Babar Azam : బాబర్ ఆజామ్ సంచలనం: రోహిత్ శర్మ ప్రపంచ రికార్డు బద్దలు

పాకిస్తాన్ స్టార్ బ్యాటర్ బాబర్ ఆజామ్ చరిత్ర సృష్టించాడు. పురుషుల టీ20 అంతర్జాతీయ క్రికెట్‌లో అత్యధిక పరుగులు చేసిన బ్యాటర్‌గా టీమిండియా కెప్టెన్ రోహిత్ శర్మ పేరిట ఉన్న ప్రపంచ రికార్డును బాబర్ బద్దలు కొట్టాడు. ఈ ఘనత సాధించిన మ్యాచ్‌లో పాకిస్తాన్ జట్టు దక్షిణాఫ్రికాపై తొమ్మిది వికెట్ల తేడాతో భారీ విజయం సాధించి, మూడు మ్యాచ్‌ల సిరీస్‌ను 1-1తో సమం చేసింది.

టీ20 అంతర్జాతీయ క్రికెట్‌లో అత్యధిక పరుగులు (4,231) రోహిత్ శర్మ పేరిట ఉండేది. ఈ మ్యాచ్‌లో 9 పరుగులు చేయగానే బాబర్ ఆజామ్ (Babar Azam) ఈ మైలురాయిని చేరుకున్నాడు. బాబర్ ఆజామ్ ఇప్పుడు 130 మ్యాచ్‌లలో 4,234 పరుగులతో అగ్రస్థానంలో నిలిచాడు. రోహిత్ శర్మ 4,231 పరుగులతో రెండో స్థానంలో ఉన్నాడు. విరాట్ కోహ్లీ 4,188 పరుగులతో మూడో స్థానంలో ఉన్నాడు.

Before he arrives for #BBL15 Pakistan's Babar Azam has eclipsed Rohit Sharma's record as the most prolific batter in T20Is

Full story: https://t.co/MG8jq9PbUppic.twitter.com/NgFK46QkVJ

— cricket.com.au (@cricketcomau) November 1, 2025

పాకిస్తాన్ బౌలర్లు అద్భుతంగా

లాహోర్‌లో జరిగిన ఈ రెండో టీ20 మ్యాచ్‌లో పాకిస్తాన్ బౌలర్లు అద్భుతంగా రాణించారు. దక్షిణాఫ్రికా జట్టును పాక్ బౌలర్లు 110 పరుగులకే ఆలౌట్ చేశారు. సల్మాన్ మీర్జా (3/14), ఫహీమ్ అష్రఫ్ (4/23) అద్భుత ప్రదర్శన చేశారు. 111 పరుగుల స్వల్ప లక్ష్యాన్ని పాకిస్తాన్ కేవలం 13.1 ఓవర్లలోనే ఒక వికెట్ మాత్రమే కోల్పోయి ఛేదించింది. యువ ఓపెనర్ సాయిమ్ అయూబ్ కేవలం 38 బంతుల్లో 6 ఫోర్లు, 5 సిక్సులతో అజేయంగా 71 పరుగులు చేసి జట్టు విజయంలో కీలక పాత్ర పోషించాడు. బాబర్ ఆజామ్ 11 (నాటౌట్) పరుగులు చేసి, రికార్డును తన ఖాతాలో వేసుకున్నాడు.

ఈ విజయంతో సిరీస్ రసవత్తరంగా మారింది. సిరీస్ విజేతను నిర్ణయించే మూడో మరియు చివరి టీ20 మ్యాచ్ శనివారం జరగనుంది.