అంబులెన్స్‌ లేక చనిపోయిన చెల్లిని బండి మీద తీసుకెళ్లిన అన్న!

దేశం బాగుపడింది..మేము వచ్చిన తరువాత ముందుకు వెళ్తుంది అని చెప్పుకుంటున్న రాజకీయ నాయకులంతా కూడా ఈ వీడియో చూసి సమాధానం చెప్పాలి. చనిపోయిన వారిని తరలించడానికి కనీసం అంబులెన్సులు కూడా లేకపోవడం అనేది దేశానికి పట్టిన దౌర్భాగ్యంగా చెప్పుకోవాలి.

కళ్ల ముందే తోడబుట్టిన చెల్లెలు చనిపోతే ఆ అన్న పరిస్థితి ఎలా ఉంటుందో మనం ఊహించక్కర్లేదు. అలాంటిది కనీసం ఆ చెల్లెల్ని తరలించడానికి అంబులెన్స్‌ కూడా లేకపోతే..ఇక ఆ తోబుట్టువు పరిస్థితి ఎలా ఉంటుందో మాటల్లో వర్ణించలేం.ఆస్పత్రిలో అతని రోదనలు.. దద్దరిల్లయ్యాయి.

ఈ దారుణమైన సంఘటన ఉత్తరప్రదేశ్ లోని ఔరయాలోని బిధునా కమ్యూనిటీ హెల్త్‌ సెంటర్లో బుధవారం నాడు జరిగింది. నీళ్ల హీటర్‌ పెట్టుకున్న ఓ యువతి ప్రమాదవ శాత్తు విద్యుదాఘాతానికి గురైంది. దీంతో కుటుంబ సభ్యులు వెంటనే బిధువా కమ్యూనిటీ హెల్త్‌ సెంటర్‌ కు తరలించారు.

Also read: అదిరిపోయే దీవాళి ఆఫర్.. ఆ కార్లపై ఏకంగా రూ.లక్ష డిస్కౌంట్!

కానీ అప్పటికే యువతి మృతి చెందినట్లు వైద్యులు తెలిపారు. కానీ ఆ యువతి అన్న మాత్రం ఇంకా తన చెల్లి బతికే ఉందన్న ఆశతోనే ఉన్నాడు. అందుకే ఇంకో ఆసుపత్రికి తరలించేందుకు ప్రయత్నించాడు. కానీ అంబులెన్స్‌ లేదు.దీంతో చెల్లెలి మృతదేహాన్ని మరో ఆసుపత్రికి తరలించేందుకు బైక్‌ పై తీసుకుని వెళ్లేందుకు ప్రయత్నించాడు.

ఆ సమయంలో ఆ యువకుడి రోదనలు చూసిన వారికి ఎవరికైనా కన్నీళ్లు పెట్టించాయి. ఉత్తర్ ప్రదేశ్‌ లో ఆరోగ్య వ్యవస్థ అధ్వాన్నంగా ఉందో తెలపడానికి ఈ ఘటనే సాక్ష్యం. ప్రజలు తమ బంధువులు చనిపోయిన లేదా అనారోగ్యంతో ఉన్న బంధువులను బండ్ల మీద కూరగాయల తోపుడు బండి మీద తీసుకెళ్లిన సంఘటనలు వెలుగు చూశాయి.

ఈ ఘటనకు సంబంధించిన వీడియోను ప్రతిపక్ష కాంగ్రెస్ నేత ఒకరు షేర్ చేశారు. సోషల్ మీడియాలో వైరల్ కావడంతో యూపీ ప్రభుత్వం పై తీవ్ర విమర్శలు వస్తున్నాయి.