Magadheera: చెర్రీ ఫ్యాన్స్ కు పూనకాలే .. మగధీర రీ రిలీజ్ డేట్ ఫిక్స్..!

Magadheera: ప్రస్తుతం రీరిలీజ్ హవా జోరుగా సాగుతోంది. ఒకప్పుడు బాక్స్ ఆఫీస్ వద్ద సంచలనం సృష్టించిన సినిమాలు మరో సారి ప్రేక్షకులను అలరించడానికి సిద్ధమవుతున్నాయి. ఇప్పటికే రీ రిలీజైన పలు చిత్రాలకు ప్రేక్షకుల నుంచి మంచి రెస్పాన్స్ వచ్చింది. అప్పట్లో అవేరేజ్ గా ఆడిన సినిమాలు కూడా రీ రిలీజ్ తర్వాత భారీ కలెక్షన్స్ వసూళ్లు చేస్తున్నాయి. అయితే తాజాగా మరో స్టార్ హీరో మూవీ రీ రిలీజ్ కు రెడీ అయ్యింది. మెగా పవర్ స్టార్ రామ్ చరణ్ మగధీర సినిమా మరో సారి ప్రేక్షకుల ముందుకు రాబోతుంది.

Also Read: Brahmamudi Serial: అహంకారంగా అపర్ణ.. కొడుకు కాపురాన్ని నిలబెడుతుందా.. కావ్య పరిస్థితి ఏంటి?

రామ్ చరణ్ మగధీర రీ రిలీజ్

రామ్ చరణ్, కాజల్ అగర్వాల్ జంటగా రాజమౌళి దర్శకత్వంలో వహించిన చిత్రం 'మగధీర'. 2009 లో విడుదలైన ఈ చిత్రం తెలుగు సినిమా రికార్డులను తిరగరాసింది. 40 కోట్లతో తెరకెక్కి..100 కోట్లకు పైగా వసూళ్లు  చేసింది. రెండో సినిమాతోనే ఇండస్ట్రీ హిట్ కొట్టి సంచలనం సృష్టించాడు చరణ్. 

ఒకప్పుడు ప్రేక్షకులను ఎంతగానో ఆకట్టుకున్న ఈ చిత్రం మరో సారి రిలీజ్ కాబోతుంది. రామ్ చరణ్ బర్త్ డే సందర్భంగా మార్చి 26న ఈ సినిమాను గ్రాండ్ గా రీ రిలీజ్ చేయనున్నారు. శ్రీ విజయలక్ష్మి ట్రేడర్స్ అధినేతలు అరిగెల కిషోర్ బాబు, యర్రంశెట్టి రామారావు ఈ మూవీని తెలుగు రాష్ట్రాల్లో అత్యధిక థియేటర్స్ లో విడుదల చేయబోతున్నారు. దీంతో మెగా ఫ్యాన్స్ ఫుల్ ఖుష్ అవుతున్నారు. ఇప్పటికే రీ రిలీజైన రామ్ చరణ్ ఆరెంజ్ మూవీ భారీ వసూళ్లను కలెక్ట్ చేసింది. ఇక ఇప్పుడు రాబోతున్న 'మగధీర' ఎలాంటి రచ్చ చేస్తుందో చూడాలి.

Also Read: Singer Mangli: ఆ రోజు జరిగింది అదే.. యాక్సిడెంట్ పై రియాక్టైన సింగర్ మంగ్లీ