కొత్త ప్రభాకర్ రెడ్డిపై కత్తిదాడికి నిరసనగా రేపు ( మంగళవారం) దుబ్బాక నియోజకవర్గ బంద్ కు బీఆర్ఎస్ పిలుపునిచ్చింది. ప్రజలు స్వచ్ఛందంగా పాల్గొని..బంద్ ను విజయవంతం చేయాలని బీఆర్ఎస్ కోరింది. ఎంపీ, బీఆర్ఎస్ దుబ్బాక అభ్యర్థి కొత్త ప్రభాకర్ రెడ్డిపై కాంగ్రెస్ కార్యకర్త రాజు అనే వ్యక్తి కత్తితో దాడిని చేసిన సంగతి తెలిసిందే.
బీఆర్ఎస్ మెదక్ ఎంపీ కొత్త ప్రభాకర్‌రెడ్డిపై జరిగిన కత్తి దాడి రాష్ట్రవ్యాప్తంగా సంచలనం రేపింది. దాడి చేసింది కాంగ్రెస్ పార్టీకి చెందిన వ్యక్తి అని.. ఓ నేరస్థుడిని టీపీసీసీ అధ్యక్షుడిగా చేశారంటూ కేటీఆర్‌ వేసిన ట్వీట్‌పై రేవంత్‌రెడ్డి ఘాటుగా స్పందించారు. ఒక ఎంపీపై దాడి జరిగితే దానిని చిల్లర రాజకీయ ప్రయోజనాలకు వాడుకునే మీ కచరా ప్రయత్నం చూస్తుంటే బీఆర్ఎస్ ఓటమి ఖాయం ఐనట్టేనంటూ మండిపడ్డారు.
మెదక్ ఎంపీ కొత్త ప్రభాకర్ రెడ్డిపై కత్తితో దాడి చేసిన వ్యక్తిని దుబ్బాక నియోజకవర్గం చెప్యాలకు చెందిన గటని రాజుగా పోలీసులు గుర్తించారు. నిందితుడు కాంగ్రెస్ పార్టీకి చెందిన వ్యక్తి అని బీఆర్ఎస్ నేతలు అంటున్నారు. నిందితుడి ఫొటోను బీఆర్ఎస్ నేత మన్నె క్రిశాంక్ తన్వ ట్విట్టర్ ఖాతాలో విడుదల చేశారు.
బీజేపీ నాయకుడు బాబుమోహన్ సంచలన నిర్ణయం తీసుకున్నారు. ఎన్నికలకు, బీజేపీకి దూరంగా ఉండాలని డిసైడ్ అయినట్లు ప్రకటించారు. దీనంతటికీ కారణం.. తనకు టికెట్ కేటాయింపు విషయంలో బీజేపీ అధిష్టానం అనుసరిస్తున్న వైఖరే అని బాబుమోహన్ అంటున్నారు. టికెట్ తన కొడుక్కి ఇస్తారా? తనకు ఇస్తారా? క్లారిటీ ఇవ్వాలన్నారు. టికెట్ పేరుతో తనకు, తన కొడుక్కి మధ్య విభేదాలు సృష్టించాలని చూస్తున్నారా? అంటూ ఫైర్ అయ్యారు. తన ఫోన్‌కు అగ్రనేతలెవరూ రెస్పాండ్ అవడం లేదని ఆవేదన వ్యక్తం చేశారు.
తెలంగాణ వ్యాప్తంగా నిండు కుండల్లా చెరువులు, కుంటలు ఉన్నాయన్నారు మంత్రి హరీశ్‌రావు. బతుకమ్మ పండుగను అధికారికంగా నిర్వహించింది బీఆర్ఎస్ సర్కారేనన్నారు. విజయ దశమి ( దసరా ) పర్వదినం సందర్భంగా ప్రజలకు మంత్రి హరీశ్‌ రావు శుభాకాంక్షలు తెలిపారు. ఎండాకాలాన్ని వానకాలంగా మార్చిన ఘనత సీఎం కేసీఆర్ కే దక్కుతుందని కొనియాడారు.
