ఆర్సీబీపై ఓటమి.. జీర్ణించుకోలేక టీవీ పగలగొట్టిన ధోనీ!

MS Dhoni: 2024 ఐపీఎల్‌లో ఆర్సీబీపై చేతిలో ఓటమిని జీర్ణించుకోలేక ధోనీ కోపంతో టీవీ పగలగొట్టినట్లు సోషల్ మీడియాలో చర్చ నడుస్తోంది. ఆ మ్యాచ్ లో ధోనీ ఆర్సీబీ ఆటగాళ్లతో కరచాలనం చేయలేదనే విషయం అందరికీ తెలిసిందే. కాగా గ్రౌండ్ నుంచి గదిలోకి వెళ్లిన ధోనీ ఆవేశంతో రగిలిపోయినట్లు పుకార్లు పుట్టుకు రాగా.. ఇందుకు సంబంధించిన ఓ వీడియో వైరల్ అవుతోంది. 

ఆర్సీబీ ప్లేఆఫ్స్‌కు అర్హత..

ఈ మేరకు మే 18న చిన్నస్వామి స్టేడియంలో రాయల్ ఛాలెంజర్స్ బెంగళూరు (RCB)తో చెన్నై సూపర్ కింగ్స్ (CSK) తమ చివరి లీగ్ మ్యాచ్‌ ఓడిపోయింది. ఆర్సీబీ 27 పరుగుల తేడాతో విజయం సాధించింది ఈ ఓటమితో ప్లే ఆఫ్స్ నుంచి చెన్నై తప్పుకోగా ఆర్సీబీ ప్లేఆఫ్స్‌కు అర్హత సాధించింది. ధోనీ 13 బంతుల్లో 25 పరుగులు చేసినా విజయ తీరాలకు చేర్చలేకపోయాడు. 

ఆటగాళ్లతో కరచాలనం చేయలేదు..

అయితే మ్యాచ్ తర్వాత హర్భజన్ సింగ్ తో మాట్లాడుతున్నప్పుడు తనకు ఈ విషయం తెలిసిందని ఓ జర్నలిస్టు సోషల్ మీడియాలో వెల్లడించారు. 'నేను ఒక ప్రత్యేకమైన స్కూప్ గురించి తెలుసుకున్నా. నేను భజ్జీ పాజీని ఎందుకు ధోని ఆర్సీబీ ఆటగాళ్లతో కరచాలనం చేయలేదని అడిగాను. దీంతో ధోనీ కరచాలనం చేయడమే కాదు ఓ టీవీని కూడా పగలగొట్టాడు.  తిరుగు ప్రయాణంలో కూడా ప్రతిసారి వస్తువులను పిడిగుద్దులు గుద్దాడు. టోర్నీనుంచి నిష్రమించినందుకు ఆయన చాలా కోపంగా ఉన్నాడు' అని చెప్పినట్లు ఓ వీడియోలో వివరించాడు.