ఇది కూడా చదవండి: బార్లీ గింజలు చేసే మేలు తెలిస్తే షాక్‌ అవుతారు..!

మనం వంట గదిలో స్టౌ పెట్టే బల్ల చాలా మురికిగా మారుతూ ఉంటుంది. ఉప్పు, సర్ఫును ఆ బల్లపై చల్లి కాసేపు ఉంచిన తర్వాత నీళ్లతో కడిగేస్తే వాసనతో పాటు మురికి కూడా వదులుతుంది. ఇంట్లో చీమలు బాగా ఇబ్బందులు పెడుతుంటే ఎక్కువగా చీమలు తిరిగే మార్గంలో ఉప్పును వేస్తే మళ్లీ చీమలు రాకుండా ఉంటాయి. ఫ్రై వంటకాలు చేసినప్పుడు ఆ పాత్రలు జిడ్డుగా మరియు నల్లగా మాడిపోతుంటాయి. అలాంటి సమయంలో ఉప్పు వేసి తోమితే మళ్ళీ కొత్త వాటిలా మెరుస్తాయి. వెల్లుల్లిపాయ పొట్టు తీసిన తర్వాత మన చేతులు చాలా మంటగా అనిపిస్తాయి. అంతేకాకుండా వాసన కూడా వస్తూ ఉంటుంది.

కాళ్ల నొప్పులు పోవాలంటే..

ఉప్పు, నిమ్మరసం కలిపి చేతులను శుభ్రపరచుకుంటే మంటతో పాటు చేతి వాసన కూడా తగ్గిపోతుంది. అలాగే దుస్తులపై ఏదైనా తుప్పు మరకలు ఉంటే ఉప్పుతో కడగడం వల్ల పోతాయి. అలాగే ఓవెన్‌లో ఉప్పు వేసి కాసేపటి తరువాత తుడిస్తే శుభ్రం అవుతుంది. అరికాళ్లు నొప్పులుగా ఉంటే ఒక బకెట్లో పాదాలు మునిగేంత వరకు నీళ్లు పోసి అందులో ఉప్పు, బేకింగ్‌ సోడా వేసుకుని కలిపి ఆ తర్వాత కాళ్లను అందులో పెట్టి పావుగంట సేపు ఉంచితే నొప్పులు పోతాయి. టీ, కాఫీలను వాడే ప్లాస్కులు ఎంత శుభ్రం చేసినా వాసన వస్తూ ఉంటాయి. అందులో ఉప్పు వేసి వేడి నీళ్లు పోయాలి. ఆ తర్వాత మూత పెట్టి బాగా ఊపాలి. ఆ తర్వాత మామూలు నీళ్లతో కడిగితే వాసన పోతుంది.