China manja: యమపాశంలా మారిన చైనా మాంజాలు.. గొంతులు కోయడానికి కారణం ఇదే..!

చైనా మాంజాలు ఇండియాలో మరణశాసనం రాస్తున్నాయి. ప్రతిఏటా సంక్రాంతి సీజన్‌లో చిన్నాపెద్దా తేడా లేకుండా ఆనందంగా పతంగులు ఎగరేస్తారు. కానీ.. పతంగులు ఎన్ని ప్రాణాలను బలితీస్తోందో తలుచుకుంటే బాధేస్తోంది. పతంగులు కాగితంతోనే చేస్తారు కావచ్చు. కానీ దాన్ని ఎగరేసే దారం విషయంలో మాత్రం చాలామంది చైనామాంజాను వాడుతున్నారు. హైదరాబాద్ టాస్క్‌ఫోర్స్ పోలీసులు పతంగులకు, మాంజాల హోల్‌సేల్ షాప్‌లకు కేరాఫ్‌గా ఉన్న అఫ్జల్‌గంజ్‌, మంగళ్‌హాట్‌, ఓల్డ్‌సిటీలోని ఇతర ప్రాంతాల్లో పోలీసులు దాడులు చేశారు. సంక్రాంతి రాకముందే చైనా మాంజాలు మృత్యుఘంటికలు మోగిస్తున్నాయి. తాజాగా చైనామాంజా ఇద్దరి గొంతులు కోసింది. ఖైరతాబాద్ ఎమ్మెల్యే దానం నాగేందర్ ఓ అడుగు ముందేసి.. చైనా మాంజాలను పట్టిస్తే వారికి రూ.5వేలు బహుమతిగా ఇస్తానని అన్నారు.

#Hyderabad:#Crackdown on banned #Chinesemanjha in #OldCity@hydcitypolice seized 24 bobbins of illegal Chinese manjha in the #Chatrinaka area in two cases registered on Dec 27 & 28.#Cases booked under BNS & Environmental Protection Act.
Chinese manjha is completely banned as… pic.twitter.com/u8QwWfO1bx

— NewsMeter (@NewsMeter_In) December 29, 2025

పాతబస్తీ షాలిబండా పరిధిలో షంషీర్‌గంజ్ రోడ్డుపై ఆదివారం బైక్‌పై వెళ్తుండగా మెడకు మాంజా తగిలింది. దీంతో బైక్ అదుపు తప్పి మెడ, ముఖం, చేతులకు గాయాలయ్యాయి. మొన్నటికి మొన్న మల్లికార్ఖున నగర్‌లో జశ్వంత్ రెడ్డి అనే యువకుడి ఇదే తరహాలో చైనా మాంజా చుట్టుకుంది. గొంతు తెగి 19 కుట్లు పడ్డాయి. ఇంకొంచెం లోతుగా తెగి ఉంటే ప్రాణాలకే ముప్పు అని డాక్టర్లు చెప్పారు. ఇలా ఏటా తెలుగురాష్ట్రాల్లోనే పదుల సంఖ్యలో చైనా మాంజాలకు బలైపోతారు. 

చైనా మాంజాలు యమ డేంజర్.. బైక్ మీద వెళ్లేవారి మెడకు చుట్టుకుంటే.. పీక తెగిపోవాల్సిందే.. అంతేకాదు వేల పక్షలు చైనా మాంజా కారణంగా చనిపోతున్నాయి. మాంజా దారం మెడకు చుట్టుకొని చనిపోయిన బైకర్ అంటూ జనవరి నెలలో వార్తలు వస్తూనే ఉంటాయి. అసలు ఈ చైనా మంజాలు ఎందుకంత డేంజర్? మన దేశానికి ఇదెలా వచ్చింది? భారత్‌లో వీటి నిషేదంపై ఉల్లంఘన ఎందుకు జరుగుతుంది? అసలు ఈ చైనా మాంజాల కథేంటో చూద్దాం రండి..

