Special awards : చిరంజీవికి ఎన్టీఆర్‌ జాతీయ అవార్డు, కమల్‌ హాసన్‌కు పైడిజయరాజ్‌ అవార్డు

Special awards : 2025లో విడుదలైన చిత్రాలకు సంబంధించి ఈ ఏడాది గద్దర్ అవార్డులను తెలంగాణ ప్రభుత్వం శనివారం ప్రకటించింది. 2025 జనవరి 1 నుంచి డిసెంబర్ 31 వరకు సెంట్రల్ బోర్డ్ ఆఫ్ ఫిల్మ్ సర్టిఫికేషన్ ద్వారా గుర్తింపు పొందిన చిత్రాలకు ఈ అవార్డులను ప్రకటించారు. వీటితో పాటు షార్ట్‌ఫిల్మ్‌లకు కూడా  అవార్డులు ప్రకటించారు. కాగా స్పెషల్‌ అవార్డుల కేటాగిరిలో చిరంజీవికి ఎన్టీఆర్‌ జాతీయ అవార్డు ప్రకటించారు. ఇక జాతీయ నటుడు కమల్‌ హాసన్‌కు పైడి జయరాజ్‌ జాతీయ అవార్డు,  అశ్వనీదత్‌కు నాగిరెడ్డి చక్రపాణి అవార్డు, జయసుధకు ఏఎన్నార్‌ అవార్డుతో పాటు గేయ రచయిత సుద్దాల అశోక్‌ తేజను సినారే అవార్డుకు ఎంపికచేశారు. ఈ నెల 19న ఉగాది సందర్బంగా ఈ పురస్కారాల ప్రదానం చేయనున్నారు.

 స్పెషల్‌ అవార్డులు..

ఎన్టీఆర్‌ జాతీయ అవార్డు - చిరంజీవి
పైడి జయరాజ్‌ అవార్డు - కమల్‌ హాసన్‌
నాగిరెడ్డి చక్రపాణి అవార్డు - అశ్వనీ దత్‌
ఏఎన్నార్‌ అవార్డు - జయసుధ
సినారే అవార్డు సుద్దాల అశోక్‌ తేజ