తెలంగాణలో సర్పంచ్ ఎన్నికలపై ఇంకా క్లారిటీ రాలేదు. తమ పదవీకాలాన్ని పొడిగించాలని సర్పంచులు కాంగ్రెస్ ప్రభుత్వాన్ని కోరుతున్నట్లు తెలుస్తోంది. ఎంపీ ఎన్నికల తరువాతే పంచాయతీ ఎన్నికలు నిర్వహించాలని రాష్ట్ర ప్రభుత్వం భావిస్తున్నట్లు తెలుస్తోంది. సర్పంచుల పదవీకాలం FEB 1తో ముగియనుంది.
హైదరాబాద్-నాగ్పూర్ పారిశ్రామిక కారిడార్కు తుది అనుమతులు మంజూరు చేయాలని కేంద్రమంత్రి పియూష్ గోయాల్ను సీఎం రేవంత్ రెడ్డి కోరారు. అలాగే రాష్ట్రానికి ఎన్డీసీ, మెగా లెదర్ పార్క్, ఐఐహెచ్టీలను మంజూరు చేయాలని అభ్యర్థించారు.
నల్గొండ జిల్లా దేవరకొండలో శుక్రవారం పట్టపగలే చైన్ స్నాచింగ్ పాల్పడిన జోడిని పోలీసులు గుర్తించారు. వారిద్దరూ లవర్స్ కాదు. హైదరాబాద్ లోని సంతోష్ నగర్ కు చెందిన వెంకటేష్ తన భార్యతో కలిసి దొంగతనాలకు పాల్పడుతున్నాడని తెలిపారు. ఈజీమనీ కోసమే చోరీలు చేస్తున్నట్లు చెప్పారు.
ఢిల్లీ పర్యటనలో ఉన్నారు సీఎం రేవంత్. ఎమ్మెల్యే కోటా ఎమ్మెల్సీ స్థానాలు, ఎంపీ టికెట్లపై ఆయన ఈరోజు కాంగ్రెస్ అగ్రనేతలతో చర్చించనున్నారు. ఇప్పటికే గవర్నర్ కోటాలో కోదండరాంకు ఎమ్మెల్సీ టికెట్ ఖాయమైనట్లు సమాచారం. దీనిపై రెండ్రోజుల్లో అధికారిక ప్రకటన రానున్నట్లు తెలుస్తోంది.
ఈరోజు నుంచి తెలంగాణలోని అన్ని ప్రభుత్వం, ప్రైవేట్ పాఠశాలకు సంక్రాంతి సెలవులు ప్రారంభం కానున్నాయి. 18వ తేదీ నుంచి స్కూళ్లు తిరిగి ప్రారంభం కానున్నాయి. అలాగే.. ఇంటర్ విద్యార్థులకు రేపటి నుంచి సంక్రాంతి సెలవులు ప్రారంభం కానున్నాయి.
సంక్రాంతి పండుగ సందర్భంగా సూర్యపేట జిల్లా కేంద్రం నుంచి జాతీయ రహదారిపై రక్షణ చర్యలు చేపట్టారు పోలీసులు. ఆంధ్రాప్రాంతానికి వెళ్లే వాహనాల రద్దీ ఎక్కువగా ఉండటంతో ప్రమాదాలు జరగకుండా ఉండేందుకు జిల్లా పోలీసులు ముందస్తు నివారణ చర్యలు చేపట్టినట్లు జిల్లా ఎస్పీ రాహుల్ హెగ్డే తెలిపారు.
తెలంగాణలో అధికారం మారడంతో వివిధ మున్సిపాలిటీల్లో అవిశ్వాస రాజకీయాలు జోరుగా సాగుతున్నాయి. తాజాగా బెల్లంపల్లిలో 21 మంది కౌన్సిలర్లు బీఆర్ఎస్ పార్టీకి రాజీనామా చేశారు. కాంగ్రెస్ లో చేరుతామని వారు ప్రకటించారు. వీరు త్వరలోనే చైర్మన్ పై అవిశ్వాస తీర్మానం ఇచ్చే అవకాశం ఉంది.
బీఆర్ఎస్ వర్కింగ్ ప్రెసిడెంట్ కేటీఆర్ ను తెలంగాణ మలిదశ ఉద్యమ తొలి అమరుడు శ్రీకాంతాచారి తల్లి కాసోజు శంకరమ్మ ఈ రోజు తెలంగాణ భవన్లో కలిశారు. తన మనవరాలు పుట్టిన రోజు వేడుకకు రావాలని ఆహ్వానించారు. అనంతరం హరీష్ రావు, ఇతర నాయకులతో కలిసి భోజనం చేశారు.
సీఎం రేవంత్ రెడ్డిని గూగుల్ వైస్ ప్రెసిడెంట్ చంద్రశేఖర్ తోట, వింగ్స్ ఆఫ్ ఫైర్ పుస్తక రచయిత అరుణ్ తివారి, ప్రముఖ రోబోటిక్ సర్జన్ డా.చిన్నబాబు సుంకవల్లి తదితరులు ఈ రోజు మర్యాదపూర్వకంగా కలిశాలు. మంత్రులు కోమటిరెడ్డి, శ్రీధర్ బాబు సైతం సీఎంతో సమావేశమయ్యారు.
/rtv/media/post_attachments/wp-content/uploads/2024/01/MLA-MLC-ELECTIONS-jpg.webp)
/rtv/media/post_attachments/wp-content/uploads/2024/01/Sarpanch-Elections-jpg.webp)
/rtv/media/post_attachments/wp-content/uploads/2024/01/revanth-2-jpg.webp)
/rtv/media/post_attachments/wp-content/uploads/2024/01/nlg-jpg.webp)
/rtv/media/post_attachments/wp-content/uploads/2024/01/mlc-seats-jpg.webp)
/rtv/media/post_attachments/wp-content/uploads/2024/01/Sankranti-holidays-jpg.webp)
/rtv/media/post_attachments/wp-content/uploads/2024/01/SP-1-jpg.webp)
/rtv/media/post_attachments/wp-content/uploads/2024/01/bp-jpg.webp)
/rtv/media/post_attachments/wp-content/uploads/2024/01/Kasoju-Shankaramma-jpg.webp)
/rtv/media/post_attachments/wp-content/uploads/2024/01/Revanth-Reddy-jpg.webp)
