RN Ravi : ఆ రాష్ట్ర గవర్నర్ పై సుప్రీంకోర్టు సీరియస్..కోర్టునే ధిక్కరిస్తున్నారంటూ.!

RN Ravi :  తమిళనాడు గవర్నర్ ఆర్ఎన్ రవిపై సుప్రీంకోర్టు ఆగ్రహం వ్యక్తం చేసింది. మంత్రిగా పొన్ముడితో ప్రమాణ స్వీకారం చేసేందుకు గవర్నర్ నిరాకరించడంపై తమిళనాడు ప్రభుత్వం దాఖలు చేసిన వ్యాజ్యాన్ని విచారించిన సుప్రీంకోర్టు.. గవర్నర్ తీరును తీవ్రంగా ఖండించింది. అక్రమాస్తుల కేసులో పొన్ముడికి హైకోర్టు విధించిన శిక్షను సుప్రీంకోర్టు తాత్కాలికంగా నిలిపివేసింది. దీంతో ఆయన్ను మళ్లీ మంత్రివర్గంలో చేర్చుకోవాలని ముఖ్యమంత్రి ఎం.కె.స్టాలిన్‌ గవర్నర్‌కు లేఖ రాశారు. అయితే, పొన్ముడి కేసులో సుప్రీంకోర్టు మధ్యంతర ఉపశమనం మాత్రమే ఇచ్చిందని, తనను నిర్దోషిగా ప్రకటించలేదని గవర్నర్ ప్రమాణ స్వీకారానికి నిరాకరించారు.

ఈ కేసులో పొన్ముడితో మంత్రిగా ప్రమాణ స్వీకారం చేసేలా గవర్నర్‌ను ఆదేశించాలంటూ తమిళనాడు ప్రభుత్వం తరఫున సుప్రీంకోర్టులో పిటిషన్ దాఖలైంది. ప్రధాన న్యాయమూర్తి చంద్ర చూడ్ నేతృత్వంలోని ధర్మాసనం ముందు ఈరోజు విచారణకు వచ్చింది. ఈ పిటిషన్‌తో పాటు, బిల్లులకు గవర్నర్ ఆమోదం ఆలస్యం చేయడం, బిల్లుల ఆమోదానికి సమయం నిర్ణయించడం వంటి కేసులు కూడా ఈరోజు విచారణకు లిస్ట్ చేసింది. కేసును విచారించిన న్యాయమూర్తి చంద్ర చూడ్ . గవర్నర్ చర్యను తీవ్రంగా ఖండించారు. అనంతరం న్యాయమూర్తి మాట్లాడుతూ.. హైకోర్టు నిర్ణయాన్ని సుప్రీంకోర్టు నిషేధించిన తర్వాత కూడా పొన్ముడిని మంత్రి వర్గంలో తీసుకునేందుకు గవర్నర్ ఎందుకు నిరాకరించారని ప్రశ్నించారు. కోర్టు ఆదేశాలను ఉల్లంఘించి ప్రమాణ స్వీకారం చేయలేమని ఎలా చెబుతారు? గవర్నర్ ఏం చేస్తున్నారు? అతను ఏమి చేస్తున్నాడో అతనికి తెలియదా? మేము దీన్ని చాలా సీరియస్‌గా తీసుకుంటున్నామని చెప్పండి. రాజ్యాంగాన్ని పాటించకుంటే రాష్ట్ర ప్రభుత్వం ఏం చేస్తుందని ప్రశ్నించారు.

రేపటిలోగా గవర్నర్ వైపు నుంచి సరైన స్పందన రాకపోతే కఠిన ఉత్తర్వులు జారీ చేయాల్సి ఉంటుంది. రాజ్యాంగ విధానాన్ని అనుసరించేందుకు అవకాశం కల్పిస్తున్నాం.గవర్నర్ రవి స్పందించేందుకు రేపటి వరకు గడువు ఇస్తున్నామంటూ సీజే హెచ్చరించారు.

ఇది కూడా చదవండి : ధోనీ ఫ్యాన్స్ కు షాక్.. CSKకు కొత్త కెప్టెన్!