Ram Mandir: టైమ్స్‌ స్క్వేర్‌లో రామాలయ ప్రారంభోత్సవం ప్రత్యక్ష ప్రసారం..

ఈ ఏడాది జనవరి 22న ఉత్తరప్రదేశ్‌లోని అయోధ్యలో రామాలయ ప్రారంభోత్సవం జరగనున్న సంగతి తెలిసిందే. ఇప్పటికే రామాలయంలో రాముడి విగ్రహ ప్రతిష్ఠాపన కోసం వేగంగా పనులు జరుగుతున్నాయి. ఈ వేడుకను తిలకించేందుకు కోట్లాది మంది భారతీయులు సిద్ధమైపోయారు. అందరూ ఈ కార్యక్రమాన్ని అయోధ్యకు వెళ్లి చూడటం సాధ్యం కాదు. అందుకోసమే దేశవ్యాప్తంగా ప్రత్యక్ష ప్రసారాలను ఏర్పాటు చేస్తున్నారు.

టైమ్‌ స్క్వేర్‌లో ప్రత్యక్ష ప్రసారం

అంతేకాదు ప్రపంచవ్యాప్తంగా ఉన్న పలు భారతీయ ఎంబసీలు, కాన్సులేట్లలో కూడా ఈ కార్యక్రమాన్ని ప్రత్యక్షప్రసారం చేయనున్నారు. అయితే మనందరికి అమెరికాలోని న్యూయార్క్‌లో ఉన్న టైమ్స్ స్క్వేర్‌ గురించి తెలిసిందే. ఆ బిల్డింగ్‌పై కనిపించే దృశ్యాలు ప్రపంచ దేశాల ప్రజలను ఆకట్టుకుంటాయి. అందుకోసమే అయోధ్యలో జరగనున్న రామాలయం ప్రాణప్రతిష్ఠ కార్యక్రమాన్ని టైమ్‌ స్క్వేర్‌లో ప్రత్యక్షప్రసారం చేయనున్నట్లు తెలుస్తోంది.

Also read: సీఎం రేవంత్ మరో కీలక నిర్ణయం.. ప్రజాపాలన వెబ్‌సైట్‌ ప్రారంభం..

ప్రధాని ప్రసంగం

ఇప్పటికే ఇందుకు సంబంధించి అన్ని ఏర్పాట్లు కూడా పూర్తయ్యాయని సమాచారం. ఈ విషయాన్ని పలు జాతీయ మీడియా కథనాలు వెల్లడించాయి. మరో విషయం ఏంటంటే రామాలయంలో ప్రాణప్రతిష్ఠ కార్యక్రమం పూర్తయ్యాక ప్రధాని మోదీ భక్తులను ఉద్దేశించి ప్రసంగించనున్నారు. ఈ ప్రసంగాన్ని కూడా ప్రపంచవ్యాప్తంగా లైవ్‌ ప్రసారం చేయనున్నట్లు సమాచారం. మరో విషయం ఏంటంటే టైమ్‌ స్క్వేర్‌లో రామ మందిరాన్ని ప్రదర్శించడం ఇది మొదటిసారి కాదు.

Also Read: లక్షద్వీప్‌తో మాల్దీవులకు వచ్చిన సమస్య ఏంటీ.. స్థానిక ఎంపీ సంచలన వ్యాఖ్యలు..

2020 ఆగస్టు 5వ తేదీన అయోధ్యలో రామ మందిర నిర్మాణానికి ప్రధాని మోదీ భూమిపూజ చేసిన సంగతి తెలిసిందే. అయితే ఆ రోజున రామమందిర చిత్రాన్ని టైమ్స్‌ స్క్వేర్‌లో ప్రదర్శించారు. ఇక జనవరి 22న రామ్‌లల్లా ప్రాణ ప్రతిష్ఠాపన జరగనుంది. ఈ వేడుకను ప్రత్యక్షంగా చూసేందుకు ప్రధాని మోదీతో పాటు దేశవ్యాప్తంగా ఉన్న పలువురు ప్రముఖులు, లక్షలాది మంది ప్రజలు, వేలాది మంది సాధువులు హాజరుకానున్నారు. ఇదిలాఉండగా.. రామాలయ ప్రారంభోత్సవాన్ని బీజేపీ రాజకీయం చేస్తోందంటూ విపక్ష పార్టీల నుంచి విమర్శలు వ్యక్తమవుతున్నాయి.