New Smartphone: మోటో మామ కుమ్మేశాడు భయ్యా.. 12జీబీ ర్యామ్, 50ఎంపీ కెమెరాతో ఫీచర్లు హైలైట్

ప్రముఖ స్మార్ట్‌ఫోన్ తయారీ సంస్థ మోటోరోలా అద్భుతమైన ఫోన్లను మార్కెట్‌లో లాంచ్ చేస్తూ ప్రత్యేక గుర్తింపు సంపాదించుకుంది. ఇందులో భాగంగానే అక్టోబర్ 31న తన లైనప్‌లో ఉన్న మరొక మొబైల్‌ Moto X70 Air ను చైనాలో లాంచ్ చేయనుంది. లాంచ్ కు ముందే ప్రీ-ఆర్డర్లు ప్రారంభమయ్యాయి. Moto X70 Air ఫోన్ మోటరోలా ఎడ్జ్ 70 రీబ్రాండెడ్ వెర్షన్. కంపెనీ దీనిని నవంబర్ 5న ప్రపంచవ్యాప్తంగా లాంచ్ చేయనుంది. ఈ ఫోన్ 6.7-అంగుళాల pOLED డిస్ప్లేను కలిగి ఉంది. ఇది 12GB వరకు RAM + 512GB వరకు స్టోరేజ్‌ను కలిగి ఉంటుంది. ఇప్పుడు దీని ధర, ఫీచర్ల గురించి తెలుసుకుందాం.

Moto X70 Air Price

Moto X70 Air రెండు వేరియంట్లలో లాంచ్ కానుంది. 12GB+256GB వేరియంట్ ధర సుమారు రూ.30,000 ఉంటుందని అంచనా. అదే సమయంలో 12GB+512GB వేరియంట్ ధర సుమారు రూ. 36,000గా కంపెనీ నిర్ణయించినట్లు సమాచారం. ఈ ఫోన్‌ను Lenovo Mall, JD.com వంటి ప్లాట్‌ఫామ్‌ల నుండి ప్రీ ఆర్డర్ చేయవచ్చు. Moto X70 Air ఫోన్ గాడ్జెట్ గ్రే, లిల్లీ ప్యాడ్, బ్రాంజ్ గ్రీన్ కలర్ వేరియంట్‌లలో అందుబాటులో ఉంటుంది. 

Moto X70 Air Specs

Moto X70 Air మొబైల్ 1.5K (1,220 x 2,712 పిక్సెల్స్) రిజల్యూషన్‌తో 6.7-అంగుళాల pOLED డిస్‌ప్లేను కలిగి ఉంది. ఇది 120Hz రిఫ్రెష్ రేట్, 4,500 నిట్‌ల గరిష్ట ప్రకాశాన్ని కలిగి ఉంది. Pantone-సర్టిఫైడ్ ప్యానెల్ SGS కంటి సంరక్షణ రక్షణతో వస్తుంది. సులభంగా అన్‌లాక్ చేయడానికి ఫోన్ ఇన్-డిస్‌ప్లే ఫింగర్‌ప్రింట్ సెన్సార్‌కు మద్దతు ఇస్తుంది. 

Moto X70 Air ఆండ్రాయిడ్ 16 పై నడుస్తుంది. స్నాప్‌డ్రాగన్ 7 Gen 4 చిప్‌సెట్ ప్రాసెసర్‌ను కలిగి ఉంటుంది. ఈ ఫోన్ 3D వేపర్ చాంబర్‌ను కలిగి ఉంది. 68W వైర్డు ఫాస్ట్ ఛార్జింగ్, 15W వైర్‌లెస్ ఛార్జింగ్‌కు మద్దతుతో 4800mAh బ్యాటరీని ప్యాక్ చేస్తుంది. కెమెరా విషయానికొస్తే.. వెనుక భాగంలో 50-మెగాపిక్సెల్ ప్రధాన కెమెరాతో పాటు 50-మెగాపిక్సెల్ అల్ట్రా-వైడ్ లెన్స్, సెల్ఫీల కోసం 50-మెగాపిక్సెల్ ముందు కెమెరా ఉంటాయి. ఈ ఫోన్ 5G, Wi-Fi, బ్లూటూత్, GPS, OTG, USB టైప్-C కనెక్టివిటీకి మద్దతు ఇస్తుంది. ఈ స్మార్ట్‌ఫోన్ వాటర్ అండ్ డస్ట్ రెసిస్టెన్స్ కోసం IP68, IP69 రేటింగ్‌లతో వస్తుంది.