Mirrors Cleaning: 2 నిమిషాల్లో ఇంట్లో గాజు వస్తువులను కొత్తవాటిలా మెరిసేలా చేయవచ్చు!

Mirrors Cleaning: మీ ఇంటి కిటికీలలోని గాజు లేదా మరేదైనా అద్దాలు మురికిగా, దుమ్ముతో నిండి ఉంటే చింతించాల్సిన అవసరం లేదు. కొన్ని చిట్కాలను పాటించడం వల్ల చిటికెలో మెరిపించవచ్చు. గాజును శుభ్రపరచడం కొన్నిసార్లు కష్టంగా అనిపిస్తుంది. ప్రత్యేకించి అవి పాతగా, మురికిగా ఉంటే 2 నిమిషాల్లో ఈ సులభమైన చిట్కాలతో కొత్తగా చేయవచ్చు.

వెనిగర్- నీరు:

గాజును శుభ్రం చేయడానికి స్ప్రే బాటిల్‌లో సమాన పరిమాణంలో వెనిగర్, నీటిని కలపండి. మురికి గాజుపై స్ప్రే చేయండి. ఆ తర్వాత శుభ్రమైన మైక్రోఫైబర్ క్లాత్ సహాయంతో సున్నితంగా తుడవండి. ఈ సులభమైన పద్ధతి ఎలాంటి గీతలు లేకుండా గాజును శుభ్రపరుస్తుంది. అంతేకాకుండా మెరిసేలా చేస్తుంది.

న్యూస్‌ పేపర్‌:

వెనిగర్, నీటి మిశ్రమంతో శుభ్రం చేసిన తర్వాత పాత వార్తాపత్రికను తీసుకుని గాజుపై బాగా రుద్దాలి. ఇలా చేయడం వల్ల గాజు వస్తువులు మెరుస్తాయి. మళ్లీ కొత్తగా కనిపిస్తాయి.

బేకింగ్ సోడా:

మొండి మరకలను తొలగించడానికి బేకింగ్ సోడా, నీటితో పేస్ట్‌లా తయారు చేసుకోవాలి. దీన్ని మరక ఉన్న ప్రదేశంలో అప్లై చేసి కొన్ని నిమిషాలు అలాగే ఉంచండి. ఈ పేస్ట్ మరకను గ్రహిస్తుంది. కొంత సమయం తరువాత శుభ్రమైన గుడ్డతో శుభ్రం చేయండి. ఇలా చేయడం వల్ల ఎలాంటి మరకలైనా పోతాయి.

ఆల్కహాల్:

గ్లాస్ శుభ్రం చేయడానికి ఆల్కహాల్ మంచి పరిష్కారం. ఒక గుడ్డపై కొద్దిగా రబ్బడ్‌ ఆల్కహాల్ పోసి దానితో గాజు ఉపరితలాన్ని పూర్తిగా తుడవాలి. ఇది గాజును శుభ్రపరచడమే కాకుండా దానిపై ఉండే సూక్ష్మక్రిములను కూడా నాశనం చేస్తుంది.

ఇది కూడా చదవండి: అమ్మాయిలు ఇలా చేశారంటే అందమైన గోళ్లు మీ సొంతం

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు.