CBFC: విశాల్ ఆరోపణతో సెన్సార్ బోర్డ్ సంచలన నిర్ణయం..ఏంటంటే.!!

ప్రముఖ హీరో విశాల్ నటించిన మార్క్ ఆంటోని సినిమా హిందీ వెర్షన్ విషయంలో లంచం ఇచ్చానంటూ సెంట్రల్ బోర్ట్ ఆఫ్ ఫిల్మ్ సర్టిఫికేషన్ (Central Board of Film Certification) పై విశాల్ ఆరోపించిన సంగతి తెలిసిందే. ఆ సినిమా సెన్సార్ కోసం దాదాపు రూ. 6.5 లక్షల లంచంగా చెల్లించాల్సి వస్తందని ఆరోపించారు. ఈ విధంగా ముంబై సెన్సార్ బోర్డు కార్యాలయంలో అవినీతి రాజ్యమేలుతుందంటూ విశాల్ సంచలన ఆరోపణలు చేశారు. దీంతో కేంద్ర సమాచార ప్రసారశాఖ అత్యవసరంగా భేటీ అయ్యింది. ఈ సమావేశం అనంతరం సెన్సార్ బోర్డు కీలక నిర్ణయం తీసుకోవడంతోపాటు విశాల్ చేసిన ఆరోపణలపై కూడా స్పందించింది.

ఇది కూడా చదవండి: హీరో ప్రభాస్ కు షాక్.. సెల్ఫీ కోసం వచ్చి చెంపదెబ్బ కొట్టిన యువతి

విశాల్ ను లంచం డిమాండ్ చేసింది సెన్సార్ బోర్డు సభ్యులు కాదని ప్రకటించింది. ఆయన నుంచి డబ్బులు వసూలు చేసింది థర్డ్ పార్టీ అంటూ సెన్సార్ బోర్డు వెల్లడించింది. ఈ కేసులో పూర్తి స్థాయి విచారణ చేపట్టి బాధ్యులపై కఠిన చర్యలు తీసుకుంటామని తెలిపింది. సెన్సార్ బోర్డులో ఇలాంటి పరిణామాలను మళ్లీ జరగకుండా ఉండేందుకు ఇక నుంచి ఆన్ లైన్ లో సినిమాల సెన్సార్ ప్రక్రియ పూర్తి చేస్తామంటూ సెన్సార్ బోర్డు తెలిపింది.

ఇది కూడా చదవండి: ఆన్‌లైన్ బెట్టింగ్‌ కేసులో బాలీవుడ్ నటుడు రణ్‌బీర్ కపూర్‌కు ఈడీ నోటీసులు..

కాగా ఈ మేరకు దర్శక, నిర్మాతలు రిజిస్టర్ చేసుకోవాలని సెన్సార్ బోర్డు తెలిపింది. ఈ ప్రక్రియలో కూడా ప్రభుత్వ నిబంధనలు పాటిస్తూ దరఖాస్తు చేసకోవాలంటూ సూచించింది. ప్రతిఏడాది సీబీఎఫ్సీ దగ్గరకు సుమారు 18వేల సినిమాల సెన్సార్ సర్టిఫికేట్ కోసం వస్తుంటాయని...అన్ని సినిమాలు చూడాలంటే సభ్యులకు సమయం పడుతుందన్నారు. కాబట్టి నిర్మాతలు కూడా తమ సినిమాకు ముందుగా సెన్సార్ ఇవ్వాలని కోరకూడదని తెలిపింది. నిబంధనల ప్రకారమే ఇక నుంచి ఆన్ లైన్లో సెన్సార్ కోసం దరఖాస్తు చేసుకోవాలని సెన్సార్ బోర్డు సూచించింది.