నకిరేకల్ ఎమ్మెల్యే వేముల వీరేశంకు అవమానం జరిగింది. మంత్రులు ఉత్తమ్ కుమార్ రెడ్డి, పొంగులేటి శ్రీనివాస్ రెడ్డి పర్యటనలో పోలీసులు ఎమ్మెల్యేను గుర్తుపట్టలేదు. మంత్రలకు స్వాగతం పలికేందుకు ఆయనకు పోలీసులు పర్మిషన్ ఇవ్వలేదు. దీంతో ఎమ్మెల్యే విరేశం అలిగి వెళ్లిపోయారు.
Nakirekal
Crime: ఆర్టీసీ బస్సు ఢీ.. ప్రభుత్వ ఉద్యోగి మృతి!
Accident: ఆర్టీసీ బస్సు ఢీ కొని ప్రభుత్వ ఉద్యోగి దుర్మరణం చెందిన ఘటన జనాలకు కలచివేసింది. విధులు ముగించుకుని బైక్ పై వెళ్తున్న వ్యక్తి బస్సును ఓవర్ టెక్ చేసే క్రమంలో ప్రమాదవశాత్తు అదే బస్సు టైర్ల కింద పడి మరణించాడు. సూర్యాపేట జిల్లాలో ఈ ఘటన చోటుచేసుకోగా అతన్ని నకిరేకల్ పట్టణానికి చెందిన సింగరి నరేష్ (34) గా పోలీసులు గుర్తించారు. ఈ ప్రమాదానికి సంబంధించిన పూర్తి వివరాలు ఇలా ఉన్నాయి.
బస్సును ఓవర్ టెక్ చేయబోయి..
నకిరేకల్ పట్టణానికి చెందిన సింగరి నరేష్ కేతేపల్లి తహసీల్దార్ కార్యాలయంలో ధరణి కంప్యూటర్ ఆపరేటర్ గా పనిచేస్తున్నాడు. 65వ నెంబర్ జాతీయ రహదారి వెంట మండలంలోని ఇనుపాముల నుంచి నకిరేకల్ వెళ్లే సర్వీస్ రోడ్డుపై బుధవారం సాయంత్రం ఈ ప్రమాదం జరిగింది. సింగరి నరేష్ గత ఏడాదిగా కేతేపల్లి తహసీల్దార్ కార్యాలయంలో ధరణి ఆపరేటర్ గా పనిచేస్తున్నాడు. ఈ క్రమంలో బుధవారం సాయంత్రం కార్యాలయంలో విధులు ముగించుకుని మోటార్ సైకిల్ పై నకిరేకల్ వెళుతూ ఇనుపాముల శివారులోని జంక్షన్ వద్ద సూర్యాపేట నుంచి నల్లగొండ వెళ్తున్న సూర్యాపేట డిపోకు చెందిన ఆర్టీసీ బస్సును కుడి వైపున ఓవర్ టేక్ చేస్తున్నాడు.
ఇది కూడా చదవండి: Mrinal: మృణాల్ ప్రైవేట్ పార్ట్స్ పై వల్గర్ కామెంట్స్.. నటి ఏమన్నారంటే!
ఈ క్రమంలోనే బస్సును ఓవర్ టేక్ చేస్తున్న మోటార్ సైకిల్ ను గమనించని ఆర్టీసీ డ్రైవర్ బస్సును అనుకోకుండా కుడివైపుకు తిప్పాడు. దీంతో బస్సు బైక్ ను ఢీ కొట్టడంతో నరేష్ బస్సు టైర్ల కింద పడి అక్కడికక్కడే మృతి చనిపోయాడు. ప్రమాద సంఘటన సమాచారం అందుకున్న కేతేపల్లి పోలీసులు సంఘటనా స్థలానికి చేరుకుని నరేష్ మృతదేహాన్ని పోస్టుమార్టం నిమిత్తం నకిరేకల్ ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు జరుపుతున్నామని ఎస్సై శివతేజ గౌడ్ తెలిపారు.
Mega Job Mela: తెలంగాణలో మరో భారీ జాబ్ మేళా…65పైగా కంపెనీలు..5వేలకు పైగా ఉద్యోగాలు..!!
