స్మిత్ భరతం పడతా.. ఆసీస్ కు అశ్విన్ వార్నింగ్!

Ind Vs Aus: బోర్డర్‌- గావస్కర్‌ ట్రోఫీఫై భారత స్పిన్నర్ అశ్విన్ మైండ్ గేమ్ మొదలుపెట్టాడు. ఆసీస్ బ్యాట్స్ మెన్ స్టీవ్‌ స్మిత్‌కు కళ్లెం వేసేందుకు ప్లాన్ సిద్ధం చేసుకున్నానంటూ సంచలన వ్యాఖ్యలు చేశాడు. నవంబర్ 22నుంచి 5 టెస్టుల సిరీస్ మొదలుకానుండగా రీసెంట్ గా మీడియాతో మాట్లాడిన అశ్విన్.. స్పిన్‌ బౌలింగ్‌ను బాగా ఆడే స్మిత్ ను కట్టడి చేసేందుకు తాను రెడీ ఉన్నట్లు తెలిపాడు. 

నెట్స్‌లో అతని బ్యాటింగ్‌ చూశా..

‘స్మిత్ ఫాస్ట్‌ బౌలింగ్‌ కూడా బాగా ఆడుతాడు. స్పిన్‌ లో మాత్రం అతని స్టైల్ భిన్నంగా ఉంటుంది. దీంతో అతణ్ని కట్టడి చేసేందుకు మార్గాలు కనుగొంటూనే ఉన్నా. ఐపీఎల్‌లో ఢిల్లీ క్యాపిటల్స్, రైజింగ్‌ పుణె సూపర్‌ జెయింట్స్‌కు కలిసి ఆడినప్పుడు నెట్స్‌లో అతని బ్యాటింగ్‌ చూశా. అతను ఎలా ప్రిపేర్ అవుతాడో చూశాను. అతనికి ఎలా బౌలింగ్‌ చేస్తే ఇష్టం ఉండదో తెలుసుకున్నా. స్మిత్ ఎప్పుడూ ఆధిపత్యం ప్రదర్శించాలనుకుంటాడు. నా బౌలింగ్‌లోనూ భారీ షాట్స్ ఆడాడు. అతని బ్యాటింగ్‌ శైలిని అర్థం చేసుకుని ఆధిపత్యం చెలాయిస్తా’ అంటూ చెప్పుకొచ్చాడు. 

ఇది కూడా చదవండి: Revanth Reddy: బాలల దినోత్సవం వేళ.. సీఎం రేవంత్ గుడ్‌న్యూస్‌

ఇదిలా ఉంటే.. కెప్టెన్ రోహిత్ శర్మ వ్యక్తిగత కారణాలతో ఆసీస్‌ వెళ్లలేదు. తన భార్య రెండో కాన్పు నేపథ్యంలో భారత్‌లోనే ఉండాలని రోహిత్ నిర్ణయించుకున్నట్లు సమాచారం. కాగా రోహిత్ ముంబైలో బ్యాటింగ్ ప్రాక్టీస్‌ చేస్తున్న ఫొటోలు సోషల్ మీడియాలో వైరల్‌ అవుతున్నాయి. 

ఇది కూడా చదవండి: Srireddy: శ్రీరెడ్డి అరెస్ట్.. ఆమె ఫిర్యాదుతో రంగంలోకి దిగిన పోలీసులు!