Drugs Case: డ్రగ్స్‌ కేసులో నటి రకుల్‌ సోదరుడు అరెస్ట్.. భారీగా కొకైన్‌ స్వాధీనం!

Rakul Preet Singh Brother Arrested: తెలంగాణలో మరోసారి డ్రగ్స్ కేసు  (Drugs Case)సంచలనం రేపుతోంది. ఈ మత్తు దందాలో ఇప్పటికే నటి రకుల్‌ ప్రీత్‌ సింగ్‌ నార్కొటిక్స్‌ కంట్రోల్‌ బ్యూర్డో(ఎన్సీబీ) ముందు హాజరైన విషయం తెలిసిందే. కాగా తాజాగా రకుల్‌ సోదరుడు అమన్‌ప్రీత్‌ డ్రగ్స్ కేసులో అరెస్ట్ అయ్యారు.

ఈ మేరకు గత వారం రోజులుగా సైబరాబాద్ పోలీస్ కమిషనరేట్ పరిధిలో సోదాలు నిర్వహిస్తున్న అధికారులు అమన్‌ప్రీత్‌ నుంచి భారీగా డ్రగ్స్ స్వాధీనం చేసుకున్నారు. పోలీసుల రైడ్‌ సమయంలో డ్రగ్స్‌ తీసుకుంటున్న అమన్‌ పట్టుపడగా.. అతని దగ్గర రూ.2 కోట్లు విలువైన 200 గ్రాముల కొకైన్‌ దొరికినట్లు పోలీసులు తెలిపారు. నార్కోటిక్స్ బ్యూరో, రాజేంద్రనగర్ sot జాయింట్ ఆపరేషన్‌ లో నలుగురు నైజీరియన్లతోపాటు సినీ ప్రముఖుల అరెస్ట్‌ చేసినట్లు వెల్లడించారు.