Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

champai soren

Champai Soren Resigns: జార్ఖండ్ ముఖ్యమంత్రి రాజీనామా.. నెక్ట్స్ సీఎం అతనే!

Published on by

Jharkhand: జార్ఖండ్ ముఖ్యమంత్రి పదవికి చంపై సోరెన్ (Champai Soren)బుధవారం రాజీనామా చేశారు. ఆయన తన రాజీనామా లేఖను రాష్ట్ర గవర్నర్‌కు పంపారు. రాజీనామా అనంతరం చంపై రాజ్‌భవన్‌కు వెళ్లిపోయారు. ఆయన వెంట జేఎంఎం నేతృత్వంలోని కూటమి నేతలు, ఎమ్మెల్యేలు ఉన్నారు. తదుపరి ముఖ్యమంత్రిగా మాజీ సీఎం హేమంత్ సోరెన్ (Hemant Soren) ప్రమాణస్వీకారం చేయనున్నారు.

భూ కుంభకోణం కేసులో హేమంత్ సోరెన్ అరెస్ట్ అయిన తర్వాత చంపాయ్ సీఎం పదవీ బాధ్యతలు స్వీకరించారు. అయితే జూన్ 28న భూ కుంభకోణానికి సంబంధించిన మనీలాండరింగ్ కేసులో జార్ఖండ్ హైకోర్టు హేమంత్ సోరెన్ కు బెయిల్ మంజూరు చేసింది. దీంతో ఈరోజు తెల్లవారుజామున చంపై సోరెన్ నివాసంలో జరిగిన సమావేశంలో హేమంత్‌ను ముఖ్యమంత్రిగా ఎన్నుకోవాలని ఏకగ్రీవంగా నిర్ణయించారు.

ఈ సమావేశంలో కాంగ్రెస్ జార్ఖండ్ ఇన్‌ఛార్జ్ గులాం అహ్మద్ మీర్, రాష్ట్ర అధ్యక్షుడు రాజేష్ ఠాకూర్ కూడా పాల్గొన్నారు. హేమంత్ సోరెన్ తిరిగి రావాలనే నిర్ణయానికి జార్ఖండ్ ముక్తి మోర్చా (జేఎంఎం) సంకీర్ణ భాగస్వామ్య పక్షాల మద్దతు లభించింది. చంపై సోరెన్‌ స్థానంలో హేమంత్‌ సోరెన్‌ని నియమించాలని సమావేశంలో నిర్ణయం తీసుకున్నట్లు పార్టీ వర్గాలు తెలిపాయి.

Also Read: పానీపూరీ తింటే క్యాన్సర్ ఖాయం..

Hemanth Soren: నా అరెస్టు వెనకున్న ప్రమేయం అదే.. హేమంత్ సోరెన్ సంచలన వ్యాఖ్యలు

Published on by

ఝార్ఖండ్‌లో భూ కుంభకోణానికి సంబంధించిన కేసులో అరెస్టయిన మాజీ సీఎం హేమంత్ సోరెన్‌ సోమవారం ఆ రాష్ట్ర అసెంబ్లీలో ప్రసంగించారు. గత నెల జనవరి 31న ఈడీ అధికారులు తనను అరెస్టు చేశారని.. ఇది చీకటి అధ్యాయమని అన్నారు. పదవిలో ఉన్న ఒక ముఖ్యమంత్రి అరెస్టు రావడం దేశంలో ఇదే మొదటిసారని తెలిపారు. నా అరెస్టు వెనుక రాజ్‌భవన్‌ ప్రమేయం ఉందని తాను గట్టిగా నమ్ముతున్నానని వ్యాఖ్యానించారు.

బలపరీక్ష ఎదుర్కొనున్న చంపాయ్ సోరెన్‌

అయితే మరికొద్దిసేపట్లో.. నూతన సీఎం చంపాయి సోరెన్ నేతృత్వంలో ఝార్ఖండ్ ప్రభుత్వం అసెంబ్లీలో బలపరీక్షను ఎదుర్కోనుంది. ఈ క్రమంలోనే రాంచి కోర్టు పర్మిషన్ ఇవ్వడంతో.. అరెస్టయిన హేమంత్ సోరెన్ ఈరోజు అసెంబ్లీలో అడుగుపెట్టారు. మనీలాండరింగ్ కేసులో జనవరి 31న రాత్రి హేమంత్‌ సోరెన్‌ను ఈడీ అధికారులు అరెస్టు చేశారు. అనంతరం ఆయన తన పదవికి రాజీనామా చేశారు. ఆ తర్వాత జేఎంఎం పార్టీ ఉపాధ్యాక్షుడు చంపాయ్ సోరెన్ నూతన ముఖ్యమంత్రిగా ప్రమాణ స్వీకారం చేశారు.

