Telangana: సిద్ధిపేట జిల్లాలో ఘోర ప్రమాదం..ముగ్గురు మృతి

సిద్దిపేట జిల్లాలోని రాయపోలు మండలం గుర్రాల సోఫా కూడలి దగ్గర పెద్ద ప్రమాదం చోటు చేసుకుంది. డీసీఎం వాహనం అదుపు తప్పి బైక్‌ను ఢీ కొట్టింది. ఈ ఘటనలో బైక్ మీద ఉన్న ఇద్దరు వ్యక్తులు అక్కడికక్కడే మృతి చెందారు. మరో వైపు డీసీఎం వాహన డ్రైవర్‌‌ కు కూడా తీవ్ర గాయాలయ్యాయి. అయితే డ్రైవర్‌‌ను ఆసుపత్రికి తరలిస్తుండగా మార్గ మధ్యలోనే అతను కూడా ప్రాణాలు విడిచారు.

ఈ ప్రమాదంలో మాచినపల్లికి చెందిన వంశీ (19), నవీన్ (20) అనే ఇద్దరు యువకులు మృతి చెందారు. వీరిద్దరూ పని కోసం గజ్వేల్‌ జిల్లా కేంద్రానికి బైక్‌ మీద వెళ్తున్నారు. ఈ క్రమంలో మెదక్‌ జిల్లా చేగుంట వైపు వెళ్తున్న డీసీఎం వాహనం వారిని ఢీ కొట్టింది. డీసీఎం వాహనం.. ఎదురుగా వస్తున్న మరో లారీని ఢీ కొట్టి బోల్తా పడిపోయింది. ఈ ప్రమాదంలో వంశీ, నవీన్‌ సంఘటనా స్థలంలోనే ప్రాణాలు కోల్పోయారు. తీవ్రంగా గాయపడ్డ డీసీఎం డ్రైవర్‌ రాకేశ్‌ను గజ్వేల్‌ ఆసుపత్రికి తరలిస్తుండగా మార్గం మధ్యలోనే మరణించారు. మృతదేహాలను ప్రభుత్వ ఆసుపత్రికి తరలించారు. ఈ ప్రమాదం పై పోలీసులు కేసు నమోదు చేసి దర్యాప్తు చేస్తున్నారు.

Also Read:Paris Olympics: ఒట్టిచేతులతోనే దేశానికి..వినేశ్ ఫోగాట్ పిటిషన్‌ సస్పెన్స్ కంటిన్యూ