Harish Rao : AIG ఆస్పత్రిలో హరీష్ రావు.. ఏమైందంటే?

ఈ క్రమంలో ఆయనకు, పోలీసులకు మధ్య వాగ్వాదం చోటు చేసుకుంది. అనంతరం ఆస్పత్రి వరకు వెళ్లేందుకు మాత్రమే అనుమతి ఇస్తున్నామని పోలీసులు ప్రకటించారు. ఆయన వెంట పోలీసులు సైతం ఆస్పత్రికి వెళ్లారు. దీంతో ఏఐసీ ఆస్పత్రికి వెళ్లిన హరీష్ రావుకు డాక్టర్లు పరీక్షలు నిర్వహిస్తున్నారు. గాయం చిన్నదే అని తేలితే ఆయనను వెంటనే ఇంటికి పంపించే అవకాశం ఉంది.

ఒక వేళ పెద్దగాయమని తేలితే హరీష్ రావు అడ్మిట్ అయ్యే అవకాశం ఉందని ఆయన అనుచరులు చెబుతున్నారు. మరోవైపు హైదరాబాద్ లో ఉన్న బీఆర్ఎస్ ఎమ్మెల్యేలు, ముఖ్య నేతలను పోలీసులు ముందు జాగ్రత్త చర్యల్లో భాగంగా హౌజ్ అరెస్ట్ చేశారు. ఈ రోజు అరికెపూడి గాంధీ నివాసానికి వెళ్తానని బీఆర్ఎస్ ఎమ్మెల్యే కౌశిక్ రెడ్డి ప్రకటించడంతో ఈ చర్యలు చేపట్టారు.

నిన్న ఉద్రిక్తతలు చోటు చేసుకోవడంతో సీఎం సైతం పోలీసులపై సీరియస్ అయినట్లు తెలుస్తోంది. శాంతిభద్రతలను దెబ్బతీసేందుకు ప్రయత్నించేవారు ఎంతటి వారైనా వదిలిపెట్టవద్దని.. కఠిన చర్యలు తీసుకోవాలని రేవంత్ రెడ్డి డీజీపీని ఆదేశించినట్లు సమాచారం.