Mega Job Mela: నల్లగొండలోని నిరుద్యోగులకు శుభవార్త. నల్లగొండ జిల్లా నకిరేకల్ నియోజకవర్గంలో ఫిబ్రవరి 25న మెగా జాబ్ మేళాను నిర్వహిస్తున్నట్లు ఎమ్మెల్యే వేముల వీరేశం వెల్లడించారు. 65కు పైగా కంపెనీల్లో 5వేలకు పైగా ఉద్యోగాలను కల్పించడమే లక్ష్యంగా ఈ జాబ్ మేళాను నిర్వహిస్తున్నట్లు ఆయన తెలిపారు.TASKఆధ్వర్యంలో స్థానిక నిరుద్యోగ యువతకు ఉద్యోగ, ఉపాధి అవకాశాలు కల్పించేందుకు నకిరేకల్ లోని జిల్లా పరిషత్ ఉన్నత పాఠశాలలో ఫిబ్రవరి 25వ తేదీ ఉదయం 10గంటల నుంచి సాయంత్రం 5గంటల వరకు ఈ మెగా జాబ్ మేళా నిర్వహిస్తున్నట్లు పేర్కొన్నారు.
తెలంగాణ అకాడమీ ఫర్ స్కిల్ అండ్ మేనేజ్ మెంట్ సహకారంతో ఈ జాబ్ మేళా నిర్వహిస్తున్నట్లు వెల్లడించారు. 7వ తరగతి, పదవ తరగతి, ఐటీఐ, ఇంటర్, డిప్లొమా, ఏదైనా డిగ్రీ, పీజీ, హోటల్ మేనేజ్ మెంట్, బీఈ, బీటెక్, ఎంటెక్, బీఎ, బీఎస్సీ, బీకామ్, ఎంసీఎ, ఎంబీఎ, ఎంబీఎస్, పోస్టు గ్రాడ్యుయేషన్ అర్హత కలిగిన అభ్యర్థులు తమ సీవీ, అర్హత సంబంధించిన డాక్యుమెంట్స్ ను తీసుకుని రావాలని సూచించారు. ఈ అవకాశాన్ని వినియోగించుకోవాలని ఎమ్మెల్యే వేముల వీరేశం రిక్వెస్ట్ చేశారు.18 నుంచి 35ఏళ్ల లోపు ఉన్న యువతీయవకులు ఈ జాబ్ మేళాకు హాజరు కావచ్చు.
పూర్తి వివరాల కోసం 7097655912, 9030047303, 9642333668 హెల్ప్ లైన్ నెంబర్లకు ఫోన్ కాల్ చేయవచ్చని నిర్వాహకులు పేర్కొన్నారు.
ఇది కూడా చదవండి: వందకు పైగా కంపెనీలు..5వేలకు పైగా ఉద్యోగాలు..నల్లగొండలో మెగా జాబ్ మేళా..!!
Boora Narsaiah Goud: వీరేశం వస్తే స్వాగతిస్తాం
నకిరేకల్ మాజీ ఎమ్మెల్యే వేముల వీరేశం బీజేపలోకి వస్తే స్వాగతిస్తామని మాజీ ఎంపీ, బీజేపీ నేత బూర నర్సయ్య గౌడ్ తెలిపారు. నకిరేకల్ నియోజకవర్గ కేంద్రంలో నిర్వహించిన బీజేపీ ముఖ్య కార్యకర్తల భేటీలో ఆయన పాల్గొన్నారు. ఈ సందర్భంగా బూర నర్సయ్య గౌడ్ మాట్లాడుతూ.. సీఎం కేసీఆర్ బీఆర్ఎస్ పార్టీ కోసం కష్టపడి పనిచేసిన వారిని గుర్తించరన్నారు. జిల్లాలో బీఆర్ఎస్ పార్టీ బలపడటం కోస తాను ఎంతో కృషి చేసినట్లు ఆయన గుర్తు చేశారు. చివరకు తనకు ఎమ్మెల్యే సీటు కూడా ఇవ్వలేదన్నారు. బీఆర్ఎస్ మాజీ ఎమ్మెల్యే వేముల వీరేశం సైతం పార్టీ కోసం కష్టపడ్డారన్నారు.
