/rtv/media/agency_attachments/K5tL8SzMSJHtxzCWWrSl.png)
/rtv/media/media_files/2024/10/27/6uW0mQgYkxmlU2SowwVt.jpg)
TG News: హైదరాబాద్‌లోని ఒరియన్ విల్లాస్ వద్ద ఉద్రిక్త వాతావరణం నెలకొంది. రాజ్ పాకాల సోదరుడు శైలేంద్ర పాకాల నివాసం ఉంటున్న ఓరియన్ విల్లాలో ఎక్సైజ్ పోలీసులు దాడులు నిర్వహించారు. ఈ క్రమంలో సోదాలను అడ్డుకునేందుకు ప్రయత్నించిన కుత్బుల్లాపూర్ బీఆర్ఎస్ ఎమ్మెల్యే కేపీ వివేకానంద, మాజీ ఎమ్మెల్యే బాల్క సుమన్ సహా పలువురిని స్పెషల్ పార్టీ పోలీసులు అరెస్ట్ చేశారు.
అరెస్ట్ వారెంట్ లేకుండా సోదాలు..
ఇక అరెస్ట్ వారెంట్ లేకుండా ఎలా సోదాలు చేస్తారంటూ ఎక్సైజ్ అధికారులను బీఆర్ఎస్ ఎమ్మెల్యేలు, ఎమ్మెల్సీలు, కార్యకర్తలు ప్రశ్నించగా.. న్యాయవాది సమక్షంలోనే తనిఖీలు చేస్తున్నామని ఎక్సైజ్ పోలీసులు స్పష్టం చేశారు. ఇక విధులకు అటంకం కలిగించొద్దని పోలీసులు నచ్చజెప్పినప్పటికీ బీఆర్ఎస్ శ్రేణులు వెనక్కి తగ్గకపోవడంతో ముందస్తు చర్యల్లో భాగంగా అదుపులోకి తీసుకున్నట్లు తెలిపారు. రాయదుర్గంలోని రాజ్ పాకాల విల్లాలో విదేశీ మద్యం ఉందనే అనుమానంతో పోలీసులు దాడి చేసేందుకు ప్రయత్నించారు. ఈ క్రమంలో రాజ్ పాకాల విల్లాకు తాళం వేసి ఉండటంతో.. అతడి సోదరుడు శైలేంద్ర పాకాల నివాసంలో ఎక్సైజ్ అధికారులు సోదాలు నిర్వహిస్తున్నారు. దీంతో ఓరియన్ విల్లాలో హైడ్రామా నెలకొంది.