తెలంగాణ కాంగ్రెస్ ఎమ్మెల్యే అభ్యర్థుల సెకండ్ లిస్ట్ విడుదలైంది. 45 మంది అభ్యర్థులకు సీట్లు కన్ఫామ్ చేస్తూ జాబితా విడుదల చేసింది కాంగ్రెస్ అధిష్టానం. పొంగులేటి శ్రీనివాస్ రెడ్డి, తుమ్మల నాగేశ్వరరావు, పొన్నం ప్రభాకర్, కోమటిరెడ్డి రాజగోపాల్ రెడ్డి, మధుయాష్కి గౌడ్, కొండా సురేఖ సహా ఇతర ముఖ్య నేతలకు ఈ జాబితాలో సీట్ కన్ఫామ్ చేశారు.
పొంగులేటి శ్రీనివాస్ రెడ్డికి కాంగ్రెస్ బిగ్ షాక్ ఇచ్చినట్లు విశ్వసనీయ వర్గాల సమాచారం ద్వారా తెలుస్తోంది. కాంగ్రెస్ రెండో విడత జాబితాలో ఊహించని మార్పులు, చేర్పులు చేశారని సమాచారం. ఈ లిస్ట్‌లో పొంగులేటి శ్రీనివాసరెడ్డి ప్రధాన అనుచరుడు జెడ్పీచైర్మన్ కోరం కనకయ్య పేరు రావడం కష్టంగానే కనిపిస్తోందంటున్నారు పార్టీ శ్రేణులు. కాగా, కోరం కనకయ్య ఇల్లందు కాంగ్రెస్ అభ్యర్థిత్వం కోసం దరఖాస్తు చేసుకున్నారు.
రాష్ట్ర అసెంబ్లీ ఎన్నికల్లో కేసీఆర్, కేటీఆర్‌లను చిత్తుగా ఓడిస్తామన్నారు టీపీసీసీ చీఫ్ రేవంత్ రెడ్డి. కొడంగల్ నుంచి పోటీ చేయాలని కేసీఆర్‌ను ఆహ్వానించానని, ఒకవేళ ఆయన కొడంగల్ నుంచి పోటీ చేయకపోతే.. తానే కామారెడ్డిలో పోటీ చేసేందుకు సిద్ధం అని ప్రకటించారు రేవంత్. అధిష్టానం ఆదేశిస్తే.. పోటీకి సై అన్నారు. తెలంగాణలో హంగ్ కు అవకాశమే లేదని, వందశాతం కాంగ్రెస్ ప్రభుత్వమే ఏర్పడుతుందని ధీమా వ్యక్తం చేశారు.
కాంగ్రెస్ బస్సు యాత్ర తుస్సుమనడం ఖాయమన్నారు మంత్రి కేటీఆర్. విభజన హామీలపై రాహుల్ ఎందుకు నోరు తెరవడం లేదని ఆయన ప్రశ్నించారు. కాంగ్రెస్ బస్సు యాత్రపై ట్విట్టర్‌లో నిప్పులు చెరిగారు కేటీఆర్. తెలంగాణ హక్కులపై ఎన్డీయేను ఏనాడూ ప్రశ్నించని రాహుల్‌కు తెలంగాణలో పర్యటించే అర్హత లేదన్నారు.
తెలంగాణలో కాంగ్రెస్ అగ్రనేతలు రాహుల్ గాంధీ, ప్రియాంక గాంధీ పర్యటన ఖారారైంది. ఈ నెల 18,19,20 తేదీల్లో వారు రాష్ట్రంలో బస్సు యాత్ర చేయనున్నారు. ముందుగా అక్టోబర్ 18న ములుగు జిల్లాలోని రామప్ప ఆలయాన్ని సందర్శించనున్నారు. రాహుల్, ప్రియాంక ముందు నుంచే శివ భక్తులు కావడంతో.. శివునికి పూజ చేసిన అనంతరం అక్కడి నుంచి బస్సు యాత్ర ప్రారంభిస్తారు.
కాంగ్రెస్ లో బీసీలకు 34 టికెట్లు ఇవ్వాల్సిందేనని ఆ వర్గం నేతలు డిమాండ్ చేస్తున్నారు. ఇదే డిమాండ్ తో రేపు గాంధీభవన్ వద్ద ఉదయం 11 గంటల నుంచి సాయంత్రం 5 గంటల వరకు నిరసన చేపట్టనున్నట్లు ప్రకటించారు.
కాంగ్రెస్ పార్టీ బీసీ నేతలు అధిష్టానంపై తీవ్ర ఆగ్రహంతో ఉన్నట్లు తెలుస్తోంది. బీసీలకు సరైన సంఖ్యలో టిక్కెట్లు ఇవ్వకుంటే ఏం చేద్దాం అని బీసీ నాయకుల అంతర్మధనం పడుతున్నట్లు సమాచారం.
మెదక్ అసెంబ్లీ కాంగ్రెస్ టికెట్ ను మైనంపల్లి హన్మంతరావు కుమారుడు రోహిత్ కు ఇస్తారన్న ప్రచారం నేపథ్యంలో ఆ పార్టీ జిల్లా అధ్యక్షుడు తిరుపతి రెడ్డి పార్టీకి రాజీనామా చేశారు. కష్టపడి పని చేసిన వారికి పార్టీలో గుర్తింపు లేదని ఆవేదన వ్యక్తం చేశారు.
కాలేజీ విద్యార్థులకు ఫ్రీగా ఇంటర్నెట్ అందించాలన్న హామీ ఇవ్వాలన్న నిర్ణయానికి కాంగ్రెస్ వచ్చినట్లు తెలుస్తోంది. ఇంకా ఉద్యోగాలకు దరఖాస్తు చేసుకోవడానికి అప్లికేషన్ ఫీజు కేవలం రూ.5/రూ.10 కి తగ్గిస్తామని మరో హామీ ఇవ్వాలని ప్లాన్ చేస్తోంది.
/rtv/media/post_attachments/wp-content/uploads/2023/10/Erra-Shekhar-jpg.webp)
/rtv/media/post_attachments/wp-content/uploads/2023/10/ts-congress-jpg.webp)
/rtv/media/post_attachments/wp-content/uploads/2023/10/Congress-High-Command-jpg.webp)
/rtv/media/post_attachments/wp-content/uploads/2023/10/TPCC-Chief-Revanth-Reddy-jpg.webp)
/rtv/media/post_attachments/wp-content/uploads/2023/09/Minister-KTR-5-jpg.webp)
/rtv/media/post_attachments/wp-content/uploads/2023/10/Rahul-Gandhi-and-Priyanka-Gandhi-jpg.webp)
/rtv/media/post_attachments/wp-content/uploads/2023/08/tcongress-jpg.webp)
/rtv/media/post_attachments/wp-content/uploads/2023/08/congress-2-jpg.webp)
/rtv/media/post_attachments/wp-content/uploads/2023/10/Congress-Leader-Tirupati-Reddy-Resigns-Congress-jpg.webp)
/rtv/media/post_attachments/wp-content/uploads/2023/08/Untitled-design-17.png)