తెలంగాణలో బీజేపీకి ప్రజల మద్దతు పెరుగుతోంది . నేడు మేడ్చల్ మల్కాజ్‌గిరి జిల్లా శామీర్‌పేట్‌లోని ఈటల రాజేందర్‌ నివాసంలో బీజేపీలో చేరారు శ్రీశైలం ముదిరాజ్. సిద్దిపేటకు చెందిన కానిస్టేబుల్ శ్రీశైలం ముదిరాజ్ ఉద్యోగానికి రాజీనామా చేశాడు. ఈటల సమక్షంలో బీజేపీలో చేరారు.
తెలుగు రాష్ట్రాల్లో దేవి శరన్నవరాత్రి ఉత్సవాలు అంగరంగ వైభవంగా జరుగుతున్నాయి. ఉత్సవాల్లో భాగంగా నేడు 7వ రోజు చండికా అలంకారంలో గజ్వేల్ మహంకాళి అమ్మవారు దర్శనమిచ్చారు.
తెలంగాణ సర్కార్ అప్పులు చేసి తన కుటుంబానికి ఖర్చు పెట్టుకుంటున్నారు తప్ప ప్రజలకు చేసింది ఏమీ లేదని కేంద్ర మంత్రి స్మృతి ఇరానీ మండిపడ్డారు. అవినీతి అనే పదానికి పర్యాయ పదం కాంగ్రెస్, బీఆర్ఎస్ అని రెండు పార్టీలపై ధ్వజమెత్తారు. దుబ్బాక పట్టణంలో ఎమ్మెల్యే రఘునందన్ రావు ఆధ్వర్యంలో నిర్వహించిన నారీ శక్తి వందన్ మహిళ సమ్మేళనం కార్యక్రమానికి ముఖ్య అతిథిగా స్మృతి ఇరానీ హాజరై ఈ వ్యాఖ్యలు చేశారు.
నిరుద్యోగులకు ఒక్క కొలువు ఇవ్వలేదు కానీ, కేసీఆర్ ఇంట్లో అందరికీ కొలువులే అంటూ అధికార పార్టీపై తీవ్ర స్థాయిలో మండిపడ్డారు ఎమ్మెల్యే రఘునందన్ రావు. ప్రశ్నించకపోతే దోచుకునేవారిదే రాజ్యం అవుతుందని బీఆర్ఎస్ ను ఉద్దేశిస్తూ ఎమ్మెల్యే రఘునందన్ విమర్శలు గుప్పించారు. వచ్చే ఎన్నికల్లో మంచి కోసం, మార్పు కోసం ఈ సారి బిజెపికి ఒక్క అవకాశం ఇవ్వండంటూ ఎమ్మెల్యే రఘునందన్ అభ్యర్థించారు.
/rtv/media/post_attachments/wp-content/uploads/2023/10/kotha-1-jpg.webp)
/rtv/media/post_attachments/wp-content/uploads/2023/10/kotha-prabhaker-reddy-jpg.webp)
/rtv/media/post_attachments/wp-content/uploads/2023/10/ktr-vs-revanth-jpg.webp)
/rtv/media/post_attachments/wp-content/uploads/2023/10/Babu-Mohan-jpg.webp)
/rtv/media/post_attachments/wp-content/uploads/2023/10/harish-rao-kcr-jpg.webp)
/rtv/media/post_attachments/wp-content/uploads/2023/10/Siddipet-Constable-Srisailam-who-joined-the-BJP-in-Etalas-residence-jpg.webp)
/rtv/media/post_attachments/wp-content/uploads/2023/10/Gajvel-Mahankali-who-appeared-in-Chandika-Alankaram-jpg.webp)
/rtv/media/post_attachments/wp-content/uploads/2023/10/bjp-1-jpg.webp)
/rtv/media/post_attachments/wp-content/uploads/2023/10/mla-1-jpg.webp)
