Rain Alert: చలికాలంలో కూడా వదలని వరుణుడు.. రెండ్రోజుల పాటు వర్షాలే

Rain Alert in Telangana: తెలంగాణలో గురు, శుక్రవారాల్లో అక్కడక్కడ తేలికపాటి వర్షాలు కురిసే అవకాశాలు ఉన్నాయని వాతావరణ శాఖ (IMD) వెల్లడించింది. ఉరుములు, మెరుపులతో కూడిన వర్షాలు కురుస్తాయని పేర్కొంది. ఆగ్నేయ దిశల నుంచి బంగాళఖాతం మీదుగా తెలంగాణ వైపు గాలులు వీస్తుండటమే ఈ అకాల వర్షాలకు కారణమని తెలిపింది. మరోవైపు మంగళవారం నుంచి బుధవారం వరకు రాష్ట్రంలో పలు ప్రాంతాల్లో ఓ మోస్తారు వర్షాలు కురిశాయి. జనగామ జిల్లాలోని దేవరుప్పులలో 5 సెంటీమీటర్ల వర్షం నమోదైంది. ఇక సంగారెడ్డి జిల్లాలో పిడుగు పడటంతో కోహీర్ మండలంలోని ఎక్కల్‌దేవికుంట కాలనీకి స్వప్న (30) అనే మహిళ మృతి చెందడం కలకలం రేపింది.

Also Read: పొంగులేటి ఇంట్లో ఐటీ అధికారుల సోదాలు..