Rashmika Mandanna: నటిగా నా ఆకలి తీర్చిన సినిమా అదే అంటున్న రష్మిక!

Rashmika Mandanna: గత కొద్ది రోజుల నుంచి టీవీల్లో, నెట్టింట్లో ఎక్కడ చూసినా కూడా యానిమల్ సినిమా (Animal Movie) గురించే చర్చ జరుగుతుంది. కొందరేమో సినిమా గురించి ప్రశంసలు కురిపిస్తుంటే...మరికొందరేమో ఇలాంటి సినిమా తీయడం అవసరమా అంటూ ప్రశ్నలు కురిపిస్తున్నారు. ఏది ఏమైనప్పటికీ యానిమల్‌ సినిమా మాత్రం హిట్‌ కొట్టిందనే చెప్పవచ్చు.

ఇప్పటికే 500 కోట్లకు పైనే వసూళ్లు రాబట్టింది..ఈ జోరు ఇలాగే కొనసాగితే 1000 కోట్లకు పైనే రాబట్టేలా ఉంది. ఈ క్రమంలో ఈ సినిమాలో ముఖ్య పాత్ర పోషించింది...హీరోయిన్‌ రష్మిక. గీతాంజలి పాత్రలో రష్మిక ఒదిగిపోయిందనే చెప్పవచ్చు. ఈ క్రమంలోనే రష్మిక తన పాత్రను గురించి చెబుతూ నెట్టింట్లో పెద్ద వ్యాసమే రాసుకొచ్చింది.

హింస, బాధలు, భరించలేని గాయాలతో ఉన్న వారికి గీతాంజలి అనే పాత్ర ప్రేమను, ప్రశాంతతను పంచుతుంది. నమ్మకాని ఇస్తుంది. నిత్యం కూడా భర్త, పిల్లల కోసం ఆ దేవుడ్ని ప్రార్థిస్తునే ఉంటుంది. కుటుంబం కోసం ఏం చేయడానికి అయినా సిద్దంగా ఉంటుంది. నా పరంగా చూస్తే ఈ సినిమాలోని గీతాంజలి పాత్ర ఎంతో గొప్పది.

కుటుంబాన్ని కాపాడుకునేందుకు నిలబడుతుంది. యానిమల్‌ సినిమా వచ్చి వారం రోజులు గడిచాయి. సినిమా పరంగా ఇంతటి ప్రేమను చూపిస్తున్న అభిమానులకు థ్యాంక్స్‌ అంటూ రష్మిక చెప్పుకొచ్చింది. అంతే కాకుండా నటిగా తన ఆకలిని తీర్చిన సినిమా ఇది అంటూ రాసుకొచ్చింది.

ప్రస్తుతం రష్మిక పుష్ప 2 (Pushpa 2) సినిమాలో నటిస్తుంది. దాని షూటింగ్‌ శరవేగంగా జరుగుతుంది. అందులో శ్రీవల్లి పాత్రలో రష్మిక ఇమిడిపోయిందనే చెప్పవచ్చు. ఇది కాకుండా గీతా ఆర్ట్స్‌ నిర్మిస్తున్న ది గర్ల్‌ ఫ్రెండ్ సినిమా కూడా రష్మిక చేతిలో ఉంది. అతి త్వరలోనే ఆమె నుంచి మరో సినిమా కూడా రానున్నట్లు తెలుస్తుంది.

ఇలా శరవేగంగా సినిమాలు చేసుకుంటూ ముందుకు వెళ్తుంది రష్మిక. తాను చేయబోతున్న పాత్రలు, సినిమాల గురించి కొద్ది రోజుల క్రితం రష్మిక మాట్లాడుతూ..'' అవకాశాలు వస్తున్నాయి కదా అని ఏ సినిమా పడితే ఆ సినిమా చేయను. కథ నచ్చాలి. పాత్ర నచ్చాలి. పని చేసే వ్యక్తులు కూడా నచ్చాలి. ఆ తర్వాతే రెమ్యునరేషన్‌. నా అదృష్టం బాగుండి ప్రస్తుతానికి మంచి సినిమాలే వస్తున్నాయి అంటూ చెప్పుకొచ్చింది.

Also read: మంచు వారి అబ్బాయి గేమ్ షో..ఫస్ట్‌ గెస్ట్‌ ఏ హీరో అంటే!