Bengaluru Stampede: బెంగళూరు తొక్కిసలాటలో ఏపీకి చెందిన 13 ఏళ్ల బాలిక మృతి.. బయటకొచ్చిన షాకింగ్ నిజం..!

బెంగళూరులోని చిన్నస్వామి స్టేడియం వద్ద జరిగిన విషాదం దేశ వ్యాప్తంగా సంచలనంగా మారింది. పరిమితికి మించిన జనాభా రావడంతో తొక్కిసలాట జరిగి 11 మంది ప్రాణాలుకోల్పోయారు. ఈ మృతుల్లో ఆంధ్రప్రదేశ్‌కు చెందిన 13 ఏళ్ల బాలిక కూడా ఉన్నట్లు తెలుస్తోంది. ఆ బాలికతో పాటు మరో 17 ఏళ్లు, 19 ఏళ్ల వయసున్న వారు కూడా ఉన్నట్లు సమాచారం. కాగా ఈ ఘటనలో ప్రాణాలు కోల్పోయిన వారంతా 40 ఏళ్ల లోపు వయస్సున్న యువకులే కావడం మరింత విషాదకరం. 

Also Read :  వాయు కాలుష్యంతో అనేక ప్రమాదాలు.. తెలుసుకుంటే షాక్ అవుతారు

మృతుల్లో ఏపీ బాలిక

ఇక ఈ మృతుల జాబితాలో దివ్యాన్షి (13), శివలింగ (17), చిన్మయి (19), ప్రజ్వల్ (20), శ్రవణ్ (20), భూమిక్ (20), సహనా (25), అక్షత (27), దేవి (29), దొరేషా (32), మనోజ్ (33) ఉన్నారు. ఈ మృతుల్లో ఏపీకి చెందిన 13 ఏళ్ల దివ్యాన్షి అనే బాలిక కూడా ఉంది. 

#ArrestKohli

మరోవైపు సోషల్ మీడియాలో విరాట్ కోహ్లీ పై నెటిజన్లు ఆగ్రహం వ్యక్తం చేస్తున్నారు. రోజు రోజుకూ విరాట్ పై సోషల్ మీడియాలో వ్యతిరేకత పెరుగుతోంది. ట్విట్టర్ (ఎక్స్) లో #ArrestKohli అనే హ్యాష్‌ట్యాగ్ ట్రెండ్ అవుతుండటం గమనార్హం. చాలా మంది నెటిజన్లు కోహ్లీని అరెస్టు చేయాలని సోషల్ మీడియాలో డిమాండ్ చేస్తున్నారు. ఈ తొక్కిసలాట ఘటన జరిగిన తర్వాత కోహ్లీ కనీసం మృతుల కుటుంబాలను పరామర్శించలేదని విమర్శిస్తున్నారు. అంతేకాకుండా ఈ ఘటన జరిగాక అతడు తన భార్యతో లండన్ వెళ్లి సంతోషంగా ఎంజాయ్ చేస్తున్నాడని తీవ్ర స్థాయిలో మండిపడుతున్నారు. 

RTV News App: సరికొత్తగా RTV న్యూస్ యాప్.. వెంటనే అప్డేట్ చేసుకోండిలా!

మ్యాచ్ గెలిచినపుడు భావోద్వేగంతో కన్నీరు పెట్టుకున్న విరాట్ కోహ్లీ.. ఇప్పుడు తన అభిమానులు చనిపోతే కనీసం స్పందించలేదని విమర్శలు గుప్పిస్తు్న్నారు. మరికొందరేమో కోహ్లీకి బాధ్యత ఉందని.. ఈ విజయోత్సవ వేడుకకు ముఖ్య కారణం అతడేనని కామెంట్లు చేస్తున్నారు. ప్రస్తుతం నెట్టింట ‘అరెస్ట్ విరాట్ కోహ్లీ’ అనే హ్యాష్ ట్యాగ్ ట్రెండ్ అవడంతో కోహ్లీ ఫ్యాన్స్ కంగారు పడుతున్నారు. కాగా ఇంకా ఈ వివాదం ముదిరే అవకాశం ఉందని కొందరు భావిస్తున్నారు.