INDIA కూటమి వరుస సమావేశాలు.. ఇవాళ రాత్రికి ఏం తేల్చబోతున్నారు?

India Alliance: పార్లమెంట్ ప్రత్యేక సమావేశాల్లో పార్టీ పరంగా అనుసరించాల్సిన వ్యూహంపై విపక్షకాంగ్రెస్ ద్రుష్టిసారించింది. కాంగ్రెస్ అగ్రనేత సోనియా గాంధీ నేత్రుత్వంలో కాంగ్రెస్ పార్లమెంటరీ వ్యూహ కమిటీ ఈరోజు సాయంత్రం 5 గంటలకు సమావేశం కానుంది. ఈనెల 18 నుంచి 5రోజుల పాటు పార్లమెంట్ ప్రత్యేక సమావేశాలు జరగనున్నాయి. ఈసమావేశాల్లో లేవనెత్తాల్సిన అంశాలపై ఈ భేటీలో చర్చించనున్నారు. స్వల్ప జ్వరంతో బాధపడుతూ చికిత్స కోసం ఢిల్లీలోని సర్ గంగారం ఆసుపత్రిలో చేరిన సోనియా గాంధీ సోమవారం ఆసుపత్రి నుంచి డిశ్చార్జి అయ్యారు. ఇంటికి చేరుకున్న సోనియాగాంధీ ఆరోగ్య పరిస్థితి మెరుగుపడినట్లు సమాచారం.

ఇది కూడా చదవండి: కాలు జారి కిందపడిన సీఎం..పైకి లేపిన భద్రతా సిబ్బంది..!!

కాగా విపక్ష కూటమి ఎంపీలతో ఏఐసీసీ అధ్యక్షుడు మల్లికార్జున ఖర్గే కూడా త్వరలోనే సమావేశం కానున్నారు. పార్లమెంట్ సమావేశాల్లో కూటమి తరపున అనుసరించాల్సిన కార్యచరణపై చర్చించనున్నారు. పత్రికా ప్రకటన ప్రకారం, కొత్తగా ఏర్పాటైన కాంగ్రెస్ వర్కింగ్ కమిటీ మొదటి సమావేశం సెప్టెంబర్ సెప్టెంబర్ 17న హైదరాబాద్ లో జరగనుంది. ఈ సమావేశానికి సీడబ్ల్యూసీ సభ్యులు, పీసీసీ అధ్యక్షులు, సీఎల్పీ నేతలు హాజరుకానున్నారు. సాయంత్రం భారీ బహిరంగ సభ నిర్వహించనున్నారు. ఈ సందర్భంగా తెలంగాణాలో రాబోయే అసెంబ్లీ ఎన్నికల కోసం పార్టీ "5 హామీలను" ఆవిష్కరిస్తుంది. ఈ కార్యక్రమానికి కాంగ్రెస్ అధ్యక్షుడు, సీపీపీ అధ్యక్షురాలు, కాంగ్రెస్ మాజీ అధ్యక్షుడు, ఇతర పార్టీ సీనియర్ నేతలు హాజరుకానున్నారు.

ఇది కూడా చదవండి: ‘ఇండియా’ పేరును రాజ్యాంగం నుంచి తొలగింపు..? బీజేపీ ఏం చేయబోతోంది?

సెప్టెంబర్ 18 నుండి 22 వరకు పార్లమెంట్ ఉభయ సభల సమావేశాలను కేంద్ర ప్రభుత్వం ప్రకటించింది. ఈ సెషన్‌లో లోక్‌సభ, రాజ్యసభ సెక్రటేరియట్‌లు తెలియజేసే విధంగా ప్రశ్నోత్తరాల సమయం లేదా ప్రైవేట్ సభ్యుల వ్యవహారాలు ఉండవు. సెషన్ ఐదు సిట్టింగ్‌లను కలిగి ఉంటుంది. సభ్యులు తాత్కాలిక క్యాలెండర్ గురించిన సమాచారాన్ని విడిగా స్వీకరిస్తారు. ప్రతిపక్ష కూటమి 2024 లోక్‌సభ ఎన్నికలకు సన్నాహాలతో సహా వివిధ అంశాలలో బీజేపీకి వ్యతిరేకంగా ఏకీకృత ఫ్రంట్‌ను ప్రదర్శించడానికి తన ప్రయత్నాలను చురుకుగా సమన్వయం చేస్తోంది . తమతో ముందస్తు సంప్రదింపులు జరపకుండానే, బిజినెస్ అడ్వయిజరీ కమిటీకి సమాచారం ఇవ్వకుండానే నరేంద్ర మోదీ నేతృత్వంలోని ప్రభుత్వం ప్రత్యేక సమావేశాన్ని ప్రకటించిందని ప్రతిపక్ష నేతలు విమర్శించారు.

ఇది కూడా చదవండి: మహీంద్రాకు చమటలు, అమ్మకాల్లో మారుతీదే హవా..!!

మాజీ రాష్ట్రపతి రామ్‌నాథ్ కోవింద్ నాయకుడిగా ఎనిమిది మంది సభ్యులతో కూడిన కమిటీని కేంద్ర ప్రభుత్వం ఏర్పాటు చేసింది. భారతదేశంలో ఏకకాల ఎన్నికల నిర్వహణ కోసం అంచనా వేయడం, సిఫార్సులు అందించడం కమిటీ ఆదేశం. పార్లమెంట్‌ ప్రత్యేక సమావేశాల ప్రకటన వెలువడిన కొద్దిసేపటికే ఈ ప్రకటన వెలువడింది. అయితే, ఈ ప్రత్యేక సెషన్‌లో ప్రస్తావించబడే నిర్దిష్ట సమస్యలను ప్రభుత్వం వెల్లడించలేదు.