Also Read: పోలీస్‌ స్టేషన్‌పై ఉగ్రదాడి.. 10 మంది పోలీసులు మృతి..

దీంతో 10 రోజుల్లోనే రాష్ట్ర అసెంబ్లీలో బలం నిరూపించుకోవాలని ఝార్ఖండ్‌ గవర్నర్ సీపీ రాధాకృష్ణన్.. ముఖ్యమంత్రి చంపాయ్‌ సోరెన్‌కు ఆదేశించారు. ఆ తర్వాత తన ప్రభుత్వంలోని మంత్రులతో చంపాయ్ సోరెన్‌ క్యాబినేట్ సమావేశం నిర్వహించారు. ఈ నెల 5, 6వ తేదీల్లో అసెంబ్లీలో స్పెషల్‌ సెషన్ నిర్వహించాలని.. 5వ తేదీ బలపరీక్ష నిర్వహించాలని నిర్ణయం తీసుకున్నారు.


చంపాయ్ సోరెన్ గెలుస్తారా 

ఈరోజు చంపాయ్‌ నేతృత్వంలోని ప్రభుత్వం ఫ్లోర్‌ టెస్టును ఎదుర్కోబోతుంది. ఇటీవల తనకు మద్ధతు తెలిపేందుకు 40 మంది ఝార్ఖండ్‌ ఎమ్మెల్యేలు హైదరాబాద్‌కు వచ్చిన సంగతి తెలిసిందే. అయితే అసెంబ్లీలో హేమంత్ సోరన్ నా అరెస్టు వెనుక రాజ్‌భవన్ ప్రమేయం ఉందని చెప్పడం రాజకీయ వర్గాల్లో దుమారం రేపుతోంది. మరీ ఫ్లోర్‌టెస్ట్‌లో చంపయ్ సోరెన్‌ నెగ్గుతారా లేదా అనేది తెలియాలంటే.. మరికొంతసేపు ఆగాల్సిందే.

Also Read: మాజీ ఎమ్మెల్యే షకీల్ కొడుకు కేసులో సీఐ దుర్గారావు అరెస్ట్

Jharkhand CM: జార్ఖండ్ సీఎంగా చంపయ్ సోరెన్ ప్రమాణ స్వీకారం..హైదరాబాద్‌కు ఎమ్మెల్యేలు

Published on by

Champai Soren Takes Oath as Jharkhand CM: జార్ఖండ్‌లో రాజకీయాలు మంచి రసవత్తరంగా ఉన్నాయి. ఈ వేడిలోనే అక్కడ కొత్త ప్రభుత్వం కొలువు దీరింది. నూతన ముఖ్యమంత్రిగా జేఎంఎం నేత చంపయ్ సోరెన్ (JMM Champai Soren) ప్రమాణ స్వీకారం చేశారు. రాంచీ రాజభవన్‌లో గవర్నర్ పి. రాధాకృష్ణన్ ఆయనతో ప్రమాణం చేయించారు. కాంగ్రెస్‌ నేత అలంగీర్‌ ఆలం, ఆర్జేడీ ఎమ్మెల్యే సత్యానంద్‌ భోక్తా మంత్రులుగా ప్రమాణం చేశారు.

Also read:Vijayawada:గన్నవరం ఎమ్మెల్యే వల్లభనేని వంశీపై అరెస్ట్ వారెంట్

హైదరాబాద్‌కు ఎమ్మెల్యేల తరలింపు..
అయితే ఝార్ఖండ్‌లో ఇంకా రాజకీయ అనిశ్చితి తొలగలేదు. ఇక్కడ అసెంబ్లీలో త్వరలోనే బలపరీక్ష జరగనుంది. బలనిరూపణకు కొత్త ముఖ్యమంత్రికి 10 రోజులు గడువు ఇచ్చారు గవర్నర్. 81 మంది ఎమ్మెల్యేలు ఉన్న ఝార్ఖండ్‌ శాసనసభలో జేఎంఎం నేతృత్వంలోని సంకీర్ణ కూటమికి 48 మంది సభ్యుల బలం ఉంది. ఫిబ్రవరి 5న చంపై సోరెన్ మెజార్టీ నిరూపించుకునే ఛాన్స్ ఉండడంతో…ఈలోపు పార్టీలో ఏ మార్పులూ జరగకుండా ఉండేందుకు జేఎంఎం ఎమ్మెల్యేలను హైదరాబాద్ తరలించారు. ఈ ఎమ్మెల్యేలను బీజేపీ (BJP) కొనేయనుందనే వార్తలు రావడంతో ఈ యాక్షన్ తీసుకుంది జేఎంఎం. రాంచీ నుంచి రెండు ప్రైవేట్ విమానాల్లో నేతలను హైదరాబాద్‌కు (Hyderabad) తరలించారు.

