మెఘాతో మీకున్న మతలాబు ఏంటి?.. కవిత సంచలన ఆరోపణలు!

కేసీఆర్‌కు నోటీసులు ఇచ్చిన కాళేశ్వరం కమిషన్.. 90 శాతం పంప్‌హౌస్‌లు నిర్మించిన మెఘా సంస్థ యజమానికి ఎందుకు ఇవ్వదని ఎమ్మెల్సీ కవిత ప్రశ్నించారు. సుంకిశాల రిటైనింగ్ వాల్ కూలినా ఆ సంస్థను బ్లాక్ లిస్ట్ లో పెట్టలేదన్నారు. ఆ తర్వాత కూడా అనేక ప్రాజెక్టులు కట్టబెట్టి ప్రజల సొమ్మును దోచుకునేందుకు మేఘా సంస్థకు సహకరిస్తున్నారని ఆరోపించారు. కేసీఆర్‎కు రక్షణ కవచంలా ఉంటామన్నారు. నీళ్లు తీసుకురావడం కేసీఆర్ చేసిన తప్పా? అని ప్రశ్నించారు. కాళేశ్వరం ప్రాజెక్టు అంటే కేవలం మూడు బ్యారేజీలేనా..? అని అన్నారు. కాంగ్రెస్ ప్రభుత్వం కావాలనే కేసీఆర్‌ను లక్ష్యంగా చేసుకుంటోందన్నారు. -బనకచర్ల ప్రాజెక్ట్‌పై ఈటల ఎందుకు మాట్లాడటం లేదో చెప్పాలన్నారు.