కైట్ ఫెస్టివెల్‌లో పెద్ద పెద్ద పతంగులు ఎగరేయడానికి చైనా మంజాలు వాడేవారు. వాటిని నైలాన్‌‌‌‌తో తయారు చేస్తారు. మాంజాకు గాజుని పొడి పూసిన నైలాన్, సింథటిక్ దారాలు మాంజా తయారీలో వాడుతారు. క్రమంగా చిన్న చిన్న పతంగ్‌లకు కూడా చైనా మాంజాలు వాడటం స్టార్ట్ చేశారు. వేరే పతంగ్‌‌ ధారానికి వెలిక వేసి పడగొట్టడానికి.. దారం తెగిపోకుండా ఉండటానికి ఈ చైనా మాంజాలు యూస్ చేస్తుంటారు. చైనా మాంజా తెగదు.. గాలిపటం ఎగరేసినప్పుడు పొరపాటున ధారం వదిలేయడం, వేరేవాళ్లే మాంజాధారం తెంపడం జరుగుతుంది. అది చెట్లు, బిల్డింగుల మధ్య చిక్కుకొని బైక్‌పై రోడ్డు మీద వెళ్లేవారి మెడకు చుట్టుకొని ఆ వేగానికి గొంతు కోసుకుపోతుంది. ఇలా చైనా మాంజాలు చాలామంది బైకర్స్‌ మెడకు ఉరితాడై.. పండగపూట విషాదాలు మిగిల్చాయి. 

2016 నుంచి నిషేధం..

గతకొన్ని సంవత్సరాల్లో ఇలాంటి దుర్ఘటనలు పదుల సంఖ్యలో జరిగాయి. అంతేకాదు, వేల పక్షులు కూడా చైనా మాంజాల కారణంగా మృత్యువాత పడ్డాయి. దీంతోపాటు ఇవి విద్యుత్ అంతరాయానికి, రోడ్ ట్రాఫిక్‌కు కారణమైతున్నాయిని ప్రభుత్వం గుర్తించింది. చైనా మాంజాలతో పొంచి ఉన్న ప్రమాదాన్ని గ్రహించి తెలంగాణ రాష్ట్ర ప్రభుత్వం జనవరి 2016లోనే వీటి అమ్మకాలను నిషేధించింది. పర్యావరణ పరిరక్షణ చట్టం 1986 ప్రకారం చైనా మాంజాను కొనుగోలు చేసినా.. అమ్మినా నేరం. దీనిని ఉల్లంఘించిన వారికి 5 సంవత్సరాలు, అంతకన్నా ఎక్కువ జైలు శిక్ష, లక్ష రూపాయల జరిమానా విధిస్తారు. పక్షులు, జంతువులకు హాని కలిగిస్తే వన్య ప్రాణి సంరక్షణ చట్టం ప్రకారం 3 నుంచి ఏడు సంవత్సరాలు జైలుశిక్ష, రూ.10,000 జరిమానా విధిస్తారు.

ఒక్క గ్రేటర్ హైదరాబాద్ పరిధిలోనే 2024లో 8 మంది చైనా మాంజాధారం మెడకు చుట్టుకొని చనిపోయారంటే చూడండి. అవి ఎంత ప్రమాదమో.. ఇవి ప్రారంభంలో చైనాలో తయారు చేసి ఇండియాకు ఎగుమతి చేసేవారు. వాటి కారణంగా జరుగుతున్న ప్రాణనష్టాన్ని గుర్తించి 2017 జనవరి 17నే కేంద్ర ప్రభుత్వం చైనా మాంజాలు నిషేధించింది. పోటీలు పడి గాలిపటాలు ఎగరేస్తున్నప్పుడు ఒకరి పతంగ్ మరొకరు పడగొట్టడానికి ఈ చైనా మాంజా వాడుతారు. అలా తెగిపోయిన మాంజాధారం రోడ్డు మీద బైక్‌పై వెళ్తున్న వారి ప్రాణాలు తీస్తోంది.  

తయారీ విధానం ఇదే!!

గతంలో చైనా మాంజాను ఇతర రాష్ట్రాల నుంచి హైదరాబాద్‌కు సీక్రెట్‌గా తీసుకొచ్చి విక్రయించగా, కొన్నాళ్ల నుంచి లోకల్‌లోనే తయారు చేస్తున్నట్లు ఆరోపణలు ఉన్నాయి. ఇండియాలో అవి బ్యాన్ చేశాక.. వాటిని సీక్రెట్‌గా ఇండియాలోనే తయారు చేస్తున్నారు.  వాటికున్న డిమాండ్ కారణంగా కొందరు ఎక్కువ రేట్లకు అమ్ముతూ గట్టుచప్పుడు కాకుండా చైనా మాంజాల వ్యాపారం నడిపిస్తున్నారు.  నైలాన్, సింథటిక్ దారాలకు గాజుని పొడి పూసి చైనీస్ మాంజాలు ఇండియాలోనే తయారు చేస్తున్నారు.