జార్ఖండ్‌లో ప్రభుత్వ ఏర్పాటుకు ప్రస్తుతం 41 మంది ఎమ్మెల్యేలు అవసరం ఉంది. ప్రస్తుతం మహాకూటమికి 47 మంది ఎమ్మెల్యేలు ఉండగా అందులో 43 మంది ఎమ్మెల్యేలను హైదరాబాద్‌కు తరలించారు. గచ్చిబౌలిలోని ఎల్లా హోటల్ లో ఎమ్మెల్యేలకు బస ఇచ్చారు.

సుప్రీంలో హేమంత్ సోరెన్‌కు ఎదురుదెబ్బ..

జార్ఖండ్ మాజీ సీఎం హేమంత్ సోరెన్‌ను (Hemant Soren) తన అరెస్ట్‌ను సవాల్ చేస్తూ సుప్రీంకోర్టులో పిటిషన్ దాఖలు చేశారు. ఈడీ జారీ చేసిన సమన్లు చట్టవిరుద్ధం అని, తన ప్రాథమిక హక్కులకు భంగం కలిగంఇచడమే అని ఆయన పిటిషన్‌లో పేర్కొన్నారు. ఈ పిటిషన్‌ను ఈరోజు విచారించిన కోర్టు… ఈడీ అరెస్ట్ విషయంలో తాము జోక్యం చేసుకోమేలని తేల్చి చెప్పింది. సీజేఐ డీవీ చంద్రచూడ్ (CJI DY Chandrachud) నేతృత్వంలో జస్టిస్ సంజీవ్ ఖన్నా, ఎంఎం సుందరేష్, బేల ఎం త్రివేది ధర్మసనం పిటిషన్‌ను తిరస్కరించింది. ముందుగా హైకోర్టుకు వెళ్ళాలని ధర్మాసనం సూచించింది.

Jharkhand: జార్ఖండ్ ముఖ్యమంత్రిగా చంపై సోరెన్ నేడు ప్రమాణ స్వీకారం!

Published on by

Jharkhand: జార్ఖండ్‌ ముఖ్యమంత్రిగా జార్ఖండ్ ముక్తి మోర్చా(JMM) సీనియర్‌ నాయకుడు చంపై సోరేన్‌ (Champai Soren) శుక్రవారం నాడు ప్రమాణ స్వీకారం చేయనున్నారు. మనీలాండరింగ్‌ కేసులో హేమంత్‌ సోరెన్‌ (Hemanth Soren)  ను ఈడీ (ED)  అధికారులు అరెస్ట్‌ (Arrest) చేసిన తరువాత చంపై సోరెన్‌ ముఖ్యమంత్రిగా అధికారాలు చేపట్టేందుకు గవర్నర్‌ అంగీకరించారు.

చంపై సోరెన్‌ విజ్ఞప్తి: 

గురువారం నాడు గవర్నర్‌ సీపీ రాధాకృష్ణన్‌ (CP Radhakrishnan) ను చంపై సోరెన్‌ కలిశారు. ఈ సందర్భంగా ముఖ్యమంత్రి అయ్యేందుకు అవకాశం కల్పించాలని చంపై సోరెన్‌ ఆయనకు విజ్ఞప్తి చేశారు. హేమంత్‌ సోరెన్‌ ను అదుపులోనికి తీసుకున్న తరువాత సుమారు 18 గంటల పాటు జార్ఖండ్‌ లో ప్రభుత్వమే లేదు. దీంతో రాష్ట్రంలో గందరగోళ పరిస్థితులు ఏర్పడ్డాయి. దీంతో చంపై సోరెన్‌ గవర్నర్‌ కు లేఖ రాశారు.

బీజేపీ తమ బలాన్ని..

ఆ సమయంలో గవర్నర్‌ తమ నిర్ణయాన్ని వెల్లడించాడనికి కొంత సమయం తీసుకున్నారు. దీంతో ప్రతిపక్ష బీజేపీ తమ బలాన్ని చూపడానికి సన్నాహాలు చేస్తుండటంతో పాలక కూటమి తమ ఎమ్మెల్యేలను రహస్యంగా తరలించింది. ఈ క్రమంలోనే వాతావరణం అనుకూలించక విమానాలు తెలంగాణకు వెళ్లలేదు.

