March Upcoming Smartphones: మార్చిలో లాంచ్ కానున్న మాస్ ఫోన్లు.. మొత్తం ఎన్నంటే..?

ఫిబ్రవరి నెల నేటితో ముగియనుంది. రేపటి నుంచి మార్చి నెల ప్రారంభం కానుంది. దీంతో టెక్ కంపెనీలు తమ కొత్త మోడళ్లను మార్కెట్‌లో పరిచయం చేసేందుకు సిద్ధంగా ఉన్నాయి. పలు ఆండ్రాయిడ్ స్మార్ట్‌ఫోన్ బ్రాండ్‌లు, ఆపిల్ కొత్త ఫోన్లు అందుబాటులోకి రానున్నాయి. నథింగ్ ఫోన్ 4a సిరీస్ మార్చి నెల ప్రారంభంలో అధికారికంగా విడుదల కానుంది. ఆపిల్ తన ఐఫోన్ 17eని సిద్ధం పరిచయం చేసేందుకు రెడీగా ఉంది. అలాగే హానర్ హానర్ మ్యాజిక్ V6ని విడుదల చేయనుంది. ఒప్పో కొత్త ఫైండ్ X సిరీస్ స్మార్ట్‌ఫోన్‌లను విడుదల చేయనుంది. అంతేకాకుండా రియల్‌మీ, మోటరోలా వరుసగా రియల్‌మీ నార్జో పవర్, మోటరోలా ఎడ్జ్ 70 ఫ్యూజన్‌లను లాంచ్ చేయనున్నాయి. ఇప్పుడు వాటి గురించి తెలుసుకుందాం. 

హానర్ మ్యాజిక్ V6, హానర్ రోబోట్ ఫోన్

హానర్ తన రోబోట్ ఫోన్‌తో పాటు హానర్ మ్యాజిక్ V6 ఫోల్డబుల్ స్మార్ట్‌ఫోన్‌ను మార్చి 1న లాంచ్ చేయనున్నాయి. ఈ ఫోన్ బ్యాటరీ సామర్థ్యం 7,000mAh ఉంటుంది. ఇది 120W ఫాస్ట్ ఛార్జింగ్‌కు మద్దతు ఇచ్చే అవకాశం ఉంది.

ఐఫోన్ 17ఇ

ఆపిల్ మొదటి వారంలో కొత్త గాడ్జెట్లను విడుదల చేస్తుందని CEO టిమ్ కుక్ వెల్లడించారు. ఐఫోన్ 17e ఆ లాంచ్‌లలో ఒకటి అయ్యే అవకాశం ఉంది. ఇది లేటెస్ట్ జెన్ A19 చిప్‌ను కలిగి ఉంది. సుమారు రూ. 57,000 ప్రారంభ ధరతో వస్తుంది. ఇది 6.1-అంగుళాల డిస్ప్లే, ఆప్టికల్ ఇమేజ్ స్టెబిలైజేషన్ (OIS)తో 48-మెగాపిక్సెల్ వెనుక కెమెరా, 12-మెగాపిక్సెల్ ఫ్రంట్ కెమెరా, IP68 రేటింగ్‌ను కలిగి ఉండే అవకాశం ఉంది. హ్యాండ్‌సెట్ C1X మోడెమ్‌ను కలిగి ఉంది. 18W వైర్డ్ ఛార్జింగ్, 7.5W వైర్‌లెస్ ఛార్జింగ్‌కు మద్దతు ఇస్తుంది.

మోటరోలా రేజర్ ఫోల్డ్

మోటరోలా రేజర్ ఫోల్డ్ - మార్చి 2న లాంచ్ కానుంది. రేజర్ ఫోల్డ్ ఫోన్ AI- ఆధారిత ఫీచర్లతో పాంటోన్ బ్లాక్‌నెడ్ బ్లూ, పాంటోన్ లిల్లీ వైట్ కలర్ ఆప్షన్‌లలో వస్తుంది. 2K రిజల్యూషన్‌తో 8.1-అంగుళాల LTPO ఇన్నర్ డిస్‌ప్లేను కలిగి ఉంది. ఇది 6.6-అంగుళాల ఇంటర్నల్ స్క్రీన్, 32-మెగాపిక్సెల్ ఫ్రంట్-ఫేసింగ్ కెమెరాను కలిగి ఉంది. వెనుక భాగంలో ఫోన్ ట్రిపుల్ కెమెరా యూనిట్‌ను కలిగి ఉంది. దీనికి 50-మెగాపిక్సెల్ సోనీ లైటియా ప్రధాన సెన్సార్ అందించారు. 

మోటరోలా ఎడ్జ్ 70 ఫ్యూజన్

ఇక మోటరోలా ఎడ్జ్ 70 ఫ్యూజన్ బ్లూ సర్ఫ్, కంట్రీ ఎయిర్, సిల్హౌట్ కలర్ ఆప్షన్‌లలో అందుబాటులో ఉంటుంది. మోటరోలా ఎడ్జ్ 70 ఫ్యూజన్ - మార్చి 6 లాంచ్ కానుంది. ఇది 1.5K రిజల్యూషన్‌తో AMOLED డిస్‌ప్లేను కలిగి ఉంటుంది. స్నాప్‌డ్రాగన్ 7s Gen 4 చిప్‌సెట్‌పై నడుస్తుంది. ఈ ఫోన్ 7,000mAh సిలికాన్ కార్బన్ బ్యాటరీని పొందుతుంది. 68W వైర్డు ఫాస్ట్ ఛార్జింగ్‌కు మద్దతు ఇస్తుంది. వెనుక కెమెరా సెటప్‌లో 50-మెగాపిక్సెల్ సోనీ లైటియా ప్రైమరీ సెన్సార్, 13-మెగాపిక్సెల్ అల్ట్రా-వైడ్-యాంగిల్ కెమెరా ఉంటాయి. ఇది 32-మెగాపిక్సెల్ ఫ్రంట్ ఫేసింగ్ కెమెరాను కలిగి ఉంటుంది.

నథింగ్ ఫోన్ 4a సిరీస్ 

మార్చి మొదటి వారంలో నథింగ్ ఫోన్ 4a సిరీస్ లాంచ్ అవుతుంది. ఈ ఫోన్ 4a పింక్,  వైట్ రంగులలో వస్తుంది. ట్రిపుల్ రియర్ కెమెరా సెటప్ పిల్-ఆకారపు మాడ్యూల్‌లో అమర్చబడింది. క్వాల్కమ్ స్నాప్‌డ్రాగన్ చిప్‌సెట్‌లపై నడుస్తుంది. ఇది ఫ్లిప్‌కార్ట్ ద్వారా అందుబాటులో ఉంటుంది. ఇది 6.7-అంగుళాల 1.5K AMOLED డిస్‌ప్లే, 50W వైర్డు ఫాస్ట్ ఛార్జింగ్ సపోర్ట్‌తో 5,400mAh బ్యాటరీని కలిగి ఉంటుందని భావిస్తున్నారు. 

వీటితో పాటు పోకో ఎక్స్ 8 ప్రో సిరీస్, వివో X300 అల్ట్రా, ఒప్పో ఫైండ్ X9 అల్ట్రా, ఒప్పో ఫైండ్ N6, రియల్‌మీ నార్జో పవర్, ఐక్యూఓ జెడ్11ఎక్స్ వంటి స్మార్ట్‌ఫోన్లు లాంచ్ కానున్నాయి.