/rtv/media/agency_attachments/K5tL8SzMSJHtxzCWWrSl.png)
/rtv/media/post_attachments/wp-content/uploads/2023/12/vandebharat-jpg.webp)
Vande Bharat :
తెలంగాణ గడ్డ నుంచి మరో వందే భారత్‌ ఎక్స్ ప్రెస్‌ రైలు పరుగులు పెట్టేందుకు సిద్దంగా ఉంది. సికింద్రాబాద్‌ -నాగ్‌పూర్‌ స్టేషన్ల మధ్య ఈ సెమీ హైస్పీడ్‌ ట్రైన్‌ పరుగులు పెట్టేందుకు ముహూర్తం ఖరారైంది. ఈ నెల 15న ప్రధాని మోదీ వందే భారత్‌ రైలును వర్చువల్‌ గా ప్రారంభిస్తారని కేంద్ర మంత్రి కిషన్‌ రెడ్డి ప్రకటించారు.
ఇప్పటికే తెలంగాణ నుంచి వివిధ రాష్ట్రాల మధ్య నాలుగు వందే భారత్‌ రైళ్లు సేవలందిస్తుండగా…ఐదో రైలు ఈ నెల 15 నుంచి పరుగులు పెట్టబోతోందన్నారు. ఈ ఎక్స్ ప్రెస్‌ రైలు రెండు నగరాల మధ్య 578 కిలో మీటర్ల దూరాన్ని కేవలం ఏడు గంటల 15 నిమిషాల్లోనే పూర్తి చేస్తుందని కేంద్ర మంత్రి కిషన్‌ రెడ్డి వివరించారు.
అధికారుల షెడ్యూల్‌ ప్రకారం..ఈ రైలు నాగ్‌పూర్‌ లో ఉదయం 5 గంటలకు బయల్దేరి…మధ్యాహ్నం 12.15 గంటలకు సికింద్రాబాద్‌ కు చేరుకోనుంది. తిరిగి మధ్యాహ్నం 1 గంటకు సికింద్రాబాద్‌ లో బయల్దేరి..రాత్రి 8.20 గంటలకు నాగ్‌పూర్‌ చేరుకుంటుందని అధికారులు తెలిపారు.