South Africa: టెస్టుల్లో దక్షిణాఫ్రికా ప్రపంచ రికార్డు.. అత్యధిక సిరీస్‌లు నెగ్గిన టీమ్‌గా!

South Africa: టెస్టు క్రికెట్‌లో దక్షిణాఫ్రికా సరికొత్త రికార్డ్ క్రియేట్ చేసింది. విండీస్‌తో జరిగిన రెండో టెస్టు మ్యాచ్‌లో 40 పరుగుల తేడాతో విజయం సాధించిన సౌతాఫ్రికా.. ఒక జట్టుపై వరుసగా అత్యధికంగా 10 సిరీస్‌లు నెగ్గిన టీమ్‌గా ప్రపంచ రికార్డు సృష్టించింది. అంతకుముందు ఈ రికార్డు టీమ్‌ఇండియా (9), ఆస్ట్రేలియా (9) పేరిట ఉండగా.. ఇప్పుడు పది సిరీస్ లతో దక్షిణాఫ్రికా మొదటి స్థానంలో నిలిచింది.

ఈ మేరకు వెస్టిండీస్‌, దక్షిణాఫ్రికా ఇప్పటివరకు 33 టెస్టుల్లో తలపడగా.. దక్షిణాఫ్రికా మూడు మ్యాచ్‌ల్లో మాత్రమే ఓడిపోయింది. ఇరుజట్ల మధ్య 1992లో జరిగిన ఏకైక టెస్టులో సౌతాఫ్రికా ఓడిపోయింది. ఆ తర్వాత జరిగిన 10 సిరీస్‌లను కైవసం చేసుకుని విండీస్‌పై తిరుగులేని ఆధిపత్యం ప్రదర్శిస్తోంది. ఇక దక్షిణాఫ్రికా స్పిన్నర్‌ కేశవ్‌ మహరాజ్‌అరుదైన రికార్డ్ క్రియేట్ చేశాడు. సౌతాప్రికా తరఫున టెస్టుల్లో అత్యధిక వికెట్లు తీసిన స్పిన్నర్‌గా నిలిచాడు. హ్యూ టేఫీల్డ్ (170) వికెట్ల రికార్డును కేశవ్‌ బ్రేక్‌ చేశాడు. ఈ సిరీస్ లో 13 వికెట్లు తీసిన కేశవ్ మ్యాన్ ఆఫ్ ది సిరీస్ దక్కించుకున్నాడు.