Aryan Khan: ఓటీటీలో షారుక్ ఖాన్ కొడుకు వెబ్ సిరీస్.. రిలీజ్ డేట్ ఎప్పుడంటే?

Aryan Khan Web Series Stardom: సిని ప్రపంచంలో చాలా మంది స్టార్ హీరోలు కొడుకులు కూడా వారిలాగే పెద్ద హీరోలగా రాణించాలని ఆశిస్తారు. కానీ ఇప్పటి తరంలో మాత్రం అందుకు భిన్నంగా ఉంది. ప్రస్తుతం కోలీవుడ్ దళపతి విజయ్ తనయుడు డైరెక్టర్ గా మారడానికి సన్నాహాలు చేసుకుంటున్న విషయం తెలిసిందే. ఇప్పుడు అదే బాటలో  షారుఖ్ (Shah Rukh Khan) వారసుడు ఆర్యన్ ఖాన్ కూడా  నడుస్తున్నాడు. దర్శకుడిగా తన టాలెంట్ ను ప్రూవ్ చేసుకోవడానికి ఆర్యన్ ముందుగా వెబ్ సిరీస్ ను ఎంచుకున్నాడు.

అందులో భాగంగానే ఆర్యన్ ఖాన్ 'స్టార్‌డమ్‌' అనే సిరీస్‌కి దర్శకత్వం వహిస్తున్నాడు. ఈ సిరీస్ గురించి తాజాగా కొత్త అప్‌డేట్ వచ్చింది. ఈ సిరీస్ చివరి దశ షూటింగ్ ఇటీవలే ప్రారంభమైంది. ఈ ఏడాది చివర్లో స్టార్‌డమ్‌ సిరీస్ విడుదలయ్యే అవకాశం ఉందని అంటున్నారు.కొంతకాలం క్రితం ఆర్యన్ ఖాన్ డ్రగ్స్ కేసులో పట్టుబడ్డ సంగతి తెలిసిందే. ఈ కేసుపై సర్వత్రా చర్చ జరిగింది. ఈ ఘటన నుంచి ఆర్యన్ ఇప్పుడు పూర్తిగా కోలుకున్నారు. ఈ నేపథ్యంలోనే ఆయన సినిమా డైరెక్షన్ వైపు మళ్లాడు. 'స్టార్‌డమ్' సినిమా షూటింగ్ 2023 జూన్‌లో ప్రారంభమైంది.

ఇటీవల ఆర్యన్ ఖాన్ గురుగ్రామ్‌లోని రాయల్ పామ్స్ హోటల్ లో స్టార్ డమ్ షూటింగ్ కోసం జరిపారు. ఐదు రోజుల పాటు ఇక్కడే చిత్రీకరించారు. దీంతోపాటు అంధేరీ ఈస్ట్‌, మరికొన్ని దీవుల్లో షూటింగ్‌ జరిగింది. మే నెలాఖరు నాటికి షూటింగ్ పూర్తయ్యే అవకాశం ఉంది.స్టార్ డమ్ సిరీస్ లో ఆరు ఎపిసోడ్‌లు ఉంటాయి. అయితే ఇందులో ఎవరెవరు నటిస్తున్నారు. షారుఖ్ ఖాన్, రణబీర్ కపూర్, రణవీర్ సింగ్, బాబీ డియోల్ అతిధి పాత్రల్లో నటించనున్నారు. 'రెడ్ చిల్లీస్ ఎంటర్‌టైన్‌మెంట్‌' పతాకంపై షారూఖ్‌ భార్య గౌరీ ఖాన్‌ ఈ సిరీస్ ను భారీ బడ్జెట్ తో నిర్మిస్తున్నారు.