పార్టీ బలపడటం కోసం నకిరేకల్ నియోజకవర్గంలో అహర్షిశలు పనిచేశారని గుర్తు చేశారు. కానీ సీఎం కేసీఆర్ అలాంటి వారిని పట్టించుకోరన్నారు. వేముల వీరేశం బీజేపీలోకి వస్తే తాము స్వాగతిస్తామని, అంతే కాకుండా నకిరేకల్ బీజేపీ ఎమ్మెల్యే అభ్యర్దిత్వంపై చర్చిస్తామన్నారు. మరోవైపు వీరేశం కాంగ్రెస్లోకి వెళ్లాలని చూస్తున్నారు. ఇందులో భాగంగా పార్టీకి చెందిన జిల్లా పెద్దలతో సైతం ఆయన మంతనాలు జరిపారు. దీంతో భువనగిరి ఎంపీ కోమటిరెడ్డి వెంకట్ రెడ్డి ఇటీవల నకిరేకల్ నియోజవర్గ కేంద్రంలో పార్టీ ముఖ్య నాయకులతో సమావేశమైయ్యారు.
వేముల వీరేశం పార్టీలో చేరితే జరిగే ప్రయోజనం గురించి వారికి వివరించారు. అయితే వీరేశం చేరుకను కాంగ్రెస్ కార్యకర్తలు అడ్డుకున్నట్లు తెలుస్తోంది. గత 5 సంవత్సరాలుగా తాము పార్టీ కోసం కష్ట పడ్డామని, ఇప్పుడు నష్టమైనా లాభమైనా తామే భరిస్తామని అంతేకానీ వీరేశాన్ని కాంగ్రెస్లో చేర్చుకొని ఎమ్మెల్యే టికెట్ ఇస్తే తమ పరిస్థితి ఏంటని ప్రశ్నించినట్లు వార్తలు వినిపిస్తున్నాయి. మరోవైపు వీరేశం పార్టీలో చేరితే తాము అతనికి సహకరించేది లేదని తేల్చి చెప్పినట్లు రాజకీయవర్గాల్లో గుస గుసలు వినిపిస్తున్నాయి.
MP Venkat Reddy: బీఆర్ఎస్ నేతల దోపిడీ ఎక్కువైంది
బీఆర్ఎస్పై కాంగ్రెస్ ఎంపీ కోమటి రెడ్డి వెకట్ రెడ్డి ఆగ్రహం వ్యక్తం చేశారు. తెలంగాణ రాష్ట్రంలో బీఆర్ఎస్ నేతల దోపిడీ ఎక్కువైందన్నారు. రాష్ట్ర ప్రభుత్వం దళితులకు అందిచే దళితబంధు, నిరుపేద బీసీలకు అందించే బీసీ బంధు పథకాల్లో బీఆర్ఎస్ ఎమ్మెల్యేలు కోతలు విధిస్తున్నారని ఎంపీ ఆగ్రహం వ్యక్తం చేశారు. సీఎం కేసీఆర్ వెంటనే వారిపై చర్యలు తీసుకోవాలని ఆయన డిమాండ్ చేశారు. మరోవైపు ఉమ్మడి నల్గొండ జిల్లాలోని నకిరేకల్ నియోజకవర్గంలో 556 దళిత కుటుంబాలకు గాను ప్రభుత్వం కేవలం 12 కుటుంబాలకే దళిత బంధు ఇచ్చారన్నారు. కానీ ఆ 12 కుటుంబాలకు చేరే దళిత బంధులో సైతం స్థానిక నేతలు కమీషన్ల రూపంలో బాధితుల నుంచి డబ్బులు తీసుకున్నారని మండిపడ్డారు.
అంతే కాకుండా బీఆర్ఎస్ నేతలు వారి సహచరులకు మాత్రమే దళిత బంధుకు లబ్దిదారులుగా ఎంపిక చేస్తున్నారని విమర్శించారు. ఇలా అయితే దళితులు ఎలా అభివృద్ధి చెందుతారని ఆయన ప్రశ్నించారు. మరోవైపు తుంగతుర్తి నియోజకవర్గంలో బీఆర్ఎస్ నేతలు దళిత బంధులో 30 శాతం వాటా తీసుకుంటున్నారని కోమటిరెడ్డి వెంకట్ రెడ్డి ఘాటు వ్యాఖ్యలు చేశారు. అక్కడ పేదలకు కాకుండా బీఆర్ఎస్కు చెందిన ఎంపీటీసీ, సర్పంచ్లకే దళిత బంధును అందించారని విమర్శించారు.
