Karnataka : దేవగౌడ మనువడి కేసులో దారుణ విషయాలు

Deve Gowda : దేవగౌడ మనువడు ప్రజ్వల్ సెక్స్ స్కాండల్ కేసు కర్నాటక లో పెద్ద దుమారమే రేపుతోంది. దీనికి సంబంధించి ఇప్పటికే అతని మీద ఫిర్యాదులు నమోదయ్యాయి. వచ్చే ఎన్నికల్లో ప్రజ్వల్ ఎంపీ ఎన్నికల్లో పాల్గొనకూడదని సుప్రీంకోర్టు(Supreme Court) కూడా ఆదేశాలు జారీ చేసింది. దానికి తోడు ఇప్పుడు అతడిని ఏకంగా ఆపార్టీ నుంచే సస్పెండ్ చేయాలని కోరుతున్నారు జేడీ ఎస్ నేతలు. దీనికి సంబంధించి శరణ గౌడ అనే నేత పార్టీ అధినేత దేవగౌడకు లేఖ రాశారు.ప్రజ్వల్ వ్యవహారం పార్టీ ప్రతిష్టను దెబ్బ తీసే విధంగా ఉందని ఆయన ఆరోపించారు. ఈయనతో పాటూ తాను 2023లోనే ప్రజ్వల్ ఇంకా మరికొంత మంది లైగింక ఫిర్యాదులకు సంబంధించి తాను బీజేపీ అధిష్టానానికి లేఖ రాశానని మరో బీజేపీ నేత దేవరాజగౌడ కూడా చెబుతున్నారు. రేపిస్ట్ కుటుంబంతో జతకట్టిన పార్టీ. ఇది జాతీయ స్థాయిలో మా పార్టీ ప్రతిష్టకు పెద్ద దెబ్బే’’ అని దేవరాజేగౌడ తన లేఖలో పేర్కొన్నారు. రెండోసారి పదవిని కోరుతూ, 33 ఏళ్ల ప్రజ్వల్ రేవణ్ణ జేడీ(ఎస్) ఎంపీ హాసన్ లోక్‌సభ నియోజకవర్గంలో బీజేపీ అభ్యర్థిగా ఉన్నారు. ఇక్కడ ఏప్రిల్ 26న పోలింగ్ జరిగింది.

కర్నాటక(Karnataka) లోని హసన ఎంపీ, ఏఈడీఎస్ నేత ప్రజ్వల్ రేవణ్ణ(Prajwal Revanna). ఇతను మాజీ ప్రధాని దేవగౌడకు మనుమడు. మాజీ ముఖ్యమంత్రి కుమారస్వామికి అన్న కొడుకు. ప్రజ్వల్‌ నాన్న మాజీ మంత్రి హెచ్‌డీ రేవణ్ణ. ప్రస్తుతం కర్నాటకలో ప్రజ్వల్ సెక్స్ స్కాండల్ రాజకీయ ప్రకంపనలు రేపుతోంది. ఇతను యువతులను ప్రలోభాలకు గురిచేసి లైంగిక వాంఛలు తీర్చుకోవడమే కాక వాటిని వీడియోలుగా కూడా తీసినట్టు ఆరోపణలు ఎదుర్కొంటున్నారు. దీనికి సంబంధించిన వీడియోలు, ఫోటోలు సోషల్ మీడియాలో బాగా వైరల్ అయ్యాయి. అసలు వ్యవహారం అంతా దాంతోనే బయటపడింది కూడా. అమ్మాయిలకు తెలియకుండా వీడియోలు తీసి, వాటి ఆధారంగా వారిని బెదిరించి ప్రజ్వల్ రేవణ్ణ లొంగదీసుకున్నాడని, వాటిని వీడియోలు చేసుకుంటున్నారని నెటిజన్లు ఆరోపిస్తున్నారు. ఏకంగా మూడు వేల వీడియోలు ఉంటాయని అంటున్నారు. 

Also Read : తెలంగాణ సీఎం రేవంత్ రెడ్డికి ఢిల్లీ పోలీసులు సమన్లు