Sarpanch's: రేవంత్ సర్కార్‌కు షాక్.. హైకోర్టుకు సర్పంచులు

Telangana Sarpanch's: నేటితో తమ పదవీ కాలం ముగియనుండటంతో తెలంగాణ హైకోర్టును ఆశ్రయించారు రాష్ట్రంలోని సర్పంచులు. ప్రత్యేక అధికారులను నియమించకుండా సకాలంలో ఎన్నికలు నిర్వహించేలా ప్రభుత్వాన్ని ఆదేశించాలని పిటిషన్‌లో కోరారు. ఎన్నికలు నిర్వహించడం కుదరకపోతే తమ పదవీ కాలాన్ని పొడిగించేలా ప్రభుత్వాన్ని ఆదేశించాలని పిటిషన్ లో పేర్కొన్నారు. ప్రత్యేక అధికారుల నియామకంపై స్టే ఇవ్వాలని కోరారు. ఈ క్రమంలో స్టేకు హైకోర్టు నిరాకరించింది. విచారణ నాలుగు వారాలకు వాయిదా వేసింది.

ALSO READ: త్వరలో 15వేల ఉద్యోగాలు.. సీఎం రేవంత్ రెడ్డి కీలక ప్రకటన

సంక్షేమ పథకాలు ఆగిపోతాయి: కిషన్ రెడ్డి

తెలంగాణ సర్పంచుల పదవీకాలం నేటితో ముగుస్తోందని అన్నారు టీబీజేపీ చీఫ్ కిషన్‌ రెడ్డి. గత పదేళ్లలో కేసీఆర్‌ ప్రభుత్వం పంచాయతీరాజ్‌ వ్యవస్థను నిర్వీర్యం చేసిందని విమర్శించారు. గ్రామ పంచాయతీలకు కేంద్రం ఇచ్చిన నిధులను దారి మళ్లించారని ఆరోపించారు. 73వ రాజ్యాంగ సవరణ ప్రకారం స్థానిక సంస్థలకు సకాలంలో ఎన్నికలు నిర్వహించాలని అన్నారు. గ్రామ సభలు లేకుండా ప్రభుత్వ పథకాలకు లబ్ధిదారులను ఎలా ఎంపిక చేస్తారు? అని ప్రశ్నించారు. రాజ్యాంగం ప్రకారం ప్రతి ఐదేళ్లకు ఎన్నికలు నిర్వహించాలని పేర్కొన్నారు. ఎన్నికలు నిర్వహించలేకపోతే ఉన్న సర్పంచులను కొన్నాళ్లు కొనసాగించాలని కాంగ్రెస్ ప్రభుత్వాన్ని కోరారు. గ్రామాల్లో సర్పంచులు లేకపోతే అభివృద్ధి, సంక్షేమ పథకాలు ఆగిపోతాయని అన్నారు.

లోక్ సభ ఎన్నికల తరువాతే..?