అవినీతికి పాల్పడితే కుటుంబ సభ్యులనైనా వదిలిపెట్టనన్న కేసీఆర్.. ఆయన కళ్లముందే ఇంత పెద్ద ఎత్తున అవినీతి జరుగుతున్నా ఎందుకు చర్యలు తీసుకోవడంలేదని ప్రశ్నించారు. దళిత బంధులో భాగంగా ఎమ్మెల్యేలు తీసుకుంటున్న కమీషన్లలో సీఎంకు కూడా వాటా ఉందని ఎంపీ సంచనల వ్యాఖ్యలు చేశారు. ఇదంతా ప్రజలు గమనిస్తున్నారన్న కోమటిరెడ్డి.. కేసీఆర్కు ఎలా బుద్ది చెప్పాలో అలానే చెప్పుతారని పేర్కొన్నారు.
Komatireddy Ventak Reddy: నకిరేకల్లో ఎంపీ కోమటిరెడ్డి వెంకట్రెడ్డి కీలక సమావేశం
నల్గొండ జిల్లా నకిరేకల్ నియోజకవర్గంలో ఎంపీ కోమటిరెడ్డి వెంకట్రెడ్డి పార్టీ కార్యకర్తలతో కీలక సమావేశం నిర్వహించారు. బీఆర్ఎస్ పార్టీ టికెట్ ఆశించిన మాజీ ఎమ్మెల్యే వేముల వీరేశంకు సీఎం కేసీఆర్ టికెట్ ఇవ్వకపోవడంతో ఆయన బీఆర్ఎస్ పార్టీకి రాజీనామా చేశారు. దీంతో వీరేశం కాంగ్రెస్లోకి వెళ్లేందుకు ఆసక్తి చూపుతున్నారు. ఈ నేపథ్యంలో కోమటిరెడ్డి వెంకట్ రెడ్డి కాంగ్రెస్ పార్టీ ముఖ్య నేతలతో సమావేశం కావడం చర్చనీయశంగా మారింది. వేముల వీరేశాన్ని పార్టీలోకి తీసుకుంటే ప్రార్టీకి ప్రయోజనం చేకూరే అవకాశం ఉందా.? ఒకవేళ వేముల వీరేశాన్ని పార్టీలోకి తీసుకుంటే.. ఇప్పటికే పార్టీలో ఉండి ఎమ్మెల్యే టికెట్ ఆశిస్తున్న వారి పరిస్థతి ఏంటి.? అలాంటి నేతలకు పదవులు ఇచ్చి సరిపెట్టాలా అనే దానిపై చర్చ జరుగుతున్నట్లు తెలుస్తోంది.
2018 ఎన్నికల్లో బీఆర్ఎస్ నుంచి పోటీ చేసిన ఆన.. కాంగ్రెస్ అభ్యర్థి చిరుమర్తి లింగయ్య చేతిలో ఓటమిపాలయ్యారు. అనంతరం చిరమర్తి లింగయ్య బీఆర్ఎస్లో చేరడంతో సీం కేసీఆర్ సిట్టింగ్ ఎమ్మెల్యేకే సీటు ఇస్తున్నట్లు తెలిపారు. దీంతో పార్టీ కోసం కష్టపడి పనిచేసిన తనకు సీటు ఇవ్వకుండా ఇతర పార్టీ నుంచి వచ్చిన వ్యక్తికి ఎమ్మెల్యే టికెట్ ఇవ్వడంతో వీరేశం అసహనం వ్యక్తం చేసినట్లు తెలుస్తోంది. అంతే కాకుండా గతంలో జరిగిన మున్సిపల్ ఎన్నికల్లో వేముల వీరేశం ఏ పార్టీ సపోర్ట్ లేకుండా కౌన్సిలర్లను గెలిపించుకున్నాడు. తన అనుచరులను రెబల్గా నిలబెట్టి 8 మందిని గెలిపించుకున్న నేతను తమ పార్టీలోకి తీసుకోవాలని కాంగ్రెస్ అధిష్టానం భావిస్తోన్నట్లు సమాచారం.
ఇందులో భాగంగానే కాంగ్రెస్ పార్టీ ముఖ్య నేతలతో సమావేశమైన ఎంపీ కోమటిరెడ్డి వెంకట్రెడ్డి వేముల వీరేశం చేరికపై వారి అభిప్రాయాలను తెలుసుకుంటున్నారు. మాజీ ఎమ్మెల్యేకు టికెట్ ఇస్తే అందరూ కలిసి పని చేయాలని, నకిరేకల్లో కాంగ్రెస్ జెండాఎగురవేయాలని సూచించారు. రాష్ట్ర ప్రభుత్వం చేస్తున్న మోసాలను ప్రజలకు వివరించాలని కాంగ్రెస్ నేతలకు ఆయన దిశా నిర్దేశం చేస్తున్నట్లు సమాచారం.