఉపయోగించే సమయం ముఖ్యం. ప్రతి నాలుగు గంటలకు ప్యాడ్‌లను మార్చాలి. లేదంటే చాలా సమస్యలు వచ్చే అవకాశం ఉందని నిపుణులు అంటున్నారు.

వైట్ డిశ్చార్జ్ కోసం:

• ప్యాడ్‌లను ఎక్కువసేపు వాడటం ల్యుకోరియాకు ప్రధాన కారణం. అంటే వైట్ డిశ్చార్జ్(White Discharge) అని అర్థం. ఇది స్త్రీలకు అనేక అసౌకర్యాలను కలిగిస్తుంది. వైట్ డిశ్చార్జికి అనేక కారణాలు ఉన్నప్పటికీ ఎక్కువ సేపు శానిటరీ ప్యాడ్ వాడటం ప్రధాన కారణాలలో ఒకటని అంటున్నారు.

దుష్పరిణామాలు:

• ఎక్కువ సమయం వాడితే ప్రైవేట్ పార్ట్‌లో దురద, ఇన్ఫెక్షన్ వచ్చే అవకాశాలు ఎక్కువ. ఫంగల్, ఈస్ట్, బ్యాక్టీరియా, ఇన్ఫెక్షన్లు ఎక్కువగా ఉంటాయి. ముఖ్యంగా బహిష్టు సమయంలో ఇలాంటి ఇన్ఫెక్షన్లు వచ్చే అవకాశాలు ఎక్కువ అని వైద్యులు అంటున్నారు. శానిటరీ ప్యాడ్‌ల విషయంలో సరైన పరిశుభ్రత పాటించకపోతే ఇన్‌ఫెక్షన్ వచ్చే అవకాశాలు పెరుగుతాయని చెబుతున్నారు.

మూత్ర నాళాల ఇన్ఫెక్షన్‌:

• యోని ఇన్ఫెక్షన్లే కాదు శానిటరీ ప్యాడ్‌లను ఎక్కువసేపు ఉపయోగించడం వల్ల కూడా యూరినరీ ట్రాక్ట్ ఇన్‌ఫెక్షన్లు(Urinary Trackt Infections) అంటే బ్లాడర్ ఇన్‌ఫెక్షన్లు వచ్చే ప్రమాదం ఉందని వైద్యులు హెచ్చరిస్తున్నారు. ఈ ఇన్ఫెక్షన్ కిడ్నీ, బ్లాడర్ మొదలైన ఏ భాగానికైనా వ్యాపిస్తుందని చెబుతున్నారు.

ఇది కూడా చదవండి: కాళ్లలో ఈ లక్షణాలు ఉంటే అస్సలు నిర్లక్ష్యం చేయవద్దు

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.