గవర్నర్‌ నుంచి పిలుపు..

దీంతో ఎమ్మెల్యేలను సాయంత్రం నగరంలోని ప్రభుత్వ అతిథి గృహానికి తరలించారు. ఈ క్రమంలోనే కొద్దిసేపటికే చంపై సోరెన్‌కు గవర్నర్‌ నుంచి పిలుపు వచ్చింది. జార్ఖండ్ లోని అధికార జేఎంఎం-కాంగ్రెస్‌ – ఆర్జేడీ కూటమి 81 మంది సభ్యులలో 47 మంది ఎమ్మెల్యేలను కలిగి ఉంది.

ఇక్కడ మెజార్జీ మార్క్‌-41 . ప్రస్తుతం 43 మంది ఎమ్మెల్యేలు చంపై సోరెన్‌ కు మద్దతు ఇస్తున్నారు. ఇక్కడ బీజేపీకి మొత్తంగా 25 మంది ఎమ్మెల్యేలు, ఏజేఎస్‌యూ (లేక) ఆల్ జార్ఖండ్ స్టూడెంట్స్ యూనియన్‌కు ముగ్గురు ఉన్నారు. మిగిలిన స్థానాలు NCP మరియు ఒక లెఫ్ట్ పార్టీ (ఒక్కొక్కటి) మధ్య ఉన్నాయి. అంతేకాకుండా ముగ్గురు స్వతంత్ర ఎమ్మెల్యేలు ఉన్నారు.

అధికార కూటమిలో ఆందోళన..

స్వల్ప మెజారిటీతో అధికార కూటమిలో ఆందోళన నెలకొంది. బుధవారం హేమంత్‌ సోరెన్‌ అరెస్టుకు ముందు నుంచి ప్రభుత్వ ఏర్పాటుకు తమకే సంఖ్యాబలం ఉందని నేతలు పట్టుబడుతున్నారు. “మా మద్దతుతో 43 మంది ఎమ్మెల్యేలతో నివేదికను సమర్పించాము. సంఖ్య 46-47కు చేరుకుంటుందని మేము భావిస్తున్నాము… కాబట్టి ఎటువంటి సమస్య లేదు. మా కూటమి చాలా బలంగా ఉంది”. అంటూ చంపై సోరెన్ వివరించారు.

బుధవారం సాయంత్రం గవర్నర్‌ను కలిసి తన పదవికి రాజీనామా సమర్పించిన తర్వాత హేమంత్ సోరెన్‌ను ఎన్‌ఫోర్స్‌మెంట్ డైరెక్టరేట్ అరెస్టు చేసింది. ₹ 600 కోట్ల భూ కుంభకోణం, దాని ద్వారా వచ్చిన ఆదాయాన్ని లాండరింగ్‌ చేయడంలో ఆయనకు సంబంధం ఉందని ఎన్‌ఫోర్స్‌మెంట్ డైరెక్టరేట్ ఆరోపించింది.

Also read: అధిక బరువుతో బాధపడుతుంటే..ఉదయాన్నే ఈ గింజల నీటిని తాగితే చాలు!

Hemanth Soren Arrest: జార్ఖండ్‌ ముఖ్యమంత్రి హేమంత్‌ సోరెన్‌ అరెస్ట్‌..నెక్స్ట్‌ సీఎం?

Published on by

Arrest: జార్ఖండ్‌ సీఎం హేమంత్‌ సోరెన్‌ (Hemanth Soren) ను ఈడీ (ED) బుధవారం సాయంత్రం అరెస్ట్‌(Arrest)  చేసింది. ఆయన తన పదవీకి రాజీనామా చేసిన కొద్ది సేపటికే ఆయన్ను ఈడీ అదుపులోకి తీసుకుంది. చాలా సేపు విచారణ తరువాత ఈడీ అధికారులు ఆయన్ని అరెస్ట్‌ చేశారు. హేమంత్‌ అరెస్ట్ తో జార్ఖండ్‌ రాజధాని రాంచీలో అధికారులు భారీ భద్రతను ఏర్పాటు చేశారు.

సుమారు 7 వేల మంది పోలీసు సిబ్బంది రాంచీలో మోహరించారు. అయితే హేమంత్‌ అరెస్ట్‌ కావడానికి ముందే తన ముఖ్యమంత్రి పదవికి రాజీనామా సమర్పించారు. హేమంత్‌ స్వయంగా రాజ్‌భవన్‌ కు వెళ్లి గవర్నర్‌ కు తన రాజీనామా పత్రాన్ని సమర్పించారు. ఈ ఊహించని సంఘటన నేపథ్యంలో జార్ఖండ్‌ అధికార కూటమిలోని జార్ఖండ్‌ ముక్తి మోర్చాతో పాటు కాంగ్రెస్‌ ఎమ్మెల్యేలు కూడా రాజ్‌ భవన్‌ వద్దకు వచ్చారు.

