Dhoni: ఊది పడేస్తున్నాడుగా.. ధోనీ హుక్కా స్మోకింగ్ వీడియో వైరల్!

ఎంఎస్‌ ధోనీ.. కెప్టెన్సీలో కింగ్‌.. స్టింపింగ్‌లో యస్‌.. సిక్సులు కొట్టడంతో జాక్‌..! అయితే ధోనీ గురించి చాలామందికి తెలియని విషయం ఒకటి ఉంది. మహేంద్రుడికి హుక్కా తాగడం అంటే ఇష్టమట. ఈ విషయాన్ని సోషల్‌మీడియాలో అతని ఫ్యాన్స్ చెబుతున్నారు. ధోనీ హుక్కా స్మోక్‌ చేస్తున్న వీడియో సోషల్‌మీడియాలో వైరల్‌గా మారింది.

వీడియో వైరల్‌:
ఓ ఈవెంట్‌లో ఎంఎస్ ధోనీ(MS Dhoni) హుక్కా తాగుతున్న వీడియో అభిమానుల కంటపడింది. రిషబ్ పంత్, బాలీవుడ్ నటి కృతి సనన్ లాంటి వారితో కలిసి ఇటీవలే దుబాయ్‌(Dubai)లో దర్శనమిచ్చాడు ధోని. న్యూ ఇయర్‌ సెలబ్రేషన్స్‌ కోసమే వారు అక్కడికి వెళ్లారు. ఈ క్రమంలోనే ధోనీ హుక్కా తాగుతూ కెమెరాకు చిక్కినట్టు ఫ్యాన్స్ చెబుతున్నారు. రిటైర్ అయినా ఫిట్‌నెస్‌ను కాపాడుకోవడంలో నిబద్ధతతో ఉన్నాడు ధోని. ఎందుకంటే ఐపీఎల్ ఆడుతున్నాడు. ఇక ఈ వీడియో బయటకు వచ్చినప్పటి నుంచి సోషల్ మీడియాలో హల్ చల్ చేస్తుండటంతో పాటు పలువురిని ఆశ్చర్యపరుస్తోంది. ఈ వీడియో వైరల్ అయినప్పటికీ, దాని ప్రామాణికతను లేదా దాని ఖచ్చితమైన తేదీ, సమయాన్ని ధృవీకరించలేని పరిస్థితి. ఇది చాలా కాలం క్రితం ఒక ప్రైవేట్ పార్టీలోని వీడియో అని పలువురు చెబుతున్నారు.

ధోనీకి హుక్కా తాగడం ఇష్టం?
ధోనీ హుక్కా తాగుతున్న వీడియో వైరల్ కావడంతో సీఎస్కే మాజీ సహచరుడు జార్జ్ బెయిలీ చేసిన పాత కామెంట్ మళ్లీ తెరపైకి వచ్చింది. ధోనీ హుక్కా తాగడాన్ని ఇష్టపడతాడని ఆస్ట్రేలియా మాజీ కెప్టెన్ గతంలో వ్యాఖ్యానించాడు. ఇక ఈ ఏడాది ఐపీఎల్‌లో ధోనీ మరోసారి ఫ్యాన్స్‌ను అలరించనున్నాడు. నిజానికి గత(2023) సీజన్‌తోనే ధోనీ తన ఐపీఎల్‌ కెరీర్‌కు ముగింపు పలుకుతాడని ఫ్యాన్స్‌ భావించారు. పెద్ద ఎత్తున ప్రచారం కూడా జరిగింది. ధోనీ కూడా పరోక్షంగా ఇదే తన లాస్ట్‌ సీజన్‌ అని పలు సందర్భాల్లో చెప్పుకొచ్చాడు. ధోనీ సారధ్యంలోని చెన్నై సూపర్‌ కింగ్స్‌ 2023 సీజన్‌ విజేతగా నిలిచింది. ఐదోసారి ట్రోఫిని ముద్దాడిన రెండో జట్టుగా నిలిచింది. ఇక ఈ ఏడాది సీజన్‌ కోసం జరిగిన మినీ వేలంలో రచిన్ రవీంద్ర లాంటి ఆటగాళ్లను తీసుకుంది. త్వరలోనే ధోనీ ప్రాక్టీస్‌ మొదలుపెట్టనున్నాడు.

Also Read: ట్రంప్‌గారి నిర్వాకం.. 17వేల మంది బలి..! ఆ మెడిసిన్‌ సంజీవని కాదు.. మృత్యువుకు దారి..!
WATCH: