Child : పిల్లల్ని కంటే రూ.61 లక్షల ప్రోత్సాహకం

Child Born : సౌత్ కొరియా ప్రస్తుతం జనాభా సంక్షోభాన్ని ఎదుర్కొంటోంది. దీంతో ఆ దేశంలో జనన రేటును పెంచేందుకు అక్కడి ప్రభుత్వం వినూత్న నిర్ణయం తీసుకునేందుకు సిద్ధమైంది. పిల్లలకు జన్మనిచ్చే తల్లితండ్రులకు(Parents) ప్రోత్సాహకంగా.. ఒక్కో బిడ్డకు 59 వేల పౌండ్లు మన కరెన్సీలో దాదాపు రూ.61 లక్షలు ఇచ్చే అంశాన్ని పరిశీలిస్తున్నట్లు తెలుస్తోంది. అయితే ఈ కార్యక్రమాన్ని త్వరలో అమలు చేసేందుకు ప్రజల నుంచి అభిప్రాయాలు తెలుసుకునేందుకు ప్రభుత్వానికి చెందిన అవినీతి నిరోధక, పౌర హక్కుల కమిషన్‌ ఓ సర్వేను కూడా చేపట్టినట్లు సంబంధిత వర్గాలు తెలిపాయి.

Also Read: సరిహద్దులు దాటిన మానవత్వం… పాక్‌ యువతికి భారతీయుని గుండె!

ఈ పబ్లిక్ సర్వే(Public Survey) ఏప్రిల్ 17న ప్రారంభం అయ్యింది. పిల్లల్ని కనేవారి కోసం ప్రోత్సాహాకాలు ఇచ్చేందుకు ప్రతిఏడాది 12.9 బిలియన్ పౌండ్లు ( దాదాపు రూ.1.3 లక్షల కోట్లు) ఖర్చు చేసేందుకు సౌత్ కోరియా(South Korea) రెడీ అయిపోయింది. ఇది ఆ దేశ బడ్జెట్‌లో దాదాపు సగభాగం కావడం గమనార్హం. ఇదిలాఉండగా.. దక్షిణ కొరియాలో 2023లో జననాల రేటు 0.72కు పడిపోయింది. 2023లో రికార్డైన దాతీయ జనన రేటు ఆ దేశ చరిత్రలో అత్యంత కనిష్ఠంగా నమోదవ్వడం ఇదే మొదటిసారి. అక్కడ జనాభా సంక్షోభానికి అనేక కారణాలున్నాయి. జీవన వ్యయం పెరిగిపోడం, జీవన నాణ్యత తగ్గడంతో.. అక్కడి ప్రజలు పిల్లల్ని కనేందుకు ఆసక్తి చూపడం లేదు.

Also Read: మానవ ఎముకల నుంచి జాంబీ డ్రగ్ .. శ్మశానాల్లో యముకలు మాయం చేస్తున్న దుండగులు!