ఈ క్రమంలో తరువాత ముఖ్యమంత్రిగా మంత్రి చంపై సోరెన్‌ (Champai soren) పేరును పరిశీలిస్తున్నట్లు తెలుస్తుంది. శాసనసభాపక్ష నేతగా ఆయన్ని ఎమ్మెల్యేలు ఎన్నుకున్నారు. ఆయన గవర్నర్‌ ను కలిసి సీఎంగా ప్రమాణ స్వీకారం చేసేందుకు అనుమతులు తీసుకున్నట్లు సమాచారం. ఇదిలా ఉంటే ఓ పక్క హేమంత్‌ రాజీనామా..అరెస్ట్‌ తో జేఎమ్‌ఎమ్‌ అధినేత శిబు సోరెన్‌ ఇంట్లో నే ముఖ్యమంత్రి పదవి కోసం పోరు మొదలైనట్లు తెలుస్తుంది.

ఈ క్రమంలోనే హేమంత్‌ ముందుగానే తన అరెస్ట్ గురించి ప్రస్తావిస్తూ తాను అరెస్ట్‌ అయితే తన భార్య కల్పనా సోరెన్‌ (Kalpana Soren)ను ముఖ్యమంత్రి చేయాలని తెలిపారు. అయితే ఆ నిర్ణయాన్ని హేమంత్‌ అన్న భార్య అయినటువంటి సీతా సోరెన్‌ ఒప్పుకోలేదు. ఆమె కల్పనా సీఎం కావడానికి తాను వ్యతిరేకం అంటూ బహిరంగంగానే ప్రకటించారు.

దీంతో ముఖ్యమంత్రి పీఠం కోసం శిబు సోరెన్‌ (Sibu Soren)ఇంట్లో పోరు మొదలైనట్లు సీతా సోరెన్‌(Seetha Soren) చేసిన వ్యాఖ్యల ద్వారా తెలుస్తుంది. సీతా సోరెన్‌ చేసిన వ్యాఖ్యల వల్ల జార్ఖండ్‌ రాజకీయాలు మరింత రసవత్తరంగా మారాయి. అసలు రాజకీయాలు తెలియని..ఒక్కసారి కూడా ఎమ్మెల్యేగా కూడా ఎన్నిక కాని కల్పన సోరెన్‌ ను ముఖ్యమంత్రిగా ఎలా చేస్తారంటూ సీతా సోరెన్‌ ప్రశ్నించారు.

ఒక వేళ శిబు కుటుంబం నుంచే రాష్ట్రానికి ముఖ్యమంత్రి కావాలని ప్రజలు కోరుకుంటూ ఉంటే కనుక నేను 14 సంవత్సరాలుగా ఎమ్మెల్యేగా ఉన్నాను. రాజకీయాల్లో సుదీర్ఘ అనుభవం ఉంది అంటూ ఆమె తెర మీదకు వచ్చారు. ఈ క్రమంలోనే ఆమె కల్పనా సోరెన్‌ ను ముఖ్యమంత్రిని చేయడానికి పూర్తి వ్యతిరేకంగా ఉన్నారని తెలుస్తుంది.

అయితే అరెస్ట్‌ అయిన కొద్ది సేపటికే జార్ఖండ్‌ ముఖ్యమంత్రి సోరెన్‌ తన ఎక్స్ ఖాతాలో ఇలా రాసుకొచ్చారు.

“ఇది విరామం”
జీవితం ఒక గొప్ప యుద్ధం
నేను ప్రతి క్షణం పోరాడాను, ప్రతి క్షణం పోరాడతాను
కానీ నేను రాజీ కోసం వేడుకోను

ఓటమిలో ఏది, విజయంలో ఏది
నేను అస్సలు భయపడను
చిన్నతనం ఇప్పుడు నన్ను తాకవద్దు
మీరు గొప్పవారు, కొనసాగించండి

మన ప్రజల హృదయాల బాధ
నేను వృధాగా వదులుకోను
ఓటమిని అంగీకరించను…

జై జార్ఖండ్!

అంటూ పేర్కొన్నారు.

Also read: ధనియాలతో శరీరంలోని చెడు కొలెస్ట్రాల్‌ కు చెక్‌ పెట్